Пресс-релиз

Алматы, 2019 жылғы 03 шілде

Қазақстандағы клиенттер 24/7 режімінде бүкіл дүние жүзі бойынша онлайн ақша аудару мүмкіндігіне ие болды. 

Халықаралық ақша аударымдары саласындағы көшбасшы Western Union компаниясы Қазақстандағы ең ірі банктердің бірі болып табылатын «Банк ЦентрКредит» АҚ-пен бірге westernunion.kz сайтын іске қосып, тұтынушыларға өз жақындары мен туыстарына 24/7 режімінде әлемнің кез келген жеріне ақша аудару мүмкіндігін ұсынды.

Western Union өзінің цифрлық желісін кеңейте түсті. Бүгінгі таңда онлайн-қызметтер дүние жүзі бойынша 70 астам елдер мен аймақтарда қолжетімді болды. Енді цифрлық ақша аударымдарын Қазақстандағы клиенттер де тұтына алады. Бұрын ТМД елдерінде бұл сервис Украина мен Ресейде іске қосылған болатын.

«Біз клиенттердің мұқтаждықтарына сәйкес оларға ақша аударымдарына мультиарналы қол жеткізу қызметін ұсыну үшін ритейлдегі қызмет көрсету бөлімшелері желісінен кейін бірден жаһандық, сондай-ақ жергілікті деңгейде цифрлық қатысуымыздың ауқымын кеңейтіп жатырмыз, – деп атап өтті Western Union компаниясының Ресейдегі және ТМД елдеріндегі өңірлік вице-президенті Андрей Агеев. – Біз ЦентрКредит Банкімен ынтымақтастығымызға және Қазақстандағы пайдаланушыларымызға кез келген жерде және кез келген уақытта Western Union цифрлық ақша аударымдарына қол жеткізуге мүмкіндік беретінімізге өте қуаныштымыз».

Енді Қазақстандағы клиенттер ақшаны westernunion.kz сайты арқылы онлайн режімінде немесе еліміздегі 1400 астам қызмет көрсету орындарында, сондай-ақ клиенттерге қашықтан қызмет көрсетудің өзге арналары арқылы офлайн режімінде аударатынын өздері таңдай алады. Ақша аударымын 80 астам елдегі миллиардтаған банктік шоттарға есепке алуға немесе Western Union компаниясының дүние жүзі бойынша 525 000 астам қызмет көрсету орындарында төлеуге болады.

«Біздің банктің құрылғанына 30 жыл болды, соның ішінде 23 жылдан бері біз Western Union  компаниясымен тығыз ынтымақтастықта жұмыс атқарып келеміз, – деп атап өтті ЦентрКредит Банкінің Басқарма төрағасының орынбасары Тимур Ишмуратов. – Біз Қазақстандағы цифрлық ақша аударымдарын бірге іске қосқанымызға өте қуаныштымыз. Бұл қызмет банк карталарын ұстаушы барлық клиенттер үшін, сондай-ақ заманауи технологиялардан хабардар және өз смартфоны арқылы бірнеше қимылдың көмегімен ақша аударғысы келетін адамдар үшін өте құнды болып табылады. Сондай-ақ бұл сервис банктік қызмет көрсету пункттерінен шалғайда жүрген адамдар үшін де өте қолайлы. Цифрлық ақша аударымдары – бұл жаңа, ыңғайлы, жоғары технологиялы өнім. Ал дербес қызмет көрсетуді қалайтын клиенттер ЦентрКредит Банкінің кез келген құрылымдық бөлімшесіне келіп немесе біздің серіктес банктеріміздің бөлімшелеріне барып, қызметті пайдалана алады».

Western Union Қазақстанда ақша аудару қызметін 1994 жылдан бері ұсынып келеді. Қазақстан Республикасының Ұлттық Банкінің статистикасына сәйкес 2019 жылғы сәуірде Қазақстаннан өзге елдерге 52 млн теңгеден астам қаражат аударылды, бұл 2018 жылғы сәуірмен салыстырғанда 14%-ға көп.

Western Union компаниясы туралы

Western Union компаниясы (NYSE: WU) – халықаралық және валютааралық ақша аударымдары бойынша жаһандық көшбасшы. Western Union көпарналы платформасы цифрлық және аналогтық әлемдерді біріктіріп, жеке және заңды тұлғаларға ақша аударымдарын жөнелтуге және алуға, тез, оңай әрі сенімді жолмен төлем жасауға мүмкіндік береді. 2019 жылғы 31 наурыздағы деректер бойынша компанияның дүние жүзі бойынша желісі 550 мың қызмет көрсету пунктінен құралған, олар Western Union, Vigo және Orlandi Valuta брендтерімен 200 астам елде және аймақтарда қызмет көрсетеді, сондай-ақ миллиардтаған шоттарға ақша аударуға мүмкіндік береді. Сонымен қатар 2018 жылы жоғары қарқынмен дамыған цифрлы арна – westernunion.com сайтына 70 астам елдер мен аймақтарда қол жеткізуге және ол арқылы дүние жүзі бойынша қаражат аударуға болады. Дүние жүзі бойынша кең тараған жаһандық желісі арқылы Western Union отбасыларды, достар мен бизнес-қоғамдастықтарды біріктіре отырып, өзара қаржылық ынтымақтастық пен экономикалық дамуға қолдау көрсете отырып, қаражатты игі істерге аударуға ықпал етеді. Толығырақ www.westernunion.com сайтынан оқуға болады.

ЦентрКредит Банкі туралы

«Банк ЦентрКредит» акционерлік қоғамы 1988 жылғы 19 қыркүйекте құрылған және әмбебап бизнес-модельге негізделген Қазақстанның ең алғашқы әрі ірі банктерінің бірі болып табылады.

Банктің кең тараған ауқымды филиалдық желісі бар, 105 құрылымдық бөлімшесі арқылы заңды және жеке тұлғаларға қызмет көрсетеді. Банктің корреспонденттік желісіне шетелдік 40 банк кіреді. ЦКБ  Visa International және MasterCard International, China Union Pay халықаралық төлем жүйелерінің негізгі қатысушысы болып табылады.

Банктік және өзге де операцияларды және бағалы қағаздар нарығындағы қызметті жүргізуге ҚР ҰБ 28.01.2015 ж. берген №1.2.25/195/34 лицензия.

Толық ақпаратты банктің www.bcc.kz сайтынан алуға болады.

БАҚ үшін байланыс деректері

Ketchum

Western Union баспасөз офисі

Нина Устинова

Тел.: + 7 495 664-2888 қос.157

nina.ustinova@ketchum.com

Александр Моисеев 

Tel.: + 7 495 664-2888 қос.134

Alexandr.Moiseev@ketchum.com

www.westernunion.com

Қосымша ақпарат алу:

Дубровина Инна – «Банк ЦентрКредит» АҚ Маркетинг және PR департаментінің PR-бағытының басшысы

Тел. +7 7769843663
inna.dubrovina@bcc.kz

Егорин Андрей – «Банк ЦентрКредит» АҚ-тың Маркетинг және PR департаментінің аға сарапшысы

Тел. +7 777 7731099 

andrey.yegorin@centercredit.kz

www.bcc.kz