Баспасөз релизі

Алматы, 2020 жылғы 16 наурыз

   ЦентрКредит Банкі өз қызметін қалыпты режимде атқарып жатыр

Құрметті клиенттер мен серіктестер!

Қазақстан Республикасының аумағында 16.03.2020 ж. бастап 15.04.2020 ж. дейін төтенше жағдайлар (бұдан кейін – ТЖ) режимі енгізілуіне байланысты «Банк ЦентрКредит» АҚ (бұдан кейін – Банк) келесіні хабарлайды:

Банк бөлімшелері қалыпты режимде жұмыс істеп жатыр. Бөлімшелердің жұмыс кестесімен мұнда танысуға болады: https://www.bcc.kz/branches-and-atms/.

Банктің филиалдары Қазақстан Республикасының барлық облыстарында орналасқанын естеріңізге саламыз.

Келушілердің қауіпсіздігі үшін Банк жайларында қосымша антисептикалық қорғаныс құралдары орналастырылған, оларды бөлімшелердегі барлық тұлғалар: қызметкерлер де, келуші клиенттер де пайдалана алады. Сондай-ақ Банктің барлық жайларында арнайы дезинфекциялық құралдарды қолдану арқылы үш мезгіл тазалық жұмыстары жүргізіледі, ал ауа райының температурасы +15 С жететін өңірлерде жайлар тұрақты түрде желдетіліп, ауа тазартылады.

Адамдар көп жиналатын орындарға бармау туралы ұсынымдарға байланысты клиенттерге Банктің қашықтан қызмет көрсету арналарын пайдалануды ұсынамыз. Бұл StarBanking(жеке тұлғаларға арналған) және StarBusiness (заңды тұлғаларға арналған) мобильді қосымшалары, Интернет-банкинг жүйесінің десктоп нұсқасы (жеке және заңды тұлғаларға арналған), сонымен қатар банкоматтар мен ақпараттық-төлем терминалдарының кең желісі. Сонымен бірге ЦКБ клиенттеріне кредит бойынша төлемдерді Касса24 төлем терминалдары арқылы комиссиясыз төлеу мүмкіндігі қолжетімді.

Банк қызметтерін көрсетуге байланысты кез келген сұрақ туындаған жағдайда, Банктің call-орталығына хабарласуды өтінеміз, біздің білікті менеджерлеріміз кәсіби консультация береді.

Жеке тұлғалар үшін:

+7 (727) 244 30 30

505 – мобильді телефоннан тегін

Заңды тұлғалар үшін:

+7 (727) 244 30 44

605 – мобильді телефоннан тегін

Естеріңізге саламыз, қашықтан қызмет көрсету арналары арқылы келесі банк қызметтерінің барлығын алуға болады:

• Барлық банктік шоттардағы / карталардағы қалдықтарды қадағалау;
• Кредит бойынша берешекті және төлем жасау кестесін қарау;
• Қызметтердің 2000-нан астам түрі үшін төлем жасау, сонымен қатар айыппұл және салық төлеу;
• Өз шоттарыңыздың / карталарыңыздың арасында, 3-ші тұлғалардың шоттарына / карталарына банктің ішкі аударымдарын жүргізу;
• Телефон нөмірі бойынша әп-сәтте ақша аудару;
• Кез келген қазақстандық банктің немесе шетел банкінің картасына Р2Р аударымдарын жүргізу;
• Деректемелер бойынша банкаралық ақша аударымдарын жүргізу;
• Валюталарды айырбастау;
• Виртуалды карта ашу;
• Депозиттерді және ағымдағы шотты онлайн ашу;
• Visa/Master Card/Union Pay карталарын шығару / қайта шығару;
• Банкомат арқылы ақша алу үшін карта бойынша лимит белгілеу, интернет-транзакциялар жүргізу, сауда орындарында төлем жасау;
• «SMS-хабарлама», «E-mail-хабарлама», «Ай сайынғы үзінді көшірме» қызметтеріне қосылу;
• Картаны бұғаттау / бұғатты алып тастау;
• Карта бойынша бұғатталған соманы нақтылап қарау;
• Төлемдер мен ақша аударымдары тарихын қарау;
• Картадан жақын жердегі банкоматты немесе банк бөлімшесін жылдам табу және т.б.

Барлық қосымша ақпарат Банктің ресми сайтында және қаржы институтының әлеуметтік желілердегі аккаунттарында тез арада орналастырылатын болады. Біздің жаңалықтарымызды бақылап жүріңіздер.

___________________________________________________________________________________

Қосымша ақпарат:

Егорин Андрей – «Банк ЦентрКредит» АҚ-тың Маркетинг және PR департаментінің аға сарапшысы

Тел. +7 777 7731099

andrey.yegorin@centercredit.kz