Пресс-релиз

Алматы, 19 тамыз 2020 ж.

   ЦентрКредит Банкі – Open API технологиясы бойынша №1

ЦентрКредит Банкі жыл сайын өтетін «Asian Banking & Finance Wholesale Banking Awards 2020» халықаралық конкурсында «Domestic Technology & Operations Bank of the Year» номинациясы бойынша жеңімпаз атанды. Орталық және Оңтүстік Шығыс Азия елдерінен, Таяу Шығыс елдерінен қатысушы 70-тен аса банктің арасынан Банкке еңбегі сіңген жеңісті «Банктің Open API технологиясын дамытуы» номинациясы әкелді.

«2018 жылдан бастап біздің Банк Open API технологиясына негізделген ашық қаржы платформаларын белсенді түрде дамытып келеді. Біз Қазақстан нарығында осы саланы алғашқы дамытушы болдық және бүкіл әлем онлайнға өтіп жатқан бүгінгі нақты уақытта даму бағытын дұрыс таңдағанымызға тағы да көз жеткізіп отырмыз. Технология бізге Банктің серіктестерімен тиімді бизнес-модельдер құруға мүмкіндік береді және осы бизнес-модельдердің ақырғы нәтижесінде Банк те, серіктес те, қызметті пайдаланушы да ұтады», – дейді Банктің Басқарма төрағасы Ғалым Хұсаинов.

Open API ФИНТЕХ-компаниялар және олардың клиенттік базасы үшін құрылды. Яғни, клиенттер әртүрлі компаниялардың онлайн-сервистерін пайдалана отырып, интернет-дүкендерден немесе Банктің серіктестерінің қосымшаларынан шықпай-ақ, ЦентрКредит Банкінің қызметтерін пайдалана алады. Open API технологиясының арқасында ақша аудару және төлемдер жасау, банктің бөліп төлеу қызметі бойынша тауарлар немесе қызметтер сатып алу, валюталар бағамдарын, бөлімшелердің мекенжайларын және т.б. біліп отыру мүмкіндігі компаниялардың қосымшаларына енгізіліп қойылған.

«Біз үшін осы марапатты алу үлкен құрмет және ол біз таңдаған бағыттың перспективті екендігін растай түседі, – деп жалғастырды Ғалым Әбілжанұлы. – Жалпы алғанда, біздің ҚР нарығын дамытқымыз келеді, сондықтан біз серіктес компанияларға бірігуге және Банктің экожүйесінің жалпы тұжырымдамасына қосылуға мүмкіндік береміз. Біздің жинақтаған тәжірибесі бар ФИНТЕХ-компаниялармен, сол сияқты стартаптармен де жұмыс істегіміз келеді және жұмыс істеуге дайынбыз.».

 Бүгінгі күні Банк ықтимал Серіктестерге API технологиясының келесі түрлерін ұсынады:
- Credit API: Банктің Серіктестердің клиенттеріне хабтар, серіктестік қосымшалар, web-ресурстар арқылы кредит беруі;
- Payment API: Банк Серіктестерінің терминалдық желісінде Банктің қызмет жеткізушілерінің пайдасына төлемдерді қабылдау;
- Financial API: Заңды тұлғалардың/жеке кәсіпкерлердің Банктегі меншікті шоттарын тікелей есептік жүйеден басқаруы (төлемдер жасау/ақша аудару, үзінді көшірме қалыптастыру және т.б.);
- Information API: Банк Серіктестерінің қосымшаларында Банк туралы ақпаратты шығару (валюталар бағамы, банкоматтар мен бөлімшелер орналасқан жерлер және т.б.).

Толық ақпарат Банктің әзірлеушісінің порталында: https://developer.bcc.kz/ru,

ЦентрКредит Банкі туралы

«Банк ЦентрКредит» акционерлік қоғамы 1988 жылғы 19 қыркүйекте құрылған және Қазақстанның әмбебап бизнес-моделі бар алғашқы және ірі коммерциялық банктерінің бірі болып табылады. Банктің ауқымды филиалдық желісі бар және 110-нан аса құрылымдық бөлімшеде заңды тұлғалар мен жеке тұлғаларға қызмет көрсетеді. Банктің корреспонденттік желісінде 40 шақты шетел банкі бар. Толық ақпарат Банктің www.bcc.kz ресми сайтында.

OpenAPI сервистерінің мәселелері бойынша:
605 – заңды тұлғалар үшін (мобильді телефоннан тегін)
madi.kundakbayev@biz.bcc.kz
Игорь Бушмелев – «Банк ЦентрКредит» АҚ-тың PR бөлімінің бастығы
Igor.Bushmelev@bcc.kz