Баспасөз релизі

Нұр-Сұлтан, 2019 жылғы 28 қазан

ЦентрКредит Банкі мен Еуропалық қайта құру және даму банкі тәуекелдерге қатысу жөнінде шекті келісімге қол қойды

«Банк ЦентрКредит» акционерлік қоғамы (бұдан кейін – Банк немесе ЦКБ) және Еуропалық қайта құру және даму банкі (бұдан кейін – ЕҚДБ) тәуекелдерді бөлу арқылы Қазақстандағы жобаларға бірігіп қатысу бойынша шекті келісімге қол қойғаны туралы хабарлады. Қол қойылған құжат ЕҚДБ-ның тәуекелдерді бөлу бойынша жаһандық бағдарламасы аясында әзірленген, оған сәйкес ЕҚДБ коммерциялық банктерге қарыз алушылар үшін тәуекелдің 50 % дейін өтейтін кепілдіктер беру арқылы корпоративтік жобаларға қатысады.

ЕҚДБ ЦентрКредит Банкімен келісімге қол қойғаннан кейін Орталық Азия бойынша Басқарушы директоры Бруно Балванера былай деді: «Мен Қатысу туралы келісімге қуана қол қойдым және ЦКБ-нің осы маңызды қаржы өнімін пайдалана отырып, жеке секторда жүргізетін операцияларында тәуекелдерді бөлу бойынша барлық жұмысын қолдайтын боламын».

«Осы келісімге қол қою – ЦКБ мен ЕҚДБ-ның көп жылғы жемісті серіктестігінің аясында жасалған кезекті қадам. Біздің қаржы институттарымыздың арасындағы қарым-қатынас жауапкершілік, құрмет, сондай-ақ өзіне алған барлық міндеттемелерді орындау бойынша жоғары деңгейдегі сенімділік принциптерінен құралған. ҚР-дағы бірінші осындай жобаға қуаныштымыз, ол еліміздің экономикалық субъектілеріне кредит беру мүмкіндіктерін едәуір кеңейтеді және тәуекелдерді бөлу саласында жаңа, перспективалық форматты іске асыруға мүмкіндік береді», – деп пікір білдірді ЦентрКредит Банкінің Басқарма төрағасы Ғалым Хұсаинов.

«ЦентрКредит Банкі Тәуекелдерді бөлу бағдарламасының аясында ЕҚДБ-ның алғашқы серіктес-банкі болады, бұл өз кезегінде ЕҚДБ-ға Қазақстандағы жеке секторды қолдаудың жаңа арнасын ашуға мүмкіндік береді», - деп атап өтті ЕҚДБ-ның шағын және орта бизнесті дамыту және қаржыландыру жөніндегі бағдарламасының басшысы Надя Петкова ханым.

Тәуекелдерді бөлу бағдарламасының негізгі талаптарында келесілер көзделген:

§ Салалар бойынша шектеулердің болмауы (ЕҚДБ-ның стандарт шектеулерінен басқа) және ЕҚДБ тарапынан консультациялық қолдау көрсету;

§ Мәмілелер валютасы: KZT, USD немесе EUR;

§ Қаржыландырылатын жобаның мөлшері: 300 мың USD бастап 20 млн USD дейін;

§ Мақұлдау: кейін ЕҚДБ-ның кепілдікті мақұлдауымен, Банктің қаржыландыруды стандарт мақұлдауы;

§ ЦКБ-ге және қарыз алушыларға техникалық көмек көрсету: техникалық серіктестік, салалық сараптама құралдарымен ауқымды қолдау.

Қол қойылған келісім аясында ЕҚДБ ЦКБ-нің қарыз алушылары үшін тікелей тәуекелдерді өзіне алатынын атап өту қажет.

Банк ЦентрКредит туралы

«Банк ЦентрКредит» акционерлік қоғамы 1988 жылғы 19 қыркүйекте құрылған және әмбебап бизнес-модельге негізделген Қазақстанның ең алғашқы әрі ірі банктерінің бірі болып табылады. Банктің кең тараған ауқымды филиалдық желісі бар, 108-ден аса құрылымдық бөлімшелері арқылы заңды және жеке тұлғаларға қызмет көрсетеді. Банктің корреспонденттік желісіне шетелдік 40 банк кіреді. Банктік және өзге де операцияларды және бағалы қағаздар нарығындағы қызметті жүргізуге ҚР ҰБ 28.01.2015 ж. берген №1.2.25/195/34 лицензия. Толық ақпаратты банктің www.bcc.kz сайтынан алуға болады.

ЕҚДБ туралы

ЕҚДБ үш құрлықтағы 38 елде жеке сектор мен кәсіпкерлік бастамашылықты дамытуға көмектесетін көпжақты банк болып табылады. Банк 67 елге, сондай-ақ ЕО пен ЕИБ-ге тиесілі. ЕҚДБ инвестициялары өз өңірлерінің экономикасын бәсекеге қабілетті, жалпы аумақты, жақсы басқаруға болатын, экологиялық және интеграцияланған етуге бағытталған. Банктің акционерлеріне 65 мемлекет, ЕО пен ЕИБ кіреді. Қазіргі таңда ЕҚДБ Қазақстанның экономикасына 8,8 миллиард доллардан жоғары қаражатты инвестициялады.

Қосымша ақпарат:

Дубровина Инна – «Банк ЦентрКредит» АҚ-тың Маркетинг және PR департаментінің PR-бағытының жетекшісі

inna.dubrovina@bcc.kz

Егорин Андрей – «Банк ЦентрКредит» АҚ-тың Маркетинг және PR департаментінің аға сарапшысы

andrey.yegorin@centercredit.kz