Баспасөз релизі

Алматы, 2020 жылғы 5 тамыз

 ЦКБ өз акцияларының тартымдылығын арттырды

ЦентрКредит Банкі Astana International Exchange ( «Астана» халықаралық қаржы орталығы биржасы, AIX) биржасында өз акцияларының кросс-листингі процедурасынан сәтті өтіп, RЕМS-тің жаңа процедураларына сәйкес AIX-тің ресми тізіміне өз акцияларын қосқан алғашқы компания болды. AIX-тегі акциялардың кросс-листингі Банк акцияларының халықаралық инвесторлар үшін қолжетімділігі мен тартымдылығын арттырады.

«Кросс-листинг процедурасын жеңілдетілген проспект негізінде жүргізетін RЕМS-тің жаңа ережелерін тестілеуден өткізген бірінші эмитент болу – біз үшін үлкен мақтаныш, - дейді «Банк ЦентрКредит» АҚ-тың Басқарма төрағасы Ғалым Хұсаинов, - Сондай-ақ біз пандемияға байланысты ерекше нарық талаптарына қарамастан, осы ережелерді бірінші болып қолданысқа енгіздік».

ЦКБ акцияларының AIX-тегі кросс-листингі Банк акцияларының халықаралық инвесторлар үшін тартымдылығын арттырады, бұл өз кезегінде Банктің осы бағалы қағаздарының өтімділгін жоғарылатады, өйткені ықтимал инвесторлардың барлығы Қазақстан қор биржасында тіркелмеген болуы мүмкін. AIX-тегі барлық мәмілелер ағылшын құқығы аясында жүргізіледі, бұл дегеніміз шетелдік контрагенттер үшін қазақстандық құралдарға кіру процедурасын айтарлықтай жеңілдетеді.

«RЕМS-тің жаңа процедураларына сәйкес AIX-тің ресми тізіміне өз акцияларын қосқан алғашқы компания ретінде біз Қазақстанда қос листингті жоспарлаған келесі компанияларға оң жағдай тудырдық, - деп жалғастырды Ғалым Әбілжанұлы, - Біз AIX және ВСС Invest компанияларына Банк акцияларының кросс-листинг процедурасынан өтуіне байланысты іс-шараларда көрсеткен кәсіби қолдауы мен қатысуы үшін алғысымызды білдіреміз және AIX-тегі листинг Банкке алға қойған мақсаттарына жетуге мүмкіндік беретініне сенімдіміз».

«Біз ЦентрКредит Банкінің өңірлердегі акциялар нарығы сегментіндегі алғашқы эмитент болғанына қуаныштымыз. AIX-тегі листинг банкке халықаралық инвесторлар базасын әртараптандыруға және кеңейтуге мүмкіндік береді, осылайша әрі қарай даму үшін өз акцияларының өтімділігін арттыра түседі», - деп қосты AIX Басқарма төрағасы Тим Беннетт.

«Банк ЦентрКрдеит» АҚ қызметін 1988 жылдан бастап атқарып келе жатқан Қазақстандағы ең алғашқы қаржы институттарының бірі болып табылады. 1999 жылдан бастап Банктің акциялары KASE Қазақстан қор биржасының ресми тізімен қосылған.

AIX «Астана» халықаралық қаржы орталығын дамыту аясында 2017 жылы құрылған. AIX акционерлері АХҚО, Goldman Sachs, Шанхай қор биржасы, Жібек Жолы қоры және NASDAQ (ол да AIX саду платформасын ұсынады). Биржа жалпы ағыошын құқығы принциптеріне негізделген нормативті-құқықтық орта аясында жұмыс істейді, осылайша инвестиция жасау үшін сенімді жағдайлармен қамтамасыз етеді. AIX миссиясы жеке және мемлекеттік бизнеске қаржыландыру тарту үшін түсінікті әрі тиімді талаптар ұсыну есебінен Қазақстандағы және өңірлердегі капиталдың белсенді нарығын дамыту болып табылады.

ЦентрКредит Банкі туралы
«Банк ЦентрКредит» акционерлік қоғамы 1988 жылғы 19 қыркүйекте құрылған және әмбебап бизнес-модельге негізделген Қазақстанның ең алғашқы әрі ең ірі банктерінің бірі болып табылады. Банктің кең тараған ауқымды филиалдық желісі бар, 110 аса құрылымдық бөлімшелері арқылы заңды және жеке тұлғаларға қызмет көрсетеді. Банктің корреспонденттік желісіне шетелдік 40 банк кіреді. ҚР ҰБ деректеріне сәйкес 01.07.2020 ж. жай-күйі бойынша ЦентрКредит Банкі көлемі бойынша Қазақстандағы екінші деңгейдегі банктер арасында банк жүйесінің жиынтық активтерінің 6% мөлшеріндегі нарықтық үлесімен бесінші орында тұр, сондай-ақ несиелік портфелінің көлемі бойынша 27 ЕДБ арасында төртінші орында тұр. Клиенттердің жоғары сенімінің арқасында Банктің жеке және заңды тұлғалардың салымдары (нарықтағы үлесі 6% және сәйкесінше 5%) бойынша елеулі позиялары бар. ЦентрКредит Банкі бизнеске де, жергілікті халыққа да қолдау көрсету бойынша мемлекеттік бағдарламалардың белсенді операторы болып табылады және бүгінгі күнде «Бизнестің жол картасы – 2025», «7-20-25» және «Баспана Хит» бағдарламаларын іске асыру бойынша жетекші банктердің қатарына кіреді.

Толық ақпаратты банктің www.bcc.kz ресми сайтынан алуға болады.

Қосымша ақпарат:
Игорь Бушмелев – «Банк ЦентрКредит» АҚ-тың PR бөлімінің бастығы
+7 707 323 55 80

Өнімдерге қатысты сұрақтар бойынша
+7 (727) 244 30 44
505 – жеке тұлғалар үшін (мобильді телефоннан тегін)
605 – заңды тұлғалар үшін (мобильді телефоннан тегін)