ЦентрКредит Банкі төлемдерді Visa және MasterCard карталарынан қабылдайтын К-Рау мобильді төлем терминалы арқылы транзакциялар жүргізуде "Кселл" АҚ-тың серіктесі болды.

Мобильді POS K-Pay бизнестің әртүрлі сегменттеріне бағытталған және компанияның байланыс желісі бар барлық жерде, ал дәлірек айтқанда, Қазақстан бойынша 5000-нан аса елді мекенде жұмыс істейді. Терминалды «Кселл» компаниясының бөлімшелерінен сатып алуға болады, содан соң Банкке келу қажет.

"K-Pay терминалының көмегімен клиенттер қауіпсіз сервиске қол жеткізеді, сенімді есеп айырысу жүргізеді және уақыттарын үнемдейді. Сонымен қатар дәстүрлі төлемдік POS-терминалдармен салыстырғанда, K-Pay терминалының құны әлдеқайда төмен және пайдалануға ыңғайлы әрі жеңіл екенін атап кеткен жөн. Мобильді төлем терминалы карта ұстаушыларға қызмет көрсету есебінен сервистік-сауда кәсіпорындарының айналымын ұлғайтуға көмектеседі. Карта иелері үшін бұл қауіпсіз, ыңғайлы, себебі сауда-саттық жасау қолма-қол ақша сомасына байланысты болмайды. Сатып алушылар үшін бұл – мобильді банкинг арқылы шығындарды бақылау, чек алу және тауарды қайтару мүмкіндігі", – деп атап өтті ЦентрКредит Банкінің Банк карталары және дистанциялық банкинг департаментінің директоры Татьяна Попова.

Мобильді терминал Android және iOS негізіндегі құрылғылармен байланыстырылған. Сондай-ақ төлем жасау үшін іске қосылған трафик Kcell/Activ брендтерінің абоненттері үшін тариф белгілемейді.

"Біз клиенттерге ыңғайлы да көкейтесті өнімдер беруге дайын Қазақстанның жетекші банктерінің бірімен ынтымақтастығымызға қуаныштымыз. Қазақстанда қолма-қол ақша алу үшін белгіленген пайыз әлі де жоғары, дегенмен бұл адамдардың пластик картамен төлем жасағысы келмейтініне емес, картаны кез келген жерде қабылдай бермейтініне байланысты. Сондықтан технологияны жетілдіру, қызмет көрсету сапасын және қолма-қол ақшасыз төлемдер жасау мүмкіндігін арттыру қажет. ЦентрКредит Банкімен ынтымақтастығымыз Қазақстандағы қолма-қол ақшасыз төлемдерді қабылдау көлемін арттыруға ықпалын тигізеді деген сенімдеміз", – деп атап өтті "Кселл" АҚ-тың бас атқарушы директоры Арти Отс.

Қазақстан Республикасы Ұлттық Банкінің деректері бойынша Қазақстанда төлем карталарын пайдалану арқылы жасалатын қолма-қол ақшасыз төлемдердің көлемі өсіп жатыр. 2017 жылғы 1 қыркүйектегі жай-күйі бойынша 17,2 млн төлем карточкасы айналымда жүр, ал карточка ұстаушылардың саны – 15,6 млн адам. 2017 жылдың тамыз айында қазақстандық эмитенттердің төлем карточкаларын пайдалану арқылы жасалған транзакциялар көлемі 1 221,6 млрд теңгені құрады. 2016 жылдың тамыз айымен салыстырғанда, карточкаларды пайдалану 33,5%-ға өскен.

Қосымша ақпарат алу үшін төмендегі байланыс деректері бойынша "Банк ЦнетрКредит" АҚ-тың баспасөз қызметіне хабарласуды өтінеміз: +7 727 2598603, +7 727 2443048; asel.durbaeva@bcc.kz, irina.vassilets@bcc.kz