Баспасөз релизі

Алматы, 2021 жылғы 10 ақпан

9 ақпанда ЦентрКредит Банкінің Алматы қалалық филиалында біржолғы зейнетақы төлемдерін пайдалану арқылы алғашқы ипотекалық кредит берілді.

«Біз біржолғы зейнетақы төлемдерін пайдалану арқылы тұрғын үй кредитін алу процесін ЦКБ-нің тиімді мерзім ішінде ұйымдастыра алғанына қуаныштымыз, – дейді ЦентрКредит Банкінің Басқарма Төрағасы Ғалым Хұсаинов. – Біз бұл бағдарламаның қазақстандықтар үшін маңызды екенін білеміз, сондықтан да осы үлкен сұранысқа ие сервиске арналған қажетті платформаны ең қысқа мерзімде әзірледік. Ипотекалық кредит беру – ЦКБ-нің жетекші бағыттарының бірі, біз дәстүр бойынша бұл саланың көшбасшылары қатарында тұрамыз, сондай-ақ мамандарымыз тұрғын үй қарызын тез әрі қолайлы алу үшін не істеу қажет екендігін біледі».

Естеріңізге сала кетсек, 2021 жылғы 2 қаңтарда Қазақстан Президенті «Қазақстан Республикасының кейбір заңнамалық актілеріне экономикалық өсуді қалпына келтіру мәселелері бойынша өзгерістер мен толықтырулар енгізу туралы» ҚР заңына қол қойды. Бұл түзетулер жиынтығы қазақстандықтардың, тұрғын үй жағдайларын жақсартуды қоса алғанда, БЖЗҚ-дан жинақтарының бір бөлігін мерзімінен бұрын алуына рұқсат береді. Алматы қаласының тұрғыны Анна Писаренкова дәл осы тармақты пайдаланып, ЦКБ-де зейнетақы төлемдерін алуға арналған шот ашып, 5 күннің ішінде бір бөлмелі пәтердің иесі атанды.

«Бүгінгі күні BCC.KZ мобильді қосымшасы арқылы кез келген ниет білдірген тұлға біржолғы зейнетақы төлемдерін алуға арналған арнайы шот аша алады, сондай-ақ жақын арада біздің Банк осы төлемдерді алуға өтінім беру мүмкіндігін іске асырады, – деп жалғастырады Ғалым Хұсаинов. – Қазіргі сәтте аталған сервисті толықтай автоматтандыру үшін БЖЗТ-мен түбегейлі интеграциялау бойынша IT-процестер жүргізіліп отыр. Осы процесс іске асырылғаннан кейін біз міндетті түрде қазақстандықтарға хабарлаймыз және сол арқылы олар ЦКБ-нің интернет-ресурсы арқылы зейнетақы төлемдерін алу туралы өтінім бере алады».

ЦентрКредит Банкі туралы

«Банк ЦентрКредит» акционерлік қоғамы 1988 жылғы 19 қыркүйекте құрылған және әмбебап бизнес-модельге негізделген Қазақстанның ең алғашқы әрі ең ірі банктерінің бірі болып табылады. Банктің кең тараған ауқымды филиалдық желісі бар, 110-нан аса құрылымдық бөлімшелері арқылы заңды және жеке тұлғаларға қызмет көрсетеді. Банктің корреспонденттік желісіне шетелдік 40 банк кіреді. Толық ақпаратты банктің www.bcc.kz сайтынан алуға болады.

Өнімдер желісі мәселелері бойынша келесі телефон нөмірлеріне хабарласыңыз:
505 – жеке тұлғалар үшін (ұялы телефоннан қоңырау шалу тегін)

Игорь Бушмелев – «Банк ЦентрКредит» АҚ-тың PR бөлімінің бастығы

Igor.Bushmelev@bcc.kz