№1 сұрақ. Шарттың қандай сомасынан бастап Банкте есептік нөмірді (ЕН) алу талап етіледі?
Жауап:
Егер экспорт немесе импорт жөніндегі валюталық шарттың сомасы оны жасаған күні 50 000 (елу мың) АҚШ доллары баламасынан асатын болса, осындай шарттарға ЕН алу қажет.
Егер экспорт немесе импорт жөніндегі валюталық шартта оны жасаған күні шарттың сомасы көрсетілмесе, онда осындай шарт есептік тіркеуге жататын шарт ретінде қаралады.
№2 сұрақ. Валюталық операцияның қандай сомасынан бастап Банкке құжаттарды (шарт, инвойс, шот, шот-фактура және т.б.) ұсыну қажет?
Жауап:
• Есептік тіркеуге жататын валюталық шарт бойынша валюталық операциялар ЕН берілген валюталық шарт болған жағдайда ғана жүргізіледі.
• Резидент және бейрезидент заңды тұлғалар сомасы 10 000 (он мың) АҚШ доллары баламасынан асатын операцияларды жүргізетін болса, құжаттарды міндетті түрде ұсынады.
• Заңды және жеке тұлға бейрезиденттер, сондай-ақ резидент жеке тұлғалар сомасы 10 000 (он мың) АҚШ доллары баламасынан аспайтын операцияларды жүргізген кезде, операцияларды құжаттарды ұсынбай-ақ жүргізе алады.
• Резидент заңды тұлғалар сомасы 10 000 (он мың) АҚШ доллары баламасынан аспайтын операцияларды жүргізген кезде, осы төлем және (немесе) ақша аударымы ЕН-ді беру талап етілетін валюталық шартты орындауға байланысты емес екенін растайтын жазбасы болған жағдайда, операцияларды құжаттарды ұсынбай-ақ жүргізе алады.
№3 сұрақ. Валюталық шартты және валюталық операциялар бойынша құжаттарды қай электрондық мекенжайға жөнелтуге болады?
Жауап:
Валюталық бақылау бойынша құжаттарды Өзіңіздің орналасқан жеріңізге сәйкес келетін электрондық мекенжайға жөнелту қажет:
Ақтау қ. -
vk.aqtay@bcc.kz
Ақтөбе қ. -
vk.aqtobe@bcc.kz
Атырау қ.-
vk.atyray@bcc.kz
Астана қ. -
vk.astana@bcc.kz
Жезқазған қ. -
vk.jezqazgan@bcc.kz
Қарағанды қ.-
vk.qaragandy@bcc.kz
Көкшетау қ. -
vk.koksetay@bcc.kz
Қостанай қ. -
vk.qostanai@bcc.kz
Қызылорда қ.-
vk.qyzylorda@bcc.kz
Павлодар қ. -
vk.pavlodar@bcc.kz
Петропавл қ. -
vk.petropavl@bcc.kz
Семей қ. -
vk.semei@bcc.kz
Орал қ.- vk.oral @bcc.kz
Өскемен қ.-
vk.oskemen@bcc.kz
Шымкент қ. -
vk.symkent@bcc.kz
Тараз қ.–
vk.taraz@bcc.kz
Талдықорған қ. -
vk.taldykorgan@bcc.kz
№4 сұрақ. Егер шарт «Интернет-банкинг» жүйесі (ИБЖ) арқылы Банкке тіркеуге жөнелтілген болса, Банк берген ЕН көрсетілген шарттың көшірмесін қайдан алуға болады?
Жауап:
ИБЖ-де «ЭИВБ» тарауындағы ЕН-ді алуға ұсынылған бұрынғы өтінімге өтіп, осы өтінімде жүктеліп салынған файлды ашу қажет, осы жерде ЕН берілген шарт орналастырылады.
№5 сұрақ. ЕН көрсетілген келісімшарттарды басқа банктен қалай ауыстыруға болады?
Жауап:
Басқа банкке ауысқан кезде, экспорт немесе импорт жөніндегі валюталық шарт бойынша жаңа ЕН берілмейді.
Экспорттаушы немесе импорттаушы алдыңғы есептік тіркеу банкіне:
1) басқа банкке өтуге байланысты экспорт немесе импорт жөніндегі валюталық шартты валюталық бақылаудан алу туралы еркін нысандағы өтінішті;
2) басқа уәкілетті банкке валюталық шарт бойынша міндеттемелерді орындау туралы ақпаратты еркін нысанда беруге жазбаша келісімді ұсынады.
Осыдан кейін экспорттаушы немесе импорттаушы жаңа банкке өту мақсатында:
1) бекітілген нысан (№ 42 Қағиданың 1-қосымшасы) бойынша экспорт немесе импорт жөніндегі валюталық шартты валюталық бақылауға қабылдау туралы өтінішті;
2) экспорт немесе импорт жөніндегі валюталық шарттың түпнұсқасын немесе көшірмесін ұсынады.
№6 сұрақ. Осы ақша аударымының есептік нөмірді беру талап етілетін валюталық шартты орындауға байланысты емес екені туралы жазбаны қандай жағдайда жазу қажет?
Жауап:
Резидент заңды тұлға (төлемді және (немесе) ақша аударымын жөнелтуші және (немесе) төлемнің және (немесе) ақша аударымының бенефициары) валюталық операциялар бойынша төлемді және (немесе) ақша аударымын валюталық шартты ұсынбай-ақ 10 000 (он мың) АҚШ доллары баламасынан аспайтын сомада жүргізген кезде жазу қажет.
№7 сұрақ. Репатриациялау мерзімі дегеніміз не?
Жауап:
Репатриациялау мерзімі – экспорттаушы немесе импорттаушы тараптардың экспорт немесе импорт жөніндегі валюталық шарт бойынша міндеттемелерін орындау талаптары негізінде есептейтін:
• экспорт күні мен экспортты төлеуге валюта келіп түскен күн арасындағы уақыт кезеңі;
• бейрезидент міндеттемелерін орындамаған және (немесе) толық орындамаған жағдайда, импорт бойынша төлем және (немесе) ақша аударымы күні мен импорт бойынша пайдаланылмаған аванстық төлем қайтарылған күн арасындағы уақыт кезеңі;
• валюталық шартта пайдаланылмаған аванстық төлемді қайтару мерзімі болмаған жағдайда, импорт бойынша төлем және (немесе) ақша аударымы күні мен импорт күні арасындағы уақыт кезеңі.
Басқа сөзбен айтқанда, репатриациялау мерзімі дегеніміз – бейрезиденттің экспорт немесе импорт жөніндегі валюталық шарт бойынша міндеттемелерін орындау мерзімі.
№8 сұрақ. Еуразиялық экономикалық одақ (ЕАЭО) бойынша репатриациялау мерзімін қалай есептеуге болады? Қай кезде 180.00 деп, ал қай кезде 000.01 деп көрсету қажет?
Жауап:
Егер валюталық шарт тауарларды импорт үшін ЕАЭО-ға мүше басқа мемлекеттің аумағынан Қазақстан Республикасының аумағына алып өтуді көздесе, импорттаушы есептеген репатриациялау мерзіміне тауарларды әкелу туралы өтінішті алу үшін қажетті 180 (бір жүз сексен) күндік уақыт кезеңі қосылады.
Егер валюталық шартта тауарларды Қазақстан Республикасы мен Одаққа мүше басқа мемлекет арасында алып өту көзделсе, экспорттаушы есептеген репатриациялау мерзіміне бейрезиденттен жанама салықтарды төлеу немесе қосымша құн салығын төлеуден және (немесе) акциздерден босату туралы растауы бар тауарларды әкелу туралы өтінішті алу үшін қажетті 180 (бір жүз сексен) күндік уақыт кезеңі қосылады.
Осы ретте, репатриациялау мерзімін экспорттаушы немесе импорттаушы валюталық шарттың талаптарына байланысты өз бетінше есептейтіндігін ескертеміз.
№9 сұрақ. Еуразиялық экономикалық одақ (ЕАЭО) аясындағы келісімшарттар бойынша тауарларды есепке алу үшін Банкке қандай құжаттарды ұсыну қажет?
Жауап:
1. Тауарларды әкелу және жанама салықтарды төлеу туралы өтініш (1-қосымша).
2. Электрондық түрдегі салық есептілігін мемлекеттік кірістер органының қабылдағаны немесе қабылдамағаны туралы хабарлама (36-қосымша).
3. Жанама салықтарды төлеу фактісін растау (босатудың не төлеудің өзге тәртібі) туралы хабарлама (3-қосымша).
№10 сұрақ. Егер Банк жүйесінде шарт бойынша тауарларға арналған декларация туралы ақпарат көрсетілмеген жағдайда, клиент не үшін Мемлекеттік салық комитетіне (МСК) өтініш жасауы тиіс?
Жауап:
Экспорттаушы немесе импорттаушы алған ТД туралы ақпаратты ҚР Ұлттық Банкі МКК-ден алып, электрондық түрде Банкке жөнелтеді.
2019 жылғы 30 наурыздағы №42 Қазақстан Республикасында экспорттық-импорттық валюталық бақылауды жүзеге асыру қағидаларының талаптарына сәйкес Банкке ҚРҰБ-дан ТД туралы деректемелер электрондық тәсілмен келіп түспеген жағдайда, МКК-нің ақпараттық жүйесінде ТД-ның болуы туралы МКК-нің аумақтық бөлімшесінің жазбаша растамасы болған жағдайда ғана Банк ТД-ны клиенттен қағаз тасымалдағышта қабылдай алады. МКК-нің аумақтық бөлімшесі жоғарыда көрсетілген растаманы Клиент өтініш жасағаннан кейінгі 3 (үш) жұмыс күні ішінде ұсынады.
№11 сұрақ. ИБЖ-нің клиенттік бөлігіндегі валюталық келісімшарттар бойынша тізілімдерді (ақша және тауарлар қозғалысы туралы ақпарат) қалай қарауға болады?
Жауап:
ИБЖ-де «ЭИВБ» қосымша бетіне кіріп, көрсетілген экранның оң жақ бөлігіндегі тізілімді көрсету қажет етілетін шартты іздеу үшін фильтрде мәнді белгілеу керек. Осыдан кейін «Көрсету» батырмасын басқан кезде, экранда келісімшарттар тізімі көрсетіледі. Деректерді көру үшін тізімнің сол жағындағы «Тізілім» батырмасын басу керек
.
