Баспасөз релизі

Алматы, 2019 жылғы 19 шілде

S&P Global Ratings халықаралық рейтинг агенттігі «Банк ЦентрКредит» АҚ-тың «В/В» деңгейіндегі рейтингін растады.

Агенттіктің деректері бойынша «қазіргі уақытта ЦентрКредит Банкі капитал жеткіліктілігі бойынша барлық нормативтік талаптарға жауап береді».

Рейтингтің расталуы жайлы ЦентрКредит Банкінің Басқарма төрағасы Ғалым Хұсаинов өз пікірін білдірді: «Біз Банктің ұзақмерзімді стратегиясын іске асыруды жалғастырудамыз және S&P агенттігінің Банк рейтингін растауы, біздің ойымызша, банктің дұрыс бағытта жұмыс істеп жатқандығының көрсеткіші болып табылады. Қазіргі сәтте ЦентрКредит Банкі активтері бойынша Қазақстанның ЕДБ арасында 5-ші орында тұр және негізгі қаржы көрсеткіштерінің тұрақты өсімін көрсетуде. Тұрақты бизнес-моделді, өзіне қабылданған барлық міндеттемелерін орындауды, мықты акционерлер құрамын және қаржы институтының мінсіз беделін сенімділіктің негізгі көрсеткіші деп есептейтін клиенттеріміз бен серіктестеріміздің сенімі Банктің серпінді дамуына жағдай жасайды. Біз әрі қарай да даму жолымен жүруге: жаңа, жоғары технологиялық өнімдерді ендіруге, филиалдық желіні кеңейтуге және мемлекет тарапынан көрсетілген әлемдік қолдаумен отандық бизнеске белсенді түрде қолдау көрсетуді жалғастыруға ниеттіміз».

Төменде Банктің соңғы қаржылық көрсеткіштері көрсетілген:

• Соңғы 12 ай үшін Банктің активтері 6,2%-ға, 1,5 трлн теңгеге дейін өсті.

• Банкте өтімділік деңгейі жақсарды: 01.07.2019 ж. жай-күйі бойынша өтімді активтер үлесі 23,2% құрады (01.07.2018 ж. жай-күйі бойынша 21,1%). 

• Несиелік портфель өсімі 2019 жылғы жартыжылдық үшін 49 млрд теңгені немесе 4,7% құрады, бұл ағымдағы жылғы 1 шілдедегі жай-күйі бойынша 1,1 трлн теңгені құрайды. 

• Банк портфеліндегі жұмыс істемейтін кредиттер үлесі (NPL) жоғарыда көрсетілген кезең үшін 8,9%-дан 7,7%-ға төмендеді, бұл өз кезегінде активтер сапасының жақсарғанын көрсетеді. 

• Банктің таза пайыздық кірісінде едәуір өсім байқалды, 2018 жылғы 6 ай үшін 16,1 млрд теңгемен салыстырғанда 2019 жылғы 6 ай қорытындысы бойынша 26,2 млрд теңгені құрады.  

• Банктің комиссиялық кірісі 2019 жылғы бірінші жартыжылдық қорытындысы бойынша 12,2 млрд теңгені құрап, 2018 жылғы бірінші жартыжылдықпен салыстырғанда 12%-ға өсу қарқынын көрсетті. 

• Банктің таза пайдасы 2019 жылғы алты ай қорытындысы бойынша алдыңғы жылғы осындай кезеңмен салыстырғанда 17% өсіп, 5,0 млрд теңгені құрады. 

• Банк капиталы қоса алғанда таза пайданың өсуі мен акционерлер тарапынан Банк капиталын толықтыруы есебінен 105 млрд теңгеден 117 млрд теңгеге, яғни 12%-ға өсті.

Банк туралы:

«Банк ЦентрКредит» акционерлік қоғамы 1988 жылы 19 қыркүйекте құрылған. ЦентрКредит Банкі Қазақстанның банк жүйесіндегі көшбасшылардың бірі болып табылады және активтері бойынша ЕДБ арасында 5-ші орында тұр. Банк еліміздің өңірлерінде жоғары технологиялық қызметтер спектрін көрсетеді. Банктің кең тараған ауқымды филиалдық желісі бар, 19 филиалы мен 108 бөлімшесі арқылы заңды және жеке тұлғаларға қызмет көрсетеді. Банктің корреспонденттік желісіне шамамен шетелдік 40 банк кіреді, бұл өз кезегінде дүние жүзі бойынша өз серіктестеріңізбен есеп айырысу операцияларын жүргізуге мүмкіндік береді. Банк мемлекеттік кәсіпкерлікті қолдау бағдарламасының аясында ШОБ-ны кредиттеу саласында, сондай-ақ «7-20-25» бағдарламасы бойынша ипотекалық кредит беру саласында көшбасшы болып табылады. 

Қосымша ақпарат алу:

Дубровина Инна – «Банк ЦентрКредит» АҚ Маркетинг және PR департаментінің PR-бағытының басшысы

Тел. +7 7769843663
inna.dubrovina@bcc.kz

Егорин Андрей – «Банк ЦентрКредит» АҚ-тың Маркетинг және PR департаментінің аға сарапшысы

Тел. +7 777 7731099 

andrey.yegorin@centercredit.kz

www.bcc.kz