Баспасөз релизі

Алматы, 2019 жылғы 13 наурыз

S&P «Банк ЦентрКредит» АҚ-тың рейтингін «В/В» деңгейінде растады және болжамды «тұрақты» деңгейіне дейін жақсартты

«S&P Global Ratings» халықаралық рейтинг агенттігі «Банк ЦентрКредит» АҚ-тың рейтингін «В/В» деңгейінде растады, болжам – тұрақты.

«Біз ЦентрКредит Банкінің рейтингтері бойынша болжамды «тұрақты» деңгейіне дейін қайта қарастырдық және банктің рейтингін растадық, өйткені банктің меншік иелерінің, ҚР ҰБ мен Қазақстан Республикасының Қаржы нарығын реттеу және дамыту агенттігі жариялаған қолдау шаралары жақында ғана реттеуші жүргізген активтердің сапасын бағалау нәтижесінде анықталған банктің резервтеуге деген қалған қажеттілігін қамтамасыз ету үшін жеткілікті болып табылады. Біз бұрынғыша «Банк ЦентрКредит» АҚ рейтингінде қажет болған жағдайда, мемлекет тарапынан болуы мүмкін қолдау есебінен қосымша сатыны есепке аламыз, бұған негізгі бизнес сегменттеріндегі, сондай-ақ жеке бизнестегі банктің басым үлесі, сонымен қатар брендтің жақсы таныстығы, басым бөлігі жеке және корпоративтік салымшылардан құралған ресурстық қорының кепілдік берілген тұрақтылығы себепші болды», - деп рейтинг агенттігінің есебінде баяндалады.

Рейтингтің расталуы мен болжамның жақсаруы жайлы ЦентрКредит Банкінің Басқарма төрағасы Ғалым Хұсаинов келесідей пікір білдірді: «Банктің рейтингінің «тұрақты» болжамымен расталуы, біздің ойымызша, негізгі қаржы көрсеткіштерін жақсарту және қазіргі уақытта 7%-дан аспайтын NPL деңгейін төмендету бойынша Банк жүргізген сапалы жұмысының айғағы болып табылады. Банк дұрыс таңдалған даму стратегиясының арқасында жоғары кірістілікті жандандыру қабілетін растады».

Банк соңғы екі жыл ішінде бизнес-модельдерді жақсарту, өз қызметінің тиімділігін арттыру және тәуекелдерді басқару жүйесін жақсарту бойынша белсенді жұмыс атқарды. Бұл оның кірістілігі пен рентабельділігінің динамикалық өсімі трендін жақсартуға, сондай-ақ қаржылық тұрақтылығын нығайтуға ықпал етті. Кірістілік өсімі маржиналдылығы жоғары өнімдерге назарды арттырып, несиелік портфель құрылымын тиімді басқарудың және қор құру құнын төмендетудің нәтижесінде орын алды. Бүгінгі таңда Банктің несиелік портфелінің теңгерімі реттелген және сараланған болып табылады. Өтімділік көрсеткіштері жоғары деңгейді көрсетеді.

Таза операциялық кіріс 2019 жылы 9%-ға, 82 млрд теңгеге дейін өсті.

Таза пайыздық кіріс 30%-ға өсіп, 60 млрд теңгені құрады. Банктің пайыздық кірісінің өсімі кірісі жоғары сегменттерді кредиттеу көлемін арттыруға, сондай-ақ пайыздық шығыстарды азайтуға байланысты.

Таза пайыздық маржаның өсімі жалғасуда, ол 2019 жылы 3,0%-дан 4,1%-ға дейінгі өсім динамикасын көрсетті.

2019 жылдың қорытындысы бойынша Банк өзінің нарықтағы позициясын сақтап қалды, оның ішінде 01.01.2020 жылғы жай-күйі бойынша ЦентрКредит Банкі активтері мен несиелік портфелінің көлемі (сәйкесінше 1 470 және 992 млрд теңге) бойынша ЕДБ ішінде үздік бестікке кіреді.

Анықтама:

«Банк ЦентрКредит» акционерлік қоғамы 1988 жылғы 19 қыркүйекте құрылған және әмбебап бизнес-модельге негізделген Қазақстанның ең алғашқы әрі ең ірі банктерінің бірі болып табылады. Банктің кең тараған ауқымды филиалдық желісі бар, 108-ден аса құрылымдық бөлімшелері арқылы заңды және жеке тұлғаларға қызмет көрсетеді. Банктің корреспонденттік желісіне шетелдік 40 банк кіреді. Банк операцияларын және өзге де операцияларды және бағалы қағаздар нарығындағы қызметті жүргізуге ҚР Қаржы нарығын реттеу және дамыту агенттігі 03.02.2020 ж. берген № 1.2.25/195/34 лицензия. Толық ақпаратты банктің www.bcc.kz сайтынан алуға болады.

Қосымша ақпарат: