Біздің банктің төлем карталарын ұстаушылар үшін Қазақстан Республикасында банкоматтардың ауқымды желісі ұсынылған. Қолма-қол ақша берумен қатар банкоматтар төлем карталарын ұстаушыларға тәулік бойы және ыңғайлы қызмет көрсетуге мүмкіндік беретін қосымша қызметтерді атқарады.

Банкомат арқылы пайдалануға болатын қызметтердің негізгі артықшылықтары:  

• Тәулік бойы қол жеткізу: 24/7;
  
• Кезектің болмауы;
• Қолданудың қарапайымдылығы.

Қазіргі кезде банкомат арқылы келесі қызметтерді пайдалануға болады:

• Қызмет ақысын төлеу (коммуналдық, оқу, байланыс, күзет агенттіктері және т.б.);
  
• "SMS хабарлама" қызметіне қосылу;
• "StarBanking" қызметіне қосылу;
• Банкомат арқылы картадан депозитке/ағымдағы есепшотқа ақша аудару;
• Банкомат арқылы картадан қазақстандық/шетелдік банктің кез келген картасына ақша аудару;
• Картаны қолма-қол ақшамен толықтыру қызметі (Cash-in қызметі);
• PIN-кодты ауыстыру қызметі.

"SMS хабарлама" қызметіне қосылу
Сіз төлем картасы арқылы есеп айырысқан кезде өз шығысыңызды әрқашан бақылап отырасыз. Әрбір төлем транзакция сомасы және шотыңыздағы қалдық сомасы көрсетіліп, Сіздің ұялы телефоныңызға келетін хабарлама арқылы расталады. Сіз бұл қызметке ЦентрКредит Банкінің барлық банкоматтары арқылы тегін қосыла аласыз!

"StarBanking" қызметіне қосылу
"StarBanking" қызметінің көмегімен Сіз мобильді және компьютерлік құрылғылардың көмегімен өзіңіздің банктік есепшоттарыңыздағы қаражатты пайдалана отырып әр түрлі қызметке ақы төлей аласыз.

Банкомат арқылы картадан депозитке/ағымдағы есепшотқа ақша аудару
Сізге депозитіңізді толықтыру қажет пе? Әлде несиені өтегіңіз келе ме? Бұл үшін банктің бөлімшесін іздеудің қажеті жоқ. Сіз қажет соманы жақын маңдағы банкоматтан аудара аласыз. Өз уақытыңызды үнемдеңіз!

Банкомат арқылы картадан қазақстандық/шетелдік банктің кез келген картасына ақша аудару
Жақындарыңызға ақша аудару қаншалықты оңай? Банктің бөлімшесіне бармай-ақ аптасына 7 күн, тәулігіне 24 сағат бойы ЦентрКредит Банкінің төлем карталарымен банкомат арқылы дүние жүзі бойынша ақша аударуға болады. Одан оңай іс жоқ!

Картаны қолма-қол ақшамен толықтыру қызметі (Cash-in қызметі)
Карточкаңызды жедел толықтыру қажет пе? Ал банктің бөлімшесі жабық болса ше?!.... Енді бұл проблема емес! Банкоматтағы «Қолма-қол ақша қабылдау» қызметі Сізге картаңызды әп-сәтте толықтыруға мүмкіндік береді. Осылайша тәулік бойы қызметке қол жеткізе аласыз.

PIN-кодты ауыстыру
Жоғалып қалуына немесе қандай ба бір басқа белгілерінің өзгеруіне байланысты картаны ауыстырған әрбір жағдайда жаңа картамен бірге жаңа PIN-код беріледі. Сол себепті барлық төлем карталарының PIN -кодтарын есте сақтау оңай емес. ЦентрКредит Банкі мұндай мәселені шешудің жолын ұсынады – енді төлем карталарының PIN-кодын банкомат арқылы ауыстыру мүмкіндігі бар

"Карточка бойынша SMS-хабарлама" қызметі – бұл ұялы телефонға жіберілетін SMS-хабарлама арқылы қашықтан қызмет көрсету, ол төлем карточкасының шоты бойынша қаражаттың қозғалысын банк бөлімдеріне бармай-ақ бақылауға мүмкіндік береді. 


Жаңа қызмет баланстың өзгеруі мен төлем карточкасының шоты бойынша жасалған әрбір кіріс және шығыс операциялары туралы клиентті 5 секунд ішінде SMS-хабарлама түрінде автоматты түрде хабарландырады. Негізгі төлем карточкасының шоты бойынша ашылған карточкалар бойынша жасалған барлық операцияларға толық бақылау жасауды қамтамасыз етеді. 

Олар – төлем карточкасының шотына ақша қаражатының түсуі немесе қолма-қол ақша алу, сауда операциялары (сатып алу) немесе қызметке төлем жасау және т.б. 
Жасалған операциялар туралы ақпарат: сомасы, валютасы, операция жүргізілген уақыт, төлем карточкасы нөмірінің соңғы төрт саны.

Аталмыш қызметке негізгі карта ұстаушылардың келісімі болған кезде қосымша карта ұстаушылар да қосыла алады.

Ұялы телефонында роуминг болса, мұндай хабарландыруларды клиент шет елде жүрсе де ала алады.

Аталмыш қызметке K-Mobile, Beeline, Kcell, Dalacom байланыс қызметін тұтынатынбарлық абоненттер қосыла алады.

Қызмет құны – айына 200 тенге*, қосылу - тегін.
* жүргізілген операциялар санына тәуелсіз. Толық емес айда көрсетілген қызмет үшін толық бір айлық төлем алынады.

Қызметке қосылу талаптары:

1. ЦентрКредит Банкінің карточкасын иелену;
   
2. ҚР кез келген ұялы байланыс операторларының қызметіне қосылған ұялы телефонды пайдалану.

"Карточка бойынша SMS-хабарлама" қызметіне қосылу тәсілдері:

• төлем картасы болған кезде өз бетінше банкомат арқылы қосылу;
  
• "StarBanking" қызметінің мәзірі арқылы қосылу;
  
• Телефон арқылы Авторизация орталығына хабарласу; 
  
• Банктің құрылымдық бөлімшесіне келу және өтініш бланкісін толтыру. 
  

"Карточка бойынша SMS-хабарлама" қызметін пайдалана отырып, клиент төлем карточкасының шотындағы ақша қаражатын рұқсатсыз пайдалану қаупін едәуір төмендетеді.

Қосымша ыңғайлы талаптар:

• тәуліктің кез келген уақытында қызметке қосылу мүмкіндігі;
  
• карта бойынша жасалған операциялар туралы клиентке тез арада (5 секунд ішінде) хабарлау;
• 24/7 режимінде өзіңіздің төлем карточкаңыздың шотына бақылау жасау, ол алаяқтық операцияларды немесе рұқсат етілмейтін транзакцияларды болдырмау үшін Сіздің банкке уақтылы хабарласуыңызға мүмкіндік береді;
• қосымша карточка бойынша балаларыңыздың және туысқандарыңыздың шығындарына нақты уақыт режимінде бақылау жасау.

Төлем карточкасының шотындағы баланстың өзгеруі туралы хабарландыруды электронды пошта арқылы да алуға болады.

Электронды пошта арқылы хабарландыру алу қызметіне қосылу үшін Банктің құрылымдық бөлімшесіне барып, өтініш толтырыңыз.

Төлем карточкасының шотындағы баланстың өзгергені туралы электронды пошта арқылы хабарландыру қызметі клиенттерге тегін көрсетіледі.

Сіз ұялы телефоныңыздың нөмірін өзгерткен болсаңыз, аталмыш қызметті жаңа нөмірге қосуға мүмкіндік беретін «Банкомат арқылы телефон нөмірін ауыстыру» қызметін пайдаланыңыз. Аталмыш қызмет тегін ұсынылады.

«Банкомат арқылы телефон нөмірін ауыстыру» қызметін пайдаланған жағдайда, «Мобильді банкинг» және «SMS-хабарлама» қызметтері бойынша телефон нөмірлерін де ауыстыруға болады. Осыдан кейін банкоматтың экранына жоғарыда көрсетілген қызметтер мен сервистердің жаңа телефон нөміріне қайта қосылғаны жөнінде хабарландыру шығады.

*Толық ақпаратты филиалдағы менеджерлерден біле аласыз.

Банкомат арқылы карточкадан карточкаға ақша аудару

Аталған қызмет неліктен ыңғайлы:

• аудару үшін бланк толтырудың қажеті жоқ;
  
• банк бөлімшесіне келу үшін уақыт жұмсамайсыз;
• ақшаны аптаның кез келген күні және тәуліктің кез келген уақытында аударуға болады.

Қызметті пайдалану үшін:

• ЦентрКредит Банкі шығарған төлем карточкасының ұстаушысы болу;
  
• Ақша алушының ЦентрКредит Банкі шығарған төлем карточкасының нөмірін білу қажет.

Банкомат арқылы ақша аударған кезде төмендегі әрекеттерді орындау қажет:

1. Банкомат мәзірінен «Ақша аудару» операциясын таңдаңыз;
   
2. Аударымның кәсіпкерлік қызметпен байланысты емес екендігін растаңыз;
3. «Картадан картаға» операциясын таңдаңыз;
4. Ақша алушының төлем карточкасының нөмірін (16 сан) енгізіңіз;
5. Аударғыңыз келетін ақшаның сомасын көрсетіңіз;
6. Енгізілген карточка нөмірінің және соманың дұрыстығын тексеру үшін «Ақша аударымын растау» мәзірін таңдаңыз.

Карточкадан депозиттік есепшотқа ақша аудару

Аталған қызмет неліктен ыңғайлы:

• аудару үшін бланк толтырудың қажеті жоқ;
  
• банк бөлімшесіне келуге уақыт жұмсамайсыз;
• ақшаны жексенбі күнінен басқа, аптаның кез келген күні сағат кешкі 20:00-ге дейін аударуға болады.

Бұл кезде ақшаңыз санаулы секундтар ішінде аударылады.

Қызметті пайдалану үшін:

• ЦентрКредит Банкі шығарған төлем карточкасының ұстаушысы болу;
  
• Ақша алушы жеке тұлғаның ЦентрКредит Банкіндегі депозитінің нөмірін білу қажет.

Банкомат арқылы ақша аудару үшін келесі әрекеттерді орындау қажет:

1. Банкомат мәзірінен «Ақша аудару» операциясын таңдаңыз;
   
2. Аударымның кәсіпкерлік қызметпен байланысты емес екендігін растаңыз;
3. «Ақша аудару» мәзіріндегі «Аударым түрі: «Картадан есепшотқа» немесе «Несиені өтеу» мәзірін таңдаңыз;
4. Депозиттің 20-сандық нөмірін енгізіңіз («KZ XXXXXXXXXXXXXXXXXX»);
5. Карточка мен депозиттің валютасына қарай валюта түрін таңдаңыз;

Картаның, операцияның және депозиттің валюталары сәйкес келуі қажет!

1. Банкомат экранынан аударғыңыз келетін ақша сомасын таңдаңыз немесе оны қолмен енгізіңіз;
   
2. Енгізілген карточка нөмірі мен соманың дұрыстығын тексеру үшін «Ақша аударымын растаңыз»;
3. Чекті алыңыз.

"Visa-to-Visa аударымдары" – бұл төлем карточкаларының көмегімен ақшаны тез және қолайлы аудару операциялары. Visa халықаралық төлем жүйесінің қауымдастығына кіретін әлемнің кез келген банкінде ашылған Visa төлем карточкаларының барлық ұстаушылары аталған мүмкіндікке қол жеткізе алады.
Қазақстанның бүкіл аумағы бойынша орналасқан ЦентрКредит Банкінің банкоматтар желісі арқылы Сіз өзіңіздің Visa төлем карточкасын ұстайтын жақындарыңыз бен достарыңыздың осы сәтте қай жерде болғанына қарамастан, олардың төлем карточкаларының шотын кез келген уақытта толықтыра аласыз.

"Visa-to-Visa аударымдары" өз ақшаңызбен тәулік бойы операциялар жүргізуге, валюталарды автоматты айырбастау мүмкіндігімен қажетті соманы жөнелтуге және қабылдауға жол береді.

ЦентрКредитБанкінің "Visa-to-Visa аударымдары" өз ақшаңызбен операция жүргізу үшін еркіндіктің 4 дәрежесін ұсынады:

1. Төлем карточкасының кез келген эмитенті
   Аталған мүмкіндік қазақстандық, сондай-ақ шетел банктері шығарған Visa төлем карточкаларын ұстаушылардың барлығына беріледі. ЦентрКредитБанкінің банкоматтары арқылы енді ақшаны кез келген Visa карточкасынан кез келген басқа Visa карточкасына аударуға болады.
2. Валютаның кез келген түрі 
   Қызмет 4 валютаның: теңге, АҚШ доллары, еуро және Ресей рублінің қолданылуын қарастырады (Қазақстандық банктер арасындағы аударымдар тек теңгемен ғана жүргізіледі).
3. Тәуліктің кез келген уақыты
   ЦентрКредитБанкінің банкоматтары тәулігіне 24 сағат, аптасына 7 күн жұмыс істейді. Сізге есеп айырысу-кассалық бөлімшелерді іздеуге және ондағы кезекке уақытыңызды бөлудің қажеті жоқ.
4. Кез келген орналасу орны 
   Аталған қызметті ЦентрКредит Банкінің Қазақстанның бүкіл аумағы бойынша орналасқан 170 банкоматының кез келгені арқылы пайдалануға болады.

Осы қызметті пайдалану үшін:

• Visa төлем карточкасын ұстаушы болу;
  
• Ақшаны алушының Visa төлем карточкасының нөмірін білу;
• Егер Сіздің төлем карточкаңызды ЦентрКредит Банкі шығармаса және аударым шетелдік (қазақстандық емес) банк шығарған карточкаға жүргізілсе, ЦентрКредит Банкінің кез келген бөлімшесінде осы қызметке алдын ала тіркелу;
• Жеке тұлғаңызды куәландыратын құжатты (төлқұжатты) тіркеу үшін беру қажет.

ЦентрКредит Банкінің банкоматтары арқылы аударуға болатын қаражаттың ең жоғарғы сомасы:

• бір транзакция үшін – $2 500 (Банктің есептік бағамы бойынша);
  
• бір күн үшін – $10 000 (Банктің есептік бағамы бойынша);
• 3 күн үшін, жиынтық – $25 000 (Банктің есептік бағамы бойынша).

Ақша аударымдары бойынша шектеу қойылған елдер:

АҚШ, Колумбия, Венесуэла, Нигерияның барлық банктері, сонымен қатар бірқатар басқа елдердің жекелеген банктері.

Қосымша ақпаратты Сіз жедел қызмет көрсету желісінің телефондары арқылы ала аласыз.

Жоғалып қалуына немесе қандай ба бір басқа белгілерінің өзгеруіне байланысты картаны ауыстырған әрбір жағдайда жаңа картамен бірге жаңа PIN-код беріледі. Сол себепті барлық төлем карталарының PIN -кодтарын есте сақтау оңай емес.

ЦентрКредит Банкі мұндай мәселені шешудің жолын ұсынады – енді төлем карталарының PIN-кодын банкомат арқылы ауыстыру мүмкіндігі бар.

ЦентрКредит Банкі шығаратын Visa және MasterCard төлем карталарының әрбір пайдаланушысы бұл қызметті тәулік бойы қолдана алады.

PIN-кодты ауыстыру үшін келесі іс-әрекеттерді орындау қажет:

• Картаны банкоматқа салыңыз;
  
• Қалаған қызмет көрсету тілін таңдаңыз;
• Қолданыстағы PIN-кодты теріңіз;
• Банкомат мәзірінен «Қызметтер»/«PIN-кодты ауыстыру» опциясын таңдаңыз;
• 4 саннан құралған жаңа PIN-кодты теріңіз;
• Жаңа PIN-кодты қайталап енгізіңіз;
• Операцияның қорытындысы көрсетілген чекті алыңыз.
 

Қараңыз  нақты нұсқаулық

Жаңа PIN-кодты таңдау бойынша кеңестер: 

Қайталанатын (5555) немесе ретімен саналатын (1234) сандарды енгізуге болмайды. 
Туған күніңізді де енгізуге болмайды, өйткені бұндай комбинацияны бөгде тұлғаның оңай тауып алуға мүмкіндігі бар. 

PIN-кодты ауыстыру бойынша операциялардың саны шектелмейді. 

Қызмет құны – 250 теңге. 

ЦентрКредит Банкінің VISA төлем карталарын қолданатын заңды және жеке тұлғалар енді өздерінің төлем карталарын Қазақстан Республикасының барлық аумағы бойынша кеден бекеттерінде кеден төлемдерін төлеу үшін де пайдалана алады.

ЦентрКредит Банкінің кез келген төлем карточкасын аша отырып, экономиканың сыртқы қызметіне қатысушы оны қолданудың барлық ыңғайлы жақтарын сезіне алады (банкоматтардың қызметін тәулік бойы пайдалану, дүние жүзі бойынша сауда және сервис мекемелерінде төлем жасау), сондай-ақ қосымша картаның көмегімен Қазақстан Республикасының барлық аумағындағы кеден бекеттерінде кеден төлемдерін төлей алады.

Қандай қызметтерге кеден бекеттерінде төлем жасауға болады?

Карточка ұстаушы ҚР кеден бекеттерінде келесі қызмет түрлеріне төлем жасай алады:

• Кедендік жүк декларациясын (кедендік процедура) толтыру үшін алым;
  
• Кедендік баж салығы (экспорттық-импорттық);
• ҚҚС;
• Қорғау баждары (тауардың түріне байланысты);
• Акциз (тауардың түріне байланысты) және т.б.
 

Аталған қызметтің артықшылығы және ерекшелігі:

• Төлем кеден бекетінде жасалады;
  
• POS-терминал берген чек төлемнің жасалғанын дәлелдейді, ол тез арада жүкті кедендік ресімдеуге мүмкіндік береді;
• Кедендік ресімдеуді үзбей, жетпей қалған соманы жедел төлеу мүмкіндігі;
• Кедендік төлемдердің артық төленуіне жол бермейді;
• Уақытша сақтау қоймаларын, көліктерді және т.б. жалдау мерзімі қысқартылады.

Төлем қалай жасалады:

• Кеден инспекторы төлем түрін көрсетіп, төлем жасаушы және декларант туралы қажетті ақпаратты компьютерге енгізеді. Содан соң POS-терминал қондырғысы арқылы төлем жасаушының төлем карточкасын өткізеді.
  
• Авторизациялық сұранысқа оң жауап алған кезде:
• Банк сұраныста көрсетілген соманы төлеушінің карточкалық шотында тосқауылдайды;
• POS-терминал төлем түрі бойынша (ҚҚС, акциз және т.б.) бөліп, жасалған төлем туралы мәліметтер көрсетілген чек береді.

POS-терминал берген чек төлем жасалғанын растайды және кейінгі кедендік ресімдеуді бастауға мүмкіндік береді.

Қызметтің құны

POS терминалдармен жабдықталған ҚР кеден бекеттерінің тізімі

Темір жол билеттерін сатып алудың не екенін бәріміз білеміз... Ол үшін сатып алу орындарына барып, кезек күтесіз, нәтижесінде өзіңіздің қаншама күшіңіз бен қымбат уақытыңызды жоғалтасыз.

Мұндай қолайсыздықтардан бас тартатын мезгіл жетті. Енді ЦентрКредит Банкінің төлем карталарын ұстаушылар үйден немесе жұмыстан шықпай-ақ, «Қазақстан Темір Жолы» АҚ-тың ТЖ билеттерін сатып ала алады.

«Электрондық төлемдер арқылы Темір жол билеттерін сатып алу» атты жаңа қызмет ЦентрКредит Банкінің пластик карталарын ұстаушыларға темір жол билеттерін сататын орындарға (вокзал кассаларына, сату агенттіктеріне) бармай-ақ, қашықтан төлем жасап, өзіне қажетті билетті сатып алуға мүмкіндік береді.
Карта ұстаушыларға тек қана ҚТЖ-ның Процессинг орталығының сайтына, кіріп, тіркеліп, содан кейін тапсырыс бойынша қажетті мәліметтерді нұсқаулыққа сәйкес толтыру қажет. Клиент карта арқылы төлем жасаған кезде бұл төлемді растайтын құжатты басып шығарып, пойызға отырар алдында темір жол кассасында оны тікелей жол жүру билетіне ауыстыра алады.

Аталған қызметті ЦентрКредит Банкінің келесі карталары бойынша пайдалануға болады:

• Visa Virtuon;
  
• Visa Business;
• Visa Classic/MasterCard Standard;
• Visa Gold/MasterCard Gold;
• Visa Platinum/MasterCard Platinum;
• Visa Infinite.

Сонымен бірге темір жол вокзалдарында орналасқан ҚТЖ-ның өзіне-өзі қызмет көрсету транзакциялық терминалдары арқылы да төлем карталарымен темір жол билеттерін сатып алуға болады. Қазіргі кезде Астана, Алматы, Қарағанды және Ақтөбе қалаларында 10 терминал жұмыс істейді.