Баспасөз релизі

Алматы, 2021 жылғы 20 қаңтар

ЦентрКредит Банкі ҚР ЕДБ ішінде алғашқы болып бүкіл Қазақстан бойынша балалардың қаржылық білімін арттыруға бағытталған республикалық жобаны бастады. Жоба қанатқақты режимде Алматы қаласында сәтті іске қосылып, Банктің Басқарма Төрағасы бастаған топ-менеджерлер жас сарапшыларға қаржы институты бойынша экскурсия жүргізді, сондай-ақ қаржылай сауаттылық бойынша алғашқы кіріспе сабақ өткізді. 20 қаңтарда осындай білім беру акциялары еліміздің барлық өңірлерінде өткізілді. ЦКБ-нің білім беру бағдарламасы жақын арада республикамыздың барлық мектеп мекемелеріне де таратылады деп жоспарланады. Аталған жоба балаларға арналған онлайн-банкинг – Junior Bank өнімінің аясында іске асырылады.

«Қазіргі заманда қаржылай сауаттылық таңдаған мамандығыңа қарамастан, бөліп-жаруға келмейтін дағды болып табылады. Бұл ғылымның қыр-сырын балалық шақтан бойға сіңіру қажет, – дейді ЦентрКредит Банкінің Басқарма Төрағасы Ғалым Хұсаинов. – Біз бүкіл Қазақстан бойынша осындай білім беру акциясын бастаған еліміздегі алғашқы банк болдық, сондай-ақ жас клиенттеріміз үшін бұл күні ЦКБ-нің әрбір филиалының есігі айқара ашылды. Осылайша біз өскелең ұрпақтың дамуына қолымыздан келгенше үлесімізді қосамыз, сондықтан да жас клиенттерімізге арналған банктік өнімдерді ғана шығарып қана қоймай, балақайлар банктің ішкі әлемін өз көзімен көруі үшін банкке шақырып, кездесулер ұйымдастырамыз».

Экскурсия аясында Басқарма Төрағасы балалармен бірге банктің мұражайына барып, банк қызметкерлерінің өткен жүз жылдықта қандай құрылғылардың көмегімен жұмыс жасағаны туралы сөз қозғады. Содан соң топ Бас офистің орталық бөлімшесіне бет алды. Ғалым Хұсаинов контактісіз банкоматтардың жұмысын көрсетіп, фронт-офис кассирлері мен менеджерлерінің міндеттері туралы айтса, «BCC Elite» VIP-бөлімшесінің қызметкерлері балаларға алтын құймаларды көрсетті. Операциялық орталыққа бару ең есте қаларлық оқиға болды, өйткені бұл жерде балаларға картаның «дүниеге келуі» көрсетілді. Балалар «пластик» әзірлеу күрделі технологиялық процесс екендігін, арнайы жабдықтар мен материалдарға қоса өндірістің әр кезеңіне үлкен мән беру керектігін білді.

«Бүгінгі іс-шара – ҚР барлық мектептеріне таралатын үлкен жобаның бастауы ғана. Біз балалардың Банктің жұмысы туралы тек теория жағынан ғана емес, сондай-ақ өз көзімен көріп білгенін де қалаймыз», – деп қорытындылады Ғалым Әбілжанұлы.

Бұдан әрі қарай ЦКБ-нің Басқарушы директоры Павел Кравченко мен JuniorBank дирекциясының басшысы Нұргүл Бимағамбетова банктің ең үлкен залында қаржы білімі бойынша алғашқы сабақты өткізіп, оның барысында балалармен негізгі банктік терминдерді талдады, сондай-ақ шығындарды дұрыс жоспарлау, қаржыны ұтымды басқару, әлемнің ең бай қаржыгерлерінің өмірлік ұстанымы туралы айтып, Junior картасы мен JuniorBank моильді қосымшасын пайдалануды үйретті.

«Junior Card» 6 жастан бастап 18 жасқа дейінгі балаларға арналған және ата-ананың немесе үшінші тұлғаның атына жеке карточкалық шот болып ашылады. Енді бөлімшеге келу қажеттілігінің болмауы да өте ыңғайлы – сіз BCC.KZ қосымшасында ең көбі 5 Junior Card-ты виртуалды түрде аша аласыз. «Junior Bank» қосымшасын да атап өтпеуге болмайды: BCC.KZ қосымшасында ата-аналар өзінің барлық карталарын, қоса алғанда Junior картасын көре алады. «Junior Bank» қосымшасында, өз кезегінде, балалар тек өзінің «Junior Card» картасын көреді. Қосымша Android және IOS платформаларында қолжетімді.

ЦентрКредит Банкі туралы

«Банк ЦентрКредит» акционерлік қоғамы 1988 жылғы 19 қыркүйекте құрылған және әмбебап бизнес-модельге негізделген Қазақстанның ең алғашқы әрі ең ірі банктерінің бірі болып табылады. Банктің кең тараған ауқымды филиалдық желісі бар, 110-нан аса құрылымдық бөлімшелері арқылы заңды және жеке тұлғаларға қызмет көрсетеді. Банктің корреспонденттік желісіне шетелдік 40 банк кіреді. Толық ақпаратты банктің www.bcc.kz сайтынан алуға болады.

Өнімдер желісі мәселелері бойынша келесі телефон нөмірлеріне хабарласуға болады:
505 – жеке тұлғалар үшін (ұялы телефоннан қоңырау шалу тегін)
605 – заңды тұлғалар үшін (ұялы телефоннан қоңырау шалу тегін)

Игорь Бушмелев – «Банк ЦентрКредит» АҚ-тың PR бөлімінің бастығы

Igor.Bushmelev@bcc.kz