Moody's халықаралық рейтинг агенттігі «Банк ЦентрКредит» АҚ депозиттерінің ұзақмерзімді рейтингтерін B2-ден B1-ге дейін көтерді, болжам «Тұрақты»
Moody's халықаралық рейтинг агенттігі «Банк ЦентрКредит» АҚ депозиттерінің ұзақмерзімді рейтингтерін B2-ден B1-ге дейін көтерді, болжам «Тұрақты»
Moody's Investors Service ("Moody's") агенттігі 2021 жылғы 23 қарашада «Банк ЦентрКредит» АҚ-тың (BCC.KZ) жергілікті және шетел валютасында ашылған депозиттерінің ұзақмерзімді рейтингтерін B2-ден B1-ге дейін, кредитті өтеу қабілетінің базалық бағасы (BCA) мен түзетілген BCA-ді caa1-ден b3-ке дейін, контрагент тәуекелінің (CR) ұзақмерзімді бағалауын B1 (cr)-ден Ba3 (cr)-ке дейін, контрагент тәуекелінің жергілікті және шетел валютасындағы ұзақмерзімді рейтингтерін (CRR) B1-ден Ba3-ке дейін көтерді және оның шетел валютасындағы кіші реттелген борышы Caa3 (hyb)-ден Caa2(hyb)-ге дейін өсті.
«B және одан жоғары рейтингке ие банктер жоғары жеке қаржылық тұрақтылыққа ие болады. Әдетте мұндай рейтингке жоғары бағаланатын және берік нарықтық позициялары, сонымен қатар жақсы қаржылық көрсеткіштер бар ұйымдар ие болады. Олар алдын ала болжанған және тұрақты операциялық ортада әрекет етеді», – деп болжайды агенттіктің аналитиктері.
Сонымен қатар Moody's агенттігі банктік депозиттердің ұзақмерзімді рейтингін ұлттық шкала бойынша Ba2.kz-ден Ba3.kz-ге дейін және CRR ұзақмерзімді рейтингін ұлттық шкала бойынша Baa3.kz-тен Ba1.kz-ге дейін көтерді.
Агенттіктің ойынша, ЦКБ рейтингтерін көтеру Банктің активтері мен кірісінің сапасының жақсарғанын, оның капитал буферлері мен өтімділігінің нығайғанын, сонымен қатар оның депозиттік базасының тұрақтылығын көрсетеді.
«Біз клиенттеріміздің сенімін жоғары бағалаймыз, ол ЦентрКредит Банкінің рейтингтерін «тұрақты» болжамы бойынша растаумен тікелей байланысты», – дейді Банктің Басқарма Төрағасы Ғалым Хұсаинов. «Аталған жетістіктерге қол жеткізу бөлшекті бизнес пен ШОБ-ты дамытуға назар салып, клиенттер мен қызметкерлерге қолайлы экоорта құруға бағытталған Банктің таңдалған даму стратегиясын рет-ретімен іске асырудың арқасында мүмкін болды. Біз меншікті бизнес моделімізді жақсарту және жаңа технологиялық процестердің арқасында өсімді қамтамасыз ету бойынша тиімді жұмыс жүргіздік. Мұның барлығы Банктің көрсеткіштеріне оң әсерін тигізіп, рейтингтердің жоғары болуына әкелді. Біздің сүйікті клиенттерімізге тұрақтылығы мен сенімі үшін алғыс білдіреміз».
01.10.2021ж. жай-күйі бойынша «Банк ЦентрКредит» АҚ-тың активтері 2 трлн теңгені (ҚР ЕДБ рэнкингіндегі 7-позиция), несиелік портфелі 1,2 трлн теңгені (5-позиция), депозиттері 1,3 трлн теңгені (7-позиция) құрады; реттеушінің барлық пруденциялдық және басқа талаптары артығымен сақталады. Банктің кең тараған ауқымды филиалдық желісі бар, 19 филиалы мен 122 бөлімшелері арқылы 1,9 млн заңды және жеке тұлға клиенттерге қызмет көрсетеді.
Осы жерде қозғалған рейтингтердің толық тізімімен Moody’s агенттігінің келесі ресми баспасөз релизінен танысуға болады.