ЦентрКредит Банкі Қазақстандағы қаржылық алаяқтықтан қорғауға бағытталған заңнамаға енгізілген өзгеріс туралы маңызды ақпаратты хабарлайды.

2025 жылғы қыркүйектен бастап енгізілетін өзгеріс 

Қазақстанда қаржылық қылмыстарға қарсы күрес аясында банктік шоттарға, карталарға және банктің мобильді қолданбасына кіру рұқсатын үшінші тұлғаларға заңсыз бергені үшін қылмыстық жауапкершілік енгізіледі. Жұбайлар мен жақын туыстар арасындағы операцияларға қатысты бұл талап қолданылмайды. Жаза мөлшері: ірі айыппұлдан бастап 5 жылға дейінгі мерзімге бас бостандығынан айыру немесе мүлікті тәркілеу. Алаяқтық сұлбаларды ұйымдастырушыларға 3 жылдан 7 жылға дейін бас бостандығын шектеу немесе айыру жазасы қарастырылады

Алаяқтық сұлбалардың жұмыс істеу принципі

Қылмыскерлер әлеуметтік желілер мен мессенджерлер арқылы азаматтарды белсенді түрде тартып, банк деректемелерін пайдалану үшін «оңай табыс табу» жолын ұсынады. «Дропперлер» деп аталатын мұндай ұсыныстардың құрбандары қылмыскерлердің сыбайласына айналғанын білмей қалуы да мүмкін. Ұлттық Банк ескерткендей, мұндай сұлбалар елдің қаржы жүйесіне елеулі зиян келтіреді және азаматтардың банк қызметтеріне деген сеніміне селкеу түсіреді.

Алаяқтардың әдеттегі ұсыныстары:

• «Картамды 50 000 теңгеге жалға беремін»
• «Қолма-қол ақша алу үшін адамдар керек»
• «Банктік операциялардан табыс табу»

ЦентрКредит Банкінің қаржылық қауіпсіздік бойынша кеңесі

Келесі деректерді үшінші тұлғаларға ешқашан бермеңіз:

• Банк карталары мен олардың деректемелері
• Мобильді банкингке кіретін PIN-кодтар мен парольдер
• Банктік қолданбаларға кіру рұқсаты
• Операцияларды растау үшін жіберілетін SMS-кодтар

Алаяқтық белгілері:

• Банк операциялар арқылы «оңай табыс табуды» ұсыну
• Сыйақы үшін «ақша аударуға көмектесуді» сұрау
• Шотыңызды бөгде «бизнес» үшін пайдалануды ұсыну

Күдікті операцияларды байқаған кезде:

1. Call-center/банктің мобильді қолданбасы арқылы картаны дереу бұғаттаңыз

2. Құқық қорғау органдарына өтініш жасаңыз

3. Банкке алаяқтық операциялар туралы хабарлаңыз

4. Барлық құжаттама мен хат алмасуды сақтаңыз

Банктің өкілдері келесі деректерді ешқашан сұрамайтыны есіңізде болсын:

• SMS-хабарламалардағы кодтар
• «Қауіпсіз шоттарға» ақша аудару
• Банк деректерін үшінші тұлғаларға беру

ЦентрКредит Банкі клиенттердің қаржылық қауіпсіздігін қорғауды баста назарда ұстап, банк өнімдерін пайдаланған кезде сақтық танытуға шақырады.

Қазақстанда телефон және интернет алаяқтығы жиілеп кетті. Өзіңізді және қаражатыңызды қорғау үшін негізгі қауіпсіздік ережесін сақтау маңызды: ақпаратты тек ресми дереккөздерден тексеріңіз, бейтаныс адамдардың телефон арқылы немесе желіде айтқан өтініштерін орындамаңыз, күрделі парольдер мен екіфакторлы аутентификацияны қолданыңыз, гаджеттердегі қолданбалар мен жүйені ұдайы жаңартып отырыңыз.

Егер алаяқтардың құрбаны болсаңыз, дереу полицияға 102 нөмірі арқылы немесе qamqor.gov.kz сайтындағы «Полицияға өтініш беру» бөлімі арқылы хабарласыңыз. Сонымен қатар картаңызды банк қолданбасы немесе байланыс орталығы арқылы бұғаттаңыз. Бұған қоса бірыңғай 116 нөміріне қоңырау шалуға болады.

Алаяқтар көбіне өздерін банк, полиция немесе басқа ұйым қызметкерлері ретінде таныстырып, мемлекеттік органдар мен дүкендердің атынан жалған хабарламалар жібереді, жалған интернет-дүкендер құрып, «тиімді инвестиция» ұсынады. Ресми органдар ешқашан код пен пароль сұрамайтынын және телефон арқылы тергеу әрекеттерін жүргізбейтінін есіңізде сақтаңыз.

Алаяқтықтың жаңа тәсілдері туралы толығырақ ақпаратты ІІМ Киберқылмысқа қарсы іс-қимыл департаментінің Instagram желісіндегі @cybercrime.kz парақшасынан біле аласыз.

Өзіңізді алаяқтардан қалай қорғауға болады, сілтемеден толығырақ танысыңыз.

Биылғы 25 қыркүйекте Қазақстан-Қытай инвестициялық форумы аясында ЦентрКредит Банкі мен Гонконгтың Sunwah Group корпорациясы ынтымақтастық туралы меморандумға қол қойды. Құжат тараптардың қаржы, инвестиция және жобалық қызмет салаларындағы бірлескен бастамаларды дамыту ниетін бекітеді.

Меморандумға қол қояр алдында 24 қыркүйекте Банктің бас офисінде Sunwah Group компаниясымен бірлесіп дөңгелек үстел өткіздік. Оған ҚХР мен Гонконгтың бизнес және қаржы институттарының 42 өкілі қатысты. Қонақтарға BCC Group және оның негізгі қызмет бағыттары туралы ақпарат беріліп, топ құрамындағы BCC Invest, Nomade Invest, BCC Project және ODEPT компаниялары таныстырылды. Іс-шараның басты бөлігі Гонконгтың HKEX биржасының басқарушы директоры (Managing Director) Ли Сихуанның (Larry Li) баяндамасы болды. Ол Қазақстан алтынын Гонконгтың клирингтік инфрақұрылымына қосып, трансшекаралық есеп айырысу үшін алтынмен қамтамасыз етілген цифрлық құрал құруды ұсынды. Сонымен бірге Sunwah Group төрағасы Джонатан Чой (Jonathan Choi) компаниялар арасындағы әріптестікті әрі қарай дамыту маңызды екенін атап өтіп, бірлескен жобаларды жүзеге асыруға дайын екенін білдірді.

Sunwah Group компаниясымен серіктестік BCC Group пен Қытай және Гонконгтың іскерлік және қаржы қауымдастығын байланыстыратын көпірге айналып, Азия бағытында бірлескен жобаларды іске асыруға жаңа мүмкіндіктер ашады.

Анықтама

Sunwah Group төрағасы Джонатан Чой (Jonathan Choi - Цай Гуаньшэнь) – белгілі гонконгтік кәсіпкер әрі қоғам қайраткері. Ол көпсалалы халықаралық Sunwah Group корпорациясын, Гонконгтың Қытай бас сауда палатасын басқарады, сондай-ақ Қытай Халық саяси консультативтік кеңесі (ҚХСКК) Бүкілқытайлық комитеті Тұрақты комитетінің мүшесі.

Басқарушы компанияларға арналған арнайы депозит арқылы үйді күрделі жөндеуге тиімді шарттармен ақша жинаңыз. Сыйақы мөлшерлемесі — 7,5% (ЖТСМ — 7,76%)

• Орналастырудың ең төменгі сомасы: 1 000 теңгеден бастап.
• Орналастыру мерзімі: мерзімсіз.
• Қосымша жарналар: шектеусіз.
• Ішінара ақша алу: тұрғын үй меншік иелерінің хаттамасы (Үй кеңесінің өтінімі) болған жағдайда ғана.
• Сыйақы мөлшерлемесі: 7,5%.
• Сыйақы төлеу: сыйақы салым сомасына қосылады (сыйақыны капиталдандыру).

Салымды жабу: басқарушы компанияның өтініші негізінде және тұрғын үй меншік иелерінің хаттамасы болған жағдайда жүзеге асырылады. Ақша салынған күннен бастап 1 күнтізбелік ай аяқталғанға дейін салым жабылса, сыйақы төленбейді. Ақша салынған күннен бастап 1 күнтізбелік айдан астам уақыт өткеннен кейін салым жабылған жағдайда, сыйақы салым жабылған сәтте қолданыста болатын сыйақы мөлшерлемесі бойынша төленеді.

Назар аударыңыз: сыйақыдан табыс салығы ҚР заңнамасына сәйкес ұсталады.

#IronCard картасын ұстаушылардың Supreme және Supreme+ артықшылықтарын пайдалану шарттарын есептеу тәртібін өзгерттік. Енді шарттар түсінікті, ал оларды орындау оңай болады. 

Енді Supreme және Supreme+ артықшылықтарын пайдалану үшін күнтізбелік тоқсандарға қарамастан, жазылым шарттарының бірін 3 ай қатарынан орындау жеткілікті. 

1. 1. Supreme артықшылықтар деңгейі үшін 

Supreme артықшылықтар деңгейі — бүкіл әлем бойынша әуежайлардағы DragonPass бизнес-залдарына шектеусіз және Астанадағы VIP Lounge-ға  екі қонақпен бірге (жылына 6 рет) кіру мүмкіндігі. Supreme деңгейін пайдалану үшін келесі шарттардың бірін орындау жеткілікті: 

• 3 ай ішінде ұлттық валютамен (немесе оның баламасымен) айына 3 млн ₸-ден 5 млн ₸-ге дейінгі сомаға сауда жасау 

• Теңгемен ашылған шоттардағы күнделікті қалдықты 3 ай қатарынан кемінде 500 000 ₸ сомасында сақтау 

2. 2. Supreme+ артықшылықтар деңгейі үшін 

Supreme+ артықшылықтар деңгейі — бүкіл әлем бойынша әуежайлардағы DragonPass бизнес-залдарына шектеусіз және Астанадағы VIP Lounge-ға бұрынғыдай 6 рет емес, енді жылына 10 рет үш қонақпен бірге кіру мүмкіндігі. Supreme+ деңгейіне қол жеткізу үшін келесі шарттардың бірін орындау жеткілікті: 

• 3 ай ішінде ұлттық валютамен (немесе оның баламасы) айына кемінде 5 млн ₸ сомаға сауда жасау 

• Теңгемен ашылған шоттардағы күнделікті қалдықты 3 ай қатарынан кемінде 1 млн ₸ сомасында сақтау 

Толығырақ 

Қазақстан азаматтары мен ұйымдарына арналған Қазақстан Республикасының Антифрод орталығының antifraud.kz ресми сайты іске қосылды. Порталда алаяқтық, одан қорғану тәсілдері және күмәнді жағдай туындаған кезде орындалатын әрекеттер туралы материалдар жинақталған.

Сайттан не білуге болады?

Пайдаланушылар Қазақстан Республикасының Антифрод орталығының қызметі, оның міндеттері мен функциялары, сондай-ақ алаяқтыққа қарсы қолданылатын шаралар туралы ақпаратпен таныса алады. Сонымен қатар кең таралған және жаңа алаяқтық схемалар, оларды анықтау және олардың алдын алу тәсілдері туралы мәлімет ала алады.

Сайтта сондай-ақ ақшалай қаражат пен дербес деректерді қорғау жөніндегі ұсынымдар, алаяқтыққа тап болған жағдайда әрекет ету тәртібі туралы нұсқаулықтар, қайда хабарласу қажет екені жөніндегі ақпарат, анықтамалық және оқу материалдары, жиі қойылатын сұрақтарға жауаптар және осы саладағы заңнама туралы мәліметтер орналастырылған.

Өзіңіз туралы ақпаратты тексеріңіз

Сайтта биометриялық сәйкестендіруден өтіп, Антифрод орталығының ақпараттық жүйелерінде өзіңіз туралы мәліметтің бар-жоғын тексеруге болады. 24 сағат ішінде бір реттен артық тексеруге болмайды. Тиісті мәлімет болған жағдайда пайдаланушы алдағы әрекеттер тәртібі мен жағдайды реттеуге мүмкіндік беретін қолжетімді тетіктер туралы ақпарат ала алады.

«Фроддиге» сұрақ қойыңыз

«Фродди» ЖИ-агенті алаяқтық және цифрлық қауіпсіздік мәселелері бойынша кеңес алуға, сондай-ақ оқыс жағдай туындаған кезде қалай әрекет ету керек екенін білуге мүмкіндік береді.

Пайдалы сервистер бір жерде

Порталда мемлекеттік және салалық ресурстарға сілтемелер жинақталған. Бұл ресурстарда сайттар мен ұйымдарды тексеруге, кредит тарихы туралы ақпарат алуға, қаржы сауаты мен цифрлық қауіпсіздік жөніндегі материалдармен танысуға болады.

Мұқият болыңыз және деректеріңізді қорғаңыз

Қаржы операцияларын жасамас бұрын ақпаратты тексеріңіз. SMS арқылы келген кодтарды, парольдерді және басқа да конфиденциалды деректерді бөгде адамдарға бермеңіз.

Антифрод орталығы қатысушылардың сайтты әрі қарай дамыту, оның функционалдық мүмкіндіктерін кеңейту, пайдалануды ыңғайлы ету және өзекті материалдармен толықтыру жөніндегі ұсыныстары мен ұсынымдарын да қабылдауға дайын.

Антифрод орталығының мүмкіндіктері туралы толығырақ antifraud.kz ресми сайтынан біліңіз.

Бір ұстаушыға тиесілі төлем карталарының ең көп санына қатысты қолданыстағы талаптарға сәйкес, #BusinessCredit картасы клиенттің карталар санына белгіленген лимитті есептеген кезде ескерілмейтінін хабарлаймыз.

Бұл ЦентрКредит Банкінде 4 картаңыз болса да, бизнеске арналған #BusinessCredit кредит картасын ресімдей алатыныңызды білдіреді.

Осылайша, лимитті есептеген кезде банкіміздің мына карта өнімдері ескерілмейді:

— #bccjunior

— әлеуметтік карта

— #businesscredit

«Бір клиентке 4 карта» шектеуі мына карталарға қатысты қолданыла береді:

— стандарт және премиум санаттағы дебет карталары

— кредит карталары

— зейнетақы карталары

— бизнес-карталар (#BusinessCredit картасынан басқа)

#BusinessCredit кәсіпкерлерге бизнеске қажетті тауарлар мен қызметтерді сатып алу үшін қаржыны икемді пайдалануға қосымша мүмкіндік береді.

#BusinessCredit картасы туралы толығырақ ақпаратты ЦентрКредит Банкінің сайтынан, банк бөлімшелерінен немесе дербес менеджерлерден біле аласыз.

Уақытыңызды бағалаймыз, сондықтан кәсіпкерлер үшін Bank CenterCredit қызметтерін бұрынғыдан да ыңғайлы етуді жалғастырамыз. Енді bcc.business серіктесінің жеке кабинетінде (веб-нұсқада және BCC Business мобильді қолданбасында) сауда эквайрингі қызметін пайдаланып жүрген клиенттер үшін жаңа мүмкіндік қолжетімді.

Егер бизнесіңізге қосымша POS-терминал керек болса, бұдан былай банк бөлімшесіне барудың немесе менеджерді күтудің қажеті жоқ. Өтінімді бірнеше минутта онлайн ресімдеуге болады.

Бұл қалай жұмыс істейді? Сізге өтінімді ресімдеудің ыңғайлы екі тәсілі ұсынылады:

• Қолданыстағы шарт аясында жаңа құрылғыны қосу
• Банктің қазіргі тарифтік талаптарына сәйкес жаңа шарт жасау

Барлығы автоматты түрде іске асады, bcc.business сайтына немесе мобильді қолданбасына кіріп, серіктестің кабинетіндегі «Сауда эквайрингі» бөлімінен  қажетті опцияны таңдап, өтінімді жіберіңіз. Кеңсеге баруды,  қағазбастылықты ұмытып, бизнесіңізді ауқымды түрде дамытыңыз. 

Теперь вы можете заключать форвардные сделки онлайн — в новой версии приложения bcc business.

Форвард позволяет заранее зафиксировать курс, сумму и дату валютной операции. Такой инструмент помогает снизить риски, связанные с изменением валютного курса, и заранее планировать расходы по международным контрактам.

Основные условия:

• валютные пары: USD/KZT, EUR/KZT, RUB/KZT;
• сумма сделки — от 100 000 до 50 000 000 долларов США в эквиваленте;
• срок — от 1 недели до 1 года;
• залоговое обеспечение — 10% от суммы сделки;
• без комиссии.

Форвардные сделки позволяют заранее зафиксировать валютный курс и снизить влияние рыночной волатильности, сокращая риск непредвиденных расходов по международным контрактам. Оформление проходит полностью онлайн, без скрытых комиссий, а при необходимости клиенты могут получить квалифицированную поддержку специалистов банка.

Құрметті кәсіпкерлер!

BCC QR арқылы төлем жасауға 0% комиссия қарастырылған акция ресми түрде тұрақты тарифке айналды. Енді банк ішінде QR арқылы жасалатын төлемдерге 0% комиссия әрдайым қолданылады — мерзімсіз әрі жасырын шарттарсыз.

Бизнесіңізге берер артықшылықтары:

• Қаражатты үнемдеу: тұрақты 0% комиссияның арқасында түсімнің 100%-ы өзіңізде қалады.
• Шығынды азайту: банк ішіндегі төлемдер бойынша эквайринг шығыны болмайды.
• Клиенттерге ыңғайлы: BCC.KZ қолданбасы арқылы жылдам әрі қауіпсіз контактісіз төлем жасау мүмкіндігі

Толық ақпаратты bcc.kz сайтынан немесе BCC Business қолданбасынан біліңіз

ЦентрКредит Банкінің эквайрингін қосып, бизнесіңізге барынша тиімді шарттармен төлем қабылдаңыз!

Қазан айы – жылы жүздесулер мен мерекелер айы, сонымен қатар Ұстаздар күні атап өтілетін ай. Осы кезеңде гүл шоқтары мен тәттілерге сұраныс арта түседі. Бизнестің белсенді маусымда табысын арттыруға көмектесу үшін жаңа акцияны іске қосып отырмыз!

Қазан айының соңына дейін төлемдерді артық шығынсыз қабылдаңыз: ЦентрКредит Банкі гүл және кондитерлік бизнес иелері үшін эквайринг комиссиясын 0%-ға дейін төмендетеді.

Бұл ұсыныс кімдерге арналған?

Акция келесі MCC-кодтар бойынша жұмыс істейтін мерчанттарға (жаңа және бұрыннан бар) қолданылады:

• 5992 — флористика;
• 5441 — кондитерлік дүкендер.

Сізге берілетін артықшылықтар:

• POS-терминалдар және BCCPAY арқылы төлемдерді қабылдау бойынша қызмет көрсету тарифі аясында 0% комиссия;
• күзгі мерекелер қарсаңында табысты арттыру мүмкіндігі;
• кез келген банктің карталары арқылы төлемдерді ыңғайлы қабылдау.

POS-терминалды немесе BCCPAY қызметін дәл қазір қосып, осы қазан айын бизнесіңіз үшін барынша табысты айға айналдырыңыз!

 Акция 01.10.2026–31.10.2026 аралығында өтеді. Акция Банк карталары және басқа банктердің карталары бойынша жүргізілген операцияларға қолданылады.

Осы арқылы «Банк ЦентрКредит» АҚ 2026 жылдың 25 қыркүйегінде Қазақстан Республикасы Қаржы нарығын реттеу және дамыту агенттігі мыналарды мемлекеттік тіркеуден өткізгенін хабарлайды:

• 5-ші облигациялық бағдарлама шеңберіндегі 2-ші облигациялар шығарылымы (ISIN KZ2C00020329), номиналды құны 1 000 (бір мың) теңге, көлемі 100 000 000 000 (жүз миллиард) теңге және айналым мерзімі 4 жыл;
• 5-ші облигациялық бағдарлама шеңберіндегі 3-ші облигациялар шығарылымы (ISIN KZ2C00020337), номиналды құны 1 000 (бір мың) теңге, көлемі 100 000 000 000 (жүз миллиард) теңге және айналым мерзімі 5 жыл;
• 5-ші облигациялық бағдарлама шеңберіндегі 4-ші облигациялар шығарылымы (ISIN KZ2C00020345), номиналды құны 1 000 (бір мың) теңге, көлемі 100 000 000 000 (жүз миллиард) теңге және айналым мерзімі 6 жыл;
• 5-ші облигациялық бағдарлама шеңберіндегі 5-ші облигациялар шығарылымы (ISIN KZ2C00020352), номиналды құны 1 000 (бір мың) теңге, көлемі 100 000 000 000 (жүз миллиард) теңге және айналым мерзімі 7 жыл.

Құрметті клиенттер,

жоспарлы техникалық жұмыстардың жүргізілуіне байланысты  27 қыркүйек күні сағат 03:00-ден 04:00-ға дейін «Банк ЦентрКредит» АҚ-ның бірқатар сервистері уақытша қолжетімсіз болады.

Қолжетімсіз болады:

• bcc.kz (ішінара қолжетімсіз);
• Банкоматтар мен терминалдар (оның ішінде толықтыру);
• POS-терминалдар;
• Карталар бойынша валюта айырбастау операциялары;
• BCC Business сервистері.
• BCC Business mobile 2.0 сервистері.
• ib.bcc.kz (BCC Corporate)
• lib.bcc.kz (BCC Corporate Lite)

bcc.kz сайтында келесі қызметтер қолжетімді болады:

• Балансты көру;
• Өз шоттарыңыз арасында аударымдар (конвертациясыз);
• P2P-аударымдар;
• Төлемдер.

Қажетті операцияларды техникалық жұмыстар басталғанға дейін алдын ала жоспарлап, орындауыңызды сұраймыз.

Уақытша қолайсыздықтар үшін кешірім сұраймыз.

1. «Банктің қауіпсіздік қызметінен қоңырау шалу»

Алаяқтар өздерін Банктің қызметкері ретінде таныстырады.

Олар:

• сіздің атыңызға кредит ресімделіп жатқанын;
• қаражатыңызға қауіп төніп тұрғанын;
• шұғыл түрде кредит ресімдеп, ақшаны «қауіпсіз» шотқа аудару қажеттігін және тағы басқа себептерді айтады.

Маңызды: шын банк қызметкерлері ешқашан қаражатты «қорғау» мақсатында кредит ресімдеуді сұрамайды.

2. «Банк логотипі қойылған WhatsApp-тағы қызметкер»

Алаяқтар WhatsApp арқылы Банктің логотипі қойылған аватармен хабарлама жібереді.

Хабарламада олар:

• «шоттың қауіпсіздігін тексеруді» ұсынады;
• «кредит бойынша алдын ала мақұлдау ресімделгенін» хабарлайды;
• «сіздің атыңызға кредит қателесіп ресімделгенін» айтады.

Маңызды: Банк жеке тұлғалардың атынан WhatsApp арқылы ресми хат алмасу жүргізбейді. Бұл – 100% алаяқтық.

3. «Мемлекеттік көмек / eGov»

Алаяқтар түрлі төлемдер, субсидиялар немесе төтенше жағдайлардан зардап шеккендерге арналған көмек берілетінін айтып уәде етеді.

Төлем алу сылтауымен сізден:

• ЖСН мен растау кодтарын енгізуді сұрайды;
• зиянды қосымшаларды жүктеуге мәжбүрлейді;
• олардың нұсқауы бойынша кредит ресімдейсіз.

4. «ҰҚК немесе ІІМ-мен бірлескен операция»

Хабарласушы сіздің «алаяқтық схеманың құрбаны болғаныңызды» айтып, тергеу жүргізуге көмектесуіңізді сұрайды.

Сізден:

• бұл туралы ешкімге айтпауды;
• «тергеу жүргізуге көмектесу үшін» кредит ресімдеуді;
• ақшаны «айғақ ретінде ресімдеу үшін» тапсыруды сұрайды.

Маңызды: органдар азаматтардың телефон арқылы құпия операцияларға қатысуын талап етпейді.

5. «ТКШ тарапынан есептегіштерді тегін ауыстыру»

Хабарласушы өзін ТКШ қызметкері ретінде таныстырып, есептегіштерді ауыстыру мәселесі бойынша хабарласып тұрғанын айтады.

Сізден:

• «өтінімді растау үшін» кодты айтуды сұрайды;
• «өтінімді растау үшін» биометриялық сәйкестендіруден өтуді талап етеді;
• зиянды қосымшаларды жүктеуге итермелейді.

Маңызды: ТКШ қызметкерлері сізден биометриялық сәйкестендіруден өтуді немесе растау кодтарын сұрамайды.

6. «Туыстардан қоңырау шалу»

Хабарласушы дауысын қолдан жасап туысыңыздың (балаңыздың, әпке-қарындасыңыздың, аға-ініңіздің, әкеңіздің және т.б.) дауысын салады.

Сізден:

• SMS арқылы келген кодты айтуды сұрайды;
• «қауіпті» жағдайға байланысты ақша аударуды өтінеді.

 Маңызды: мұндай жағдайда сақ болыңыз және ақпараттың рас екенін тексеру үшін туысыңызға өзіңіз қайта қоңырау шалыңыз.

Осы арқылы «Банк ЦентрКредит» АҚ 2026 жылдың 23 қыркүйегінде Қазақстан Республикасы Қаржы нарығын реттеу және дамыту агенттігі мыналарды мемлекеттік тіркеуден өткізгенін хабарлайды:

• 5-ші облигациялық бағдарлама;
• 5-ші облигациялық бағдарлама шеңберіндегі 1-ші облигациялар шығарылымы (ISIN KZ2C00020261), номиналды құны 1 000 (бір мың) теңге, көлемі 100 000 000 000 (жүз миллиард) теңге және айналым мерзімі 3 жыл.

Кешбэк в магазинах SMALL и SPAR будет начисляться до 21 сентября 2026 года, так как сеть магазинов перестала участвовать в партнёрской программе bcc club. 

Если вы выбрали SMALL и SPAR в любимой категории, кешбэк за покупки в сети будет начисляться до конца сентября.

Мы продолжаем развивать bcc club и работать над тем, чтобы у вас было ещё больше возможностей для выгодных покупок.

02.10.2026 жылдан бастап жаңа тарифтер күшіне енеді:

• шетелдік валюта банкноталарының түпнұсқалығын тексеру үшін
• клиенттің сұрауы бойынша банкноталарды қайта санау үшін

Толығырақ 505 нөмірі арқылы немесе bcc.kz сайтынан біле аласыз: https://www.bcc.kz/fizical/tarify/ 

10 қыркүйектен бастап премиум жалақы карталарының иелері bcc.kz қолданбасында келесі қызметтерге төлем жасаған кезде 10% жоғары мөлшердегі кешбэк алады:

• Коммуналдық қызметтер
• Интернет және теледидар
• Балабақша
• Қоғамдық көлік

Кешбэк бонустық шотқа есептелуі үшін қызмет ақысын төмендегі премиум жалақы карталарының бірімен төлеу жеткілікті:

• #IronCard
• #TravelCard
• #BlackEdition
• #DragonCard

Осы қызметтер үшін төленетін кешбэктің ең жоғары мөлшері айлық лимит аясында айына 10 000 теңгені құрайды.

Автокредитті ресімдегеннен кейін сізге #bccpay цифрлық картасына арналған Jetour автокөлігі бейнеленген арнайы скин қолжетімді болады.

ЦентрКредит Банкінің автокредиті банктің қаржыландыруымен жаңа автокөлік сатып алуға мүмкіндік береді. Өзіңізге ұнайтын Jetour моделін таңдап, автокредитке өтінім беріңіз және акция бойынша қосымша артықшылықтарды алыңыз.

Акцияға қатысу үшін:

1. 1. Jetour автокөлігін таңдаңыз.
2. 2. Өтінім беріп, ЦентрКредит Банкінен автокредит ресімдеңіз.
3. 3. #bccpay цифрлық картасына арналған бірегей скин және Jetour-дан кепілді сыйлық алыңыз.

Ұсыныс акция аясында Jetour автокөліктерін сатып алған кезде жарамды.

Мөлшерлеме: 0,10 – 23,00%

ЖТСМ: 0,70 – 23,00%

Толығырақ

ЦентрКредит Банкі халықаралық Global Business Outlook басылымының «Қазақстандағы шағын және орта бизнеске қызмет көрсететін озық инновациялық банк» (Most Innovative SME Bank – Kazakhstan 2026) марапатына ие болды. Бұл жоғары марапат банктің шағын және орта кәсіпкерлікті қолдауға арналған ұтымды шешімдері, цифрлық технологияларды белсенді енгізуі және клиенттерге заманауи қаржылық қызмет көрсеткен жетістіктері үшін берілді.

Global Business Outlook сарапшылары ЦентрКредит Банкінің шағын және орта бизнеске арналған кешенді шешімдерді дамытудағы жетістіктерін жоғары бағалады. Олардың қатарында жаңартылған BCC Business мобильді қолданбасы, кредит өнімдері мен кепілдіктерді онлайн ресімдеу мүмкіндігі, сондай-ақ мәмілелердің қауіпсіздігін қамтамасыз ететін эскроу-шот ашу және эскроу қолхаттарымен алмасу қызметтері бар. Сонымен қатар валюталық бақылау мәселелері бойынша қашықтан кеңес алуға мүмкіндік беретін видеобанкинг сервистері мен қолданбадағы валюталық жұптардың кең таңдауын ұсынатын FX-айырбастау қызметі ерекше атап өтілді. Сарапшылар банктің цифрлық төлем инфрақұрылымын да жоғары бағалады. Атап айтқанда, цифрлық теңгемен есеп айырысу сервистері, интернет-эквайринг пен сауда эквайрингін жылдам әрі оңай қосу мүмкіндіктері ЦентрКредит Банкінің бизнесті дамытуға бағытталған заманауи әрі тиімді қаржылық шешімдер ұсынудағы көшбасшылығын айқындады.

Шағын және орта бизнес банктің негізгі стратегиялық бағыттарының бірі болып табылады. Біз кәсіпкерлердің қажеттіліктері үнемі өзгеріп отыратынын жақсы түсінеміз. Сондықтан технологияларды дамытып, цифрлық сервистердің мүмкіндіктерін кеңейтіп, банк қызметін пайдалануды барынша жеңіл әрі тиімді ету үшін клиенттерге көрсетілетін қызмет сапасын үздіксіз жақсартып келеміз», – деді ЦентрКредит Банкінің президенті Руслан Владимиров.

Global Business Outlook – әлемдік бизнес пен қаржы саласындағы үздік тәжірибелер мен жетістіктерді дәріптейтін халықаралық беделді іскерлік басылым. Басылым жыл сайын бизнесті дамытуға, инновацияларды енгізуге және салалық өсімге елеулі үлес қосқан компаниялар мен қаржы ұйымдарын марапаттайды. Қатысушыларды бағалайтын кезде олардың нарықтағы көшбасшылық ұстанымы, қол жеткізген нәтижелері, табысты жүзеге асырылған бастамалары, өнімдері мен қызметтерінің сапасы, сондай-ақ саланың дамуына қосқан үлесі жан-жақты сараланды.

Банк өз қызметін Қазақстан Республикасы Қаржы нарығын реттеу және дамыту агенттігі 05.08.2026 жылы берген № 1.1.856.145 әмбебап банк лицензиясына сәйкес жүзеге асырады.

Яндекс Лавкада сауда жасау енді UnionPay карталарымен тиімдірек. #GoldCard және премиум санатындағы #DragonCard карталарын ұстаушылар ай сайын 3 тапсырысқа жеңілдік алып, карталардың қосымша артықшылықтарын пайдалана алады.

Акцияның бірінші айында:

• бірінші тапсырысқа – 50% жеңілдік, бірақ 5 000 ₸-ден аспайды;
• екінші тапсырысқа – 20% жеңілдік;
• үшінші тапсырысқа – 10% жеңілдік.

Екінші айдан бастап:

• #GoldCard – айына үш тапсырысқа 10% жеңілдік;
• #DragonCard – айына үш тапсырысқа 20% жеңілдік.

Яндекс Лавкадағы жеңілдіктерден бөлек, әр картаның өз артықшылықтары бар:

• #GoldCard – тегін қызмет көрсету және барлық саудаға 1% кешбэк;
• #DragonCard – барлық саудаға 2% кешбэк, карта ұстаушыға Dragonpass бизнес-залдарына лимитсіз кіру және 6 қонақпен бірге кіру мүмкіндігі.

Жеңілдікті пайдалану үшін Yandex Go қолданбасынан Яндекс Лавканы тауып, тапсырыс ақысын ЦентрКредит Банкінің UnionPay картасымен төлеңіз.

#GoldCard немесе #DragonCard картасын bcc.kz қолданбасында ашып, күнделікті сауда жасағанда және саяхат кезінде UnionPay артықшылықтарын пайдаланыңыз.

Құрметті клиенттер,

жоспарлы техникалық жұмыстардың жүргізілуіне байланысты 6 қыркүйек күні сағат 03:00-ден 05:20-ға дейін «Банк ЦентрКредит» АҚ-ның бірқатар сервистері уақытша қолжетімсіз болады.

Қолжетімсіз болады:

• bcc.kz (ішінара қолжетімсіз);
• Банкоматтар мен терминалдар (оның ішінде толықтыру);
• POS-терминалдар;
• Карталар бойынша валюта айырбастау операциялары;
• BCC Business сервистері.
• BCC Business mobile 2.0 сервистері.
• ib.bcc.kz (BCC Corporate)
• lib.bcc.kz (BCC Corporate Lite)

bcc.kz сайтында келесі қызметтер қолжетімді болады:

• Балансты көру;
• Өз шоттарыңыз арасында аударымдар (конвертациясыз);
• P2P-аударымдар;
• Төлемдер.

Қажетті операцияларды техникалық жұмыстар басталғанға дейін алдын ала жоспарлап, орындауыңызды сұраймыз.

Уақытша қолайсыздықтар үшін кешірім сұраймыз.

Осы арқылы «Банк ЦентрКредит» АҚ 01.09.2026 жылы Банктің Директорлар кеңесінің келесі шешімді қабылдағаны туралы хабарлайды:

1. «Банк ЦентрКредит» АҚ-тың 500 000 000 000 (Бес жүз миллиард) теңге сомасындағы бесінші облигациялық бағдарлама шығарылымы бекітілсін.

2. «Банк ЦентрКредит» АҚ-тың бесінші облигациялық бағдарламасы аясында «Банк ЦентрКредит» АҚ облигацияларының бес шығарылымы арқылы «Банк ЦентрКредит» АҚ-тың міндеттемелерін 500 000 000 000 (Бес жүз миллиард) теңге сомасына ұлғайту бекітілсін.

3. «Банк ЦентрКредит» АҚ-тың бесінші облигациялық бағдарламасы аясында облигациялардың бес шығарылымының талаптары осы шешімнің 1–5-қосымшаларына сәйкес бекітілсін.