ЦентрКредит Банкінің басшысы Владислав Ли өзінің ЦентрКредит Банкінің Басқарма төрағасы ретіндегі қызметін аяқтау туралы шешім қабылдағаны жөнінде хабарлады. Владислав Ли келесі міндетінде директорлар кеңесінің мүшесі ретінде банктің негізгі клиенттерімен, өңірлік басқару органдарымен қарым-қатынасты реттеу бойынша едәуір жұмыс жүргізуді жоспарлауда. Банктің жаңа басшысы туралы шешім ЦентрКредит Банкінің Директорлар кеңесінің кезекті жиналысында (ағымдағы айдың 22 қыркүйегінде)  қабылданатын болады. 

ЦентрКредит Банкінің басшысы Владислав Ли өзінің ЦентрКредит Банкінің Басқарма төрағасы ретіндегі қызметін аяқтау туралы шешім қабылдағаны жөнінде хабарлады.

Банк қызметкерлерінің алдында сөйлеген сөзінде ол бұл шешімді оңай және тосыннан қабылдамағанын атап өтті. Владислав Сединович өмірінің 30 жылын Банкке арнап, оның ішінде 19 жыл бойы Басқарма төрағасы ретінде еңбек етті.

– Осы жылдар ішінде мен ұжымға, мұндағы атмосфера мен климатқа етене бауыр басып кеттім. Орасан зор жүйе үшін, онда жұмыс істейтін барлық адамдар үшін өте үлкен жауапкершілікпен ұйқыға жатып, оянуға дағдыландым. Алпысқа таяған шағымда, мен банк менің өмірімнің ісіне айналды деп нық айта аламын. Қазір, өткен өмірге көз жүгірте отырып, мен қолым жеткен барлық ресурстарымды банктің игілігіне, оның                                өсіп-өркендеуіне арнадым деп ашық айта аламын, – деп мойындады.

ЦентрКредит Банкінің басшысы цифрлық технологиялар тек күнделікті өмірімізге ғана емес, нарықтағы, соның ішінде банк нарығындағы бизнес процестерге жоғары қарқынмен еніп жатқан бүгінгі таңда аға буын өкілдері жастардың өз басқарушылық потенциалын іске асыруына мүмкіндік беруі қажет деп санайды.

– Олардың тың көзқарасы, ұшқыр ойлау қабілеті, оң амбициялары мен көшбасшылық дағдылары көнерген стереотиптерден, шектеулерден арылуымызға ықпал етеді, – деп  сенеді Владислав Ли.

Ағымдағы жылдың 22 қыркүйегінде ЦентрКредит Банкінің Директорлар кеңесінің кезекті жиналысы өткізіледі, жиналыста банктің жаңа басшысы туралы шешім қабылданатын болады.

– Кукмин банкінің банк капиталынан шығуы, Цеснабанктің акционер ретінде тартылуы, Банк алдында тұрған тағы сондай күрделі әрі сындарлы мәселелер оң бетбұрыс ала бастаған қазіргі сәтте менің істерді жігерлі жастардың қолына тапсыруыма болатынына көзім жетті.  Басқарма төрағасы ретіндегі еңбек жолымды аяқтайтын сәт келді деп ойлаймын, – дей отырып, Владислав Ли банктің топ-менеджментінен осы айтылған өзгерістердің дұрыс әрі қажет екені туралы идеяны банк қызметкерлеріне, клиенттеріне және серіктестеріне жеткізуді өтінді. – Бұл ауысым мен өзгерістер ЦентрКредит Банкіне деген сенімге кері әсерін тигізбейді деп ойлаймын. Бұған сіздердің бұрынғыдай көмектеріңіз бен қолдауларыңыз қажет.
         
Владислав Ли келесі міндетінде директорлар кеңесінің мүшесі ретінде банктің негізгі клиенттерімен, өңірлік басқару органдарымен қарым-қатынасты реттеу бойынша едәуір жұмыс жүргізуді жоспарлауда.  
       
Сондықтан әріптестеріне бірлесіп атқарған жұмысы үшін алғыс айта отырып, ынтымақтастығы жалғасатынына сенімін білдірді.
       
– Барлықтарыңызға және әрқайсысыңызға жеке-жеке рақмет айтқым келеді. Қилы замандарда және қарқынды даму уақытында біз біртұтас команда ретінде бірге жұмыс істедік, бірлігімізді берік ұстанып, тұтас команда болу қасиетімізді ешқашан жоғалтпаймыз. Біз бір-бірімізден көп нәрсені үйрендік, сондай-ақ үйрете білдік деп ойлаймын. Ең басты және баға жетпес нәрсе – бір-бірімізбен уақыт бөлістік, кейде жұмыс барысында жақындарымыздан гөрі бір-бірімізбен көбірек уақыт өткіздік және бір-бірімізді стрестік жағдайда танып білдік. Жетістіктерге жетіп, сәтсіздікке ұшыраған кездер де болды. Әр оқиғаның белгілі бір уақыты және орны болады. Ең маңыздысы – мен біздің үлкен әрі тату командамызға тірек ретінде арқа сүйеуге болатынын әрқашан сезіндім, біз тұтас бір организм сияқты өмір сүріп, өркендеп, бұл өмірді жақсарту үшін еңбек етіп, алға ұмтылдық. Мен мұның осылай жалғаса беретініне сенімдімін.  
Сондықтан мен сіздермен қоштаспаймын, сіздерге заманымыз жайлы болып, ізгіліктер молынан болсын деп тілек білдіргім келеді.  


Қосымша ақпарат алу үшін төмендегі байланыс деректері бойынша "Банк ЦнетрКредит" АҚ-тың баспасөз қызметіне хабарласуды өтінеміз: +7 727 2598603, +7 727 2443048; asel.durbaeva@bcc.kz, irina.vassilets@bcc.kz