Қауіпсіз мәміле – эскроу-шотты ашуға негізделген бірегей өнім, оның мақсаты – екі тарап арасындағы шарт бойынша есеп айырысуды қауіпсіз жүргізу.
Банк мұнда талаптардың орындалуын қадағалайтын делдал рөлін атқарады, талап бойынша бір тарап екінші тарап салған ақшаны міндеттемелерді орындағаннан кейін ғана ала алады.
Мысалы, қауіпсіз мәміле (эскроу-шот) сатушы мен сатып алушы арасында жасалған шартты орындау үшін қолданылады. Үшінші тарап – Банк кепілгер тараптың қызметін атқарады.
Егер сіз жаңа клиент болсаңыз, қауіпсіз мәміле жасамас бұрын онлайн ағымдағы шот ашыңыз
Егер сіз бұрыннан біздің клиентіміз болсаңыз, интернет-банкингте 5 минут ішінде эскроу-шот ашыңыз
Төлеуші — банк — Алушы
Эскроу-шотты ашу — Тегін
Қызмет көрсету — айына 12 000 ₸
Эскроу-шот қандай да бір тарап үшін қауіпсіз мәмілелерді тәуекелсіз жүргізуге мүмкіндік береді.
Алушы дегеніміз ақшаны алатын тарап — қызметтерді орындаушы, мысалы, құрылыс компаниясы, тауарды, жылжымайтын мүлікті, бағалы қағаздарды сатушы.
Төлеуші дегеніміз сатып алынатын тауарлар мен көрсетілетін қызметтер (құрылыс, жөндеу, білім беру, консалтинг, жылжымайтын мүлік, бағалы қағаздар) үшін төлем жасайтын тарап.
Эскроу-шот мәмілеге қатысушылар тарапынан ықтимал залал келтіру тәуекелін төмендетеді, сондықтан ол көбінесе ірі мәмілелер жасаған кезде екі жағдайда ашылады: Тараптардың бірі серіктес мәміленің өз бөлігін орындайтынына күмәнданған кезде. Төлем жасалған күннен бастап тауар, жұмыс немесе көрсетілетін қызмет алынғанға дейін ұзақ уақыт өтсе, мысалы, бірнеше ай.
Аккредитив сатып алушының өтініші бойынша ашылады (сатушының қатысуы талап етілмейді). Эскроу-шот ашу үшін банк, сатушы және сатып алушы арасында үшжақты шартқа қол қою талап етіледі.
Эскроу-шот ашу — тегін. Эскроу-шотқа қызмет көрсету үшін комиссия — айына 12 000 теңге. Комиссия ақша эскроу-шотқа аударылғаннан кейін бір айдан кейін алушының ағымдағы шотынан алынады. Басқа комиссия жоқ.
Төлеуші эскроу-шотты онлайн толықтырады. Оны ЦентрКредит Банкінде ашылған шоттан да, басқа банктегі шоттан да толықтыруға болады.