Қырағылық танытыңыз – Вирустық шабуыл!

Құрметті клиенттер, Сіздерге қазіргі сәтте белгісіз қаскүнемдердің түрлі мекемелердің, соған қоса Банктің де атынан сілтемелерінде зиянды БҚ көрсетілген немесе жұқтырылған файлдар тіркелген хаттарды жаппай жөнелтіп жатқанын мәлімет ретінде хабарлаймыз. Көрсетілген сілтемелер бойынша өткен немесе тіркелген файлдарды ашқан кезде компьютерге зиянды БҚ жүктеледі. Оның парольдерді немесе ЭСҚ кілттерін қаскүнемдерге тапсыру, компьютерді қашықтан басқару сияқты қызметтері болуы мүмкін. 

Жөнелтілетін хаттардың тақырыптарының мысалдары:

«Банк ЦентрКредит» АҚ-тың бас бухгалтеріне» – фишингтік (жасанды) бетке сілтеме көрсетілген Банктің қауіпсіздік жүйесінің БҚ-сын жаңартудың қажеттігі туралы;
«Абайлаңыз – алаяқтар! Бухгалтерге арналған маңызды хабарлама» – атты файлды жүктеп алуға сілтеме көрсетілген алаяқтық операциялар жөнінде ескерту туралы;
«СЕӨЖ АЖ-ның құрама бөлігін жаңарту» – файлды/файлдарды жүктеп алуға сілтеме/сілтемелер көрсетілген СЕӨЖ клиенттік қосымшасына арналған жаңа нысандағы автоматты орнатқышты жүктеп алудың қажеттігі туралы.

Егер Сіздің поштаңызға осыларға ұқсас хат келсе, онда Сіз: 

Қандай жағдай болса да, хатта көрсетілген сілтемелер бойынша өтпеңіз және тіркелген файлдарды ашпаңыз; 
Жұмыс стансаңыздағы вирусқа қарсы бағдарламалық қамсыздандыруды жаңартыңыз; 
Жұмыс стансасына орнатылған операциялық жүйені сканерлеңіз; 
«Ақпараттық қауіпсіздік бойынша кеңестерде» («ЭСҚ-ны пайдалану арқылы ИБЖ-де банктік қызмет көрсету туралы шарттың» 3-қосымшасы) көрсетілген барлық кеңестерді ұстаныңыз. 

Егер Сіз сілтеме бойынша өтіп, тіркелген файлды ашсаңыз немесе операциялық жүйеге вирустар жұқты деген күдігіңіз болса, онда Сізге келесі іс-әрекеттерді орындау қажет:

ИБЖ-ға кіруге тосқауыл қою және ЭСҚ кілттерін қайта шығару үшін Сізге қызмет көрсететін Банк қызметкеріне бару; 
Жұмыс стансаңыздағы вирусқа қарсы бағдарламалық қамсыздандыруды жаңарту;
Жұмыс стансасына орнатылған операциялық жүйені сканерлеу; 
Қажет болған кезде операциялық жүйені қайта орнату (кеңес беріледі).

Бағдарламалық қамсыздандыруды орнату және жаңарту бойынша кеңестер «Интернет Банкинг» жүйесінің бастапқы бетінде (http://ib.bcc.kz) орналастырылатынын тағы да ескертеміз. 

Сұрақтарыңыз болса, ИБЖ/Starbanking пайдаланушыларын техникалық қолдау қызметіне төмендегі телефондар арқылы хабарласыңыз: 
Алматы қ. тел. +7 (727) 244 30 44
Ұялы телефоннан: (K-Cell) +7 701 00 370 44; (Beeline) +7 771 00 370 44
Қазақстан Республикасының аумағында қалааралық қоңырау шалу телефоны (қалалық телефоннан, Kcell, Beeline қоңырау шалу тегін) 8 8000 8000 88, ішкі нөм. 5010
e-mail: ib@bcc.kz