«Банк ЦентрКредит» АҚ Басқармасының Төрағасы Владислав Ли банктің топ-менеджментіне арналған семинар барысында қаржы институтының мақсаттары мен бизнес-басымдықтары туралы хабарлады.

Кукмин банктің және Халықаралық қаржы корпорациясының акциялар пакетін Бахытбек Байсеитовке, «Цеснабанк» АҚ-ға және «Цесна» Қаржы холдингіне сату бойынша мәміле аяқталғаннан кейін Б.Байсеитов мырзаның банктің жарғылық капиталындағы қатысу үлесі 44,5% дейін ұлғайғанын хабарлаймыз. «Цеснабанк» АҚ осы сатып алу-сату мәмілесінің нәтижесінде банктің дауыс беру акцияларының 29,9%-ына ие болды. «Цесна» Қаржы холдингі Кукмин банктен орналастырған акциялардың жалпы көлемінің 13,42 % мөлшеріндегі артықшылықты акцияларды сатып алды.

ЦКБ филиалдарының директорларымен кездесу барысында Владислав Ли банктің алдағы жоспарлары мен мақсаттары туралы хабарлады.

Банк басшысы өз сөзінде: «Бизнесті одан әрі дамыту мақсатында клиенттерге деген қамқорлық пен олардың талаптарын үнемі қанағаттандыру біздің басты мақсатымыз болып табылады. Сондықтан алға қойылған міндеттерді лайықты түрде орындау үшін белсенді жұмыс атқаруға шақырамын», – деп атап өтті.

Қазіргі таңда екі банк те банктерді тиімді басқару бағытында бір ымыраға келу үшін ынтымақтастықты бір ізге келтіруде, сондай-ақ банктерді ықтимал біріктіру мәселесін де талқылауда. Бұл ретте ықтимал бірігу процесі айтарлықтай ұзақ болатынын және банктің қазіргі акционерлері ауысқан сәттен бастап екі жылға дейін созылуы мүмкін екенін түсінген жөн.

ЦентрКредит Банкі мен Цеснабанкін біріктіру ниеті аясында біз екі банкті бағалау үшін ең ірі төрттікке кіретін аудиторлық компанияның бірін қаржы кеңесшісі ретінде тартуды жоспарлап отырмыз.

Сонымен қатар қаржы институттары қазіргі кезде әзірленіп жатқан ҚР ҰБ тарапынан бірігу процестеріне қолдау көрсету және активтердің сапасын бағалау бағдарламасына сәйкес келісімге алынатын даму стратегиясын әзірлеуді көздеп отыр. Біріктіру процестерімен тәжірибелі кеңесшілердің басшылығымен құрылған жобалау командасы айналысатын болады. Бұл команда клиенттерге қызмет көрсету барысында барынша қолайлы жағдай туғызу мақсатында екі банктің ішкі процедуралық-нормативтік базасын бірыңғай стандарттарға келтіру бойынша дайындық жұмыстарын жүргізетін болады. Ал оған дейін ЦентрКредит Банкі мен Цеснабанкі сервисті жақсарту бойынша жұмыстарға барынша көңіл бөле отырып, екі бөлек қаржы институты ретінде жұмыстарын жалғастыратын болады, – деп хабарлады Владислав Ли. Мысалы, мереке күндері ЦКБ colvir жүйесінің жаңа нұсқасына ауысу бойынша жұмыстарды ойдағыдай жүзеге асырды, бұл бұдан кейінгі жүргізілетін процестерді автоматтандыру бойынша мүмкіндіктердің аясын кеңейте отырып, клиенттерге көрсетілетін қызметтің жылдамдығы мен сапасына айтарлықтай оң ықпал ететін болады.
– Әрине, тараптар арасында жүргізілген келіссөз кезінде және тікелей мәміле жасау барысында клиенттерді банктің бұдан кейінгі болашағы туралы мәселе толғандыруы мүмкін. Осыған байланысты, қазіргі уақытта бекітілген лимиттердің, бөлінген кредиттік желілердің аясында, сондай-ақ банктің бекітілген кредит саясатына және қолданыстағы процедураларына сәйкес жаңа жобаларды қаржыландыру арқылы клиенттерімізге кредиттік қолдау көрсетуді жалғастыра беретінімізді ерекше атап өткім келеді, – деді ЦКБ басшысы.

Қосымша ақпарат алу үшін «Банк ЦентрКредит» АҚ-тың Баспасөз қызметіне келесі телефон нөмірі бойынша хабарласуларыңызды өтінеміз: +7 727 2598603, asel.durbaeva@bcc.kz