Баспасөз релизі

Алматы, 2020 жылғы 13 сәуір 

ЦентрКредит Банкі үйден шықпай-ақ 42 500 теңге мөлшеріндегі төлемді алуға арналған карталарды қашықтан ресімдеу процесін іске қосты 

Карталарды қашықтан ресімдеу процесі карантин кезеңінде мемлекеттік төлемдерді алуды барынша жеңілдету мақсатында қысқа мерзімде іске асырылды

Қазақстандағы соңғы уақыттағы ең маңызды және өзекті тақырыптардың бірі – азаматтардың 42 500 теңге мөлшеріндегі әлеуметтік жәрдемақыны ресімдеуі. Төтенше жағдайдың жариялануына байланысты қаржылық жағдайы төмендеген халықтың елеулі бөлігі мемлекет тарапынан көрсетілетін көмекке үміт артып отыр.  Жәрдемақыны алудың міндетті талаптарының бірі – төлем түсетін карточкалық шоттың болуы.

Осыған байланысты карточкалық шоттар ашу бойынша жаппай қажеттілік туындады. Алайда, еліміздің негізгі ең ірі үш қаласында карантиннің жариялануына және қалада жүру және адамдар көп жиналған жерлерге бару жағдайларын болдырмау үшін өзін-өзі оқшаулау режимінің енгізілуіне байланысты карточкалық шоттарды ашуға қатысты қиындықтар да пайда болуда.

Орын алған жағдайды назарға ала отырып, ЦентрКредит Банкі банк бөлімшелеріне келмей-ақ қысқа мерзімдерде карт-шоттарды алу механизмін әзірледі. Яғни, ықтимал клиент бар болғаны ЦКБ-нің сайтына кіреді де, шот ашу және карта шығару туралы өтінім қалдырады. 

 «Клиенттерге қолайлы жағдай жасау және олардың қауіпсіздігін қамтамасыз ету – біздің басты басымдығымыз», – деп түсіндірді Банктің Басқарма Төрағасы Ғалым Хұсаинов. – Дәл осы себеп бойынша орын алған жағдайға байланысты біз банктік қызметтердің көпшілігін қашықтан көрсетеміз. Дәл қазіргі сәтте карантин режиміне шыдау және аса маңызды қажеттіліксіз үйден шықпау – өмір үшін маңызды. ЦКБ карточкасын қашықтан ашу мүмкіндігін пайдаланыңыз және өз денсаулығыңызға қауіп төндірмей, өзіңізге тиесілі барлық төлемді алыңыз. Сіз денсаулығыңызды сақтаңыз, ал біз өзіміздің құрметті клиенттеріміз үшін барлық процестердің оңай, түсінікті әрі қолайлы болуын қамтамасыз етеміз.».    

Бірнеше қарапайым қадамды орындай отырып, әлеуметтік картаны ресімдеңіз: 

1-қадам. Банктің  bcc.kz сайтына кіріңіз де, әлеуметтк төлемдер көрсетілген баннерді басыңыз немесе картаға тапсырыс беруге арналған https://www.bcc.kz/socialcard/ тікелей сілтемеге кіріңіз;

2-қадам. Өтінімде ЖСН және ұялы телефон нөміріңізді толтырыңыз;

3-қадам. Оператордың қоңырауын күтіңіз – Банктің менеджері деректерді тексеру үшін сізге хабарласады;

4-қадам. Әлеуметтік шоттың нөмірі көрсетілген смс-хабарламаны аласыз.

Барлық сұрақтар бойынша барлық уақытта ЦКБ Call-орталығына келесі телефондар бойынша хабарласуыңызға болады:

Жеке тұлғалар үшін:

+7 (727) 244 30 30
505 – ұялы телефоннан тегін

Заңды тұлғалар үшін:
+7 (727) 244 30 44
605 – ұялы телефоннан тегін 

Қосымша ақпарат алу үшін Банктің келесі қызметкеріне хабарласуды өтінеміз:

Егорин Андрей – «Банк ЦентрКредит» АҚ-тың PR бөлімінің бастығы

andrey.yegorin@centercredit.kz