Баспасөз релизі

Алматы, 2019 жылғы 13 желтоқсан

ЦентрКредит Банкіне ЕҚДБ теңгемен 40 млн АҚШ долларына дейінгі мөлшерде кредит береді

Кредит беру туралы келісімге Алматы қаласында 12 желтоқсанда қол қойылды.

Қаржыландырудың жалпы пакетіне микро, шағын және орта бизнесті (МШОБ) қаржыландыру үшін теңгелік баламада 30 млн АҚШ долларына дейінгі мөлшерде 3 жылға берілетін кредит, сондай-ақ ЕҚДБ-ның «Бизнестегі әйелдер» бағдарламасы аясында әйелдер кәсіпкерлігін дамыту үшін теңгелік баламада 10 млн АҚШ долларына дейінгі мөлшерде 3 жылға берілетін кредит кіреді.

«Еуропалық қайта құру және даму банкінен кезекті қарызды алу біздің қаржы институттарымыздың арасында 2003 жылдан басталған жемісті ынтымақтастығымыздың жалғасы болып табылады. Осы қарыз беру «Даму» қорының қатысуынсыз жүргізілді, бұл өз кезегінде біздің жақсы серіктестік қарым-қатынасымыздың көрінісі» - деп пікір білдірді «Банк ЦентрКредит» АҚ-тың Басқарма төрағасы Ғалым Хұсаинов. – Қолданыстағы қарыз аясында МШОБ субъектілері, соның ішінде «Бизнестегі әйелдер» бағыты жеке қарастырылып, қаржыландырылады. ЦентрКредит Банкінің атынан ЕҚДБ-ға қолдауы мен сенім білдіргені үшін алғыс айтамын».

«ЦентрКредит Банкі шағын және орта бизнесті, әйелдер кәсіпкерлігін қолдау, сондай-ақ сауданы қаржыландыру бойынша ЕҚДБ-ның бағдарламаларын іске асыруда біздің Қазақстандағы байырғы әрі сенімді серіктесіміз болып табылады. Банк 2015 жылы ЕҚДБ-ның «Бизнестегі әйелдер» бағдарламасын қолдап, оған қосылған алғашқы қаржы институты болды, бұл бағдарламаның аясында қаржыландырумен қатар консультациялық және оқыту қызметтері ұсынылады» - деп атап өтті ЕҚДБ-ның Қазақстан бойынша басшысы Агрис Прейманис.

Анықтама:

«Банк ЦентрКредит» акционерлік қоғамы 1988 жылғы 19 қыркүйекте құрылған және әмбебап бизнес-модельге негізделген Қазақстанның ең алғашқы әрі ең ірі банктерінің бірі болып табылады. Банктің кең тараған ауқымды филиалдық желісі бар, 108-ден аса құрылымдық бөлімшелері арқылы заңды және жеке тұлғаларға қызмет көрсетеді. Банктің корреспонденттік желісіне шетелдік 40 банк кіреді. Банктік және өзге де операцияларды және бағалы қағаздар нарығындағы қызметті жүргізуге ҚР ҰБ 28.01.2015 ж. берген №1.2.25/195/34 лицензия. Толық ақпаратты банктің www.bcc.kz сайтынан алуға болады.

Еуропалық қайта құру және даму банкі (ЕҚДБ) 1991 жылы Орталық және Шығыс Еуропада экономиканы дамытуға көмектесу үшін құрылды. ЕҚДБ нарыққа бейімделген экономикаға, сондай-ақ жеке және кәсіпкерлік бастамаларды дамытуға» өтуді ілгерілету ісін қолдайды. 1990 жылдардың басында Банк құрылған сәттен бастап бұл оның басты принципі болды және жаңа проблемалар мен ЕҚДБ-ның қызмет салаларының жаңа елдерге кеңеюіне қарамастан, алдағы уақытта да оның негізгі миссиясы болып қалады.

Қосымша ақпарат:

Дубровина Инна – «Банк ЦентрКредит» АҚ-тың Маркетинг және PR департаментінің PR-бағытының жетекшісі

Тел. +7 7769843663

inna.dubrovina@bcc.kz

Егорин Андрей – «Банк ЦентрКредит» АҚ-тың Маркетинг және PR департаментінің аға сарапшысы

Тел. +7 777 7731099

andrey.yegorin@centercredit.kz