Business-Aru
Әйелдер кәсіпкерлігін қолдау жобасы
«Business-Aru» – бұл ЦентрКредит Банкінің «Бизнестегі әйелдер» бағдарламасы аясындағы жобасы. Жоба Mastercard компаниясымен серіктестікте және Еуропа қайта құру және даму банкінің қолдауымен жүзеге асырылады.
- Сату, маркетинг, қаржы және бизнесті дамытуға қажетті басқа да құралдар бойынша құнды білімді тегін алу мүмкіндігі
- Жұмыс істеп тұрған бизнесті дамыту немесе жаңасын құру үшін жеке бизнес-жоспар жасау мүмкіндігі
- Жеке бизнес-жоспарды ЦентрКредит Банкі, Mastercard және ЕҚДБ сарапшыларынан құралған тәуелсіз қазылар алқасына ұсынып, ЕҚДБ-дан бизнес-жоспарды жүзеге асыруға қаржылай грант немесе бизнесті дамытуға қаржы саласынан тыс қолдау алу мүмкіндігі
- 10 000 000 теңгеден 5 грант
- ЕҚДБ-дан бизнесті дамытуға қаржы саласынан тыс қолдау алу (кеңес алу)
Қатысу критерийлері
- Жасы: 18-ден асуы керек
- Оқуға деген құштарлық: бизнес саласында жаңа білім алып, кәсіби дағдыларын арттыруға ұмтылу
- Бизнес-идея: бизнес-идеясы болу және оны жүзеге асыруға ұмтылу
- Жасы: 18-ден асуы керек
- Оқытуға қатысу: «Business-Aru» бағдарламасының барлық модулінен өту
- Бизнес-жоспар: бизнесін құру және дамыту бойынша жеке бизнес-жоспар әзірлеу
- Уақытылы тапсыру: «Business-Aru» байқауының қазылар алқасының қарауына дайын бизнес-жоспарды тапсыру
жеңіске жеткен жағдайда,
- ақшалай грант алушы ЖК болуы немесе бизнес иесі болуы тиіс (ЖК басшысы, егер ЖШС болса – грантты алған сәтте бизнеске 100% иелік етуі қажет)
- ЕҚДБ-дан кеңес алу мүмкіндігін жеңіп алған қатысушы ҚР заңнамасына сәйкес ШОБ субъектісі, сыртқы бизнес-сарапшыларды тарту арқылы дамытуды қажет ететін жеке жергілікті кәсіпорын болуы тиіс және бизнесінің тіркелгеніне кемінде 2 жыл болуы қажет
Заң нормаларына, моральдық және/немесе этикалық принциптерге қайшы келетін ақпаратты, сондай-ақ үшінші тұлғалардың құқықтары мен заңды мүдделерін бұзатын не осындай қауіп төндіретін басқа да ақпаратты жария ету фактілері анықталса, байқауды ұйымдастырушы байқауға қатысушының өтінімін тіркеуден және/немесе қараудан бас тартуға құқылы.
Жай ғана өтінім беру
«Business-Aru» байқауының жеңімпаздарын ЦентрКредит Банкі, Mastercard, Еуропа қайта құру және даму банкі өкілдерінен тұратын қазылар алқасы анықтайды.
Жеңімпаздарды таңдау критерийлері – жаңа бизнесті құру немесе жұмыс істеп тұрған бизнесті дамыту үшін әзірленген бизнес-жоспар.
- Маңызды! Оқытудың барлық модуліне қатысу – сыйлықақы алу үшін міндетті шарт.
«Business-Aru» байқауының қорытындысын шығару рәсімі Астанада өтеді, онда қазылар алқасы жеңімпаздардың есімдерін жариялайды. Салтанатты рәсімнің өткізілетін күні, орны және уақыты бойынша ақпарат қатысушыларға қосымша хабарланады.
2026 жылғы «Business-Aru» байқауының кезеңдері
Байқаудың қазылар алқасы
Білім беру: 1997-2001 жылдары А.С. Овсянникова Алматы технология және бизнес институтын «Қаржы және кредит» мамандығы бойынша тәмамдап, қаржы саласында терең білім алды.
2019 жылы INSEAD халықаралық мектебімен бірге Жинақ банкінің Корпоративтік университетінде MBA бағдарламасын аяқтады.
Жұмыс тәжірибесі: Мансап жолын 2000 жылы бастаған А.С. Овсянникова өзін мақсатқа ұмтылған маман ретінде танытып, Қазақстанның қаржы секторының түрлі салаларында жоғары кәсібилік пен көшбасшылық қасиеттерін көрсетті.
2000-2011 жылдар аралығында ол «Қазақстан Халық Банкі» АҚ-та және «ҚазинвестБанк» АҚ-та негізгі қызметтерді атқарып, операциялық жұмысты басқаруға, банк өнімдерін дамытуға және қаржылық бақылауға жауап берді.
2013 жылдан бастап А.С. Овсянникова «Жинақ банкі» ЖАҚ-тың Қазақстан Республикасындағы еншілес банкінде жұмыс істеп, корпоративтік бизнесті жоспарлау және талдау саласында басшылық лауазымдарды атқарды, кейіннен Қаржы департаментін басқарды.
2022 жылы А.С. Овсянникова «Жинақ банкі» АҚ ЕБ (кейіннен «Bereke Bank» АҚ болып өзгертілген) Басқарма төрағасының орынбасары болып тағайындалды, онда ол қаржы процестері мен стратегиялық жоспарлауды табысты басқаруды жалғастырды.
2023 жылдың басынан бері А.С. Овсянникова «Банк ЦентрКредит» АҚ-тың Басқарушы директоры қызметін атқарып, негізгі стратегиялық бастамаларды жүзеге асырумен және қаржыны басқарумен, соның ішінде Қаржы департаменті, Бухгалтерия және Қазынашылық қызметімен айналысты.
2023 жылы А.С. Овсянникова «Банк ЦентрКредит» АҚ-тың вице-президенті және Басқарма мүшесі болып сайланып, Қазақстанның банк саласындағы өзінің маңыздылығы мен ықпалын тағы бір мәрте дәлелдеді.
Оның мол тәжірибесі мен кәсіби жетістіктері оны күрделі міндеттерді табысты шешуге және компаниялардың стратегиялық бастамаларын жүзеге асыруға қабілетті қаржы секторы мамандары арасында көрнекті көшбасшы етеді.
Санжар Қазақстан, Қырғызстан, Тәжікстан, Түркіменстан елдерінде Mastercard бизнесін өркендетуге, серіктестермен қарым-қатынасты дамытуға, төлем жүргізу, эквайринг, киберқауіпсіздік салаларында, сондай-ақ басқа салаларда банктер мен жалпы төлем экожүйелері үшін түрлі цифрлық өнімдер мен шешімдерді әзірлеуге және олардың үйлесімді әрекеттесуіне жауап береді. Оның жұмысының маңызды бағыты – қолма-қол ақшасыз экономиканы дамыту мақсатында елдердің үкіметтерімен қарым-қатынас құру.
Санжардың қаржы және телекоммуникация салаларында мол жұмыс тәжірибесі бар. Ол «Казкоммерц Секьюритиз» АҚ, «Қазақтелеком» АҚ, ING Bank N.V. Лондондағы офисінде (Ұлыбритания), Қазақстан Республикасының Ұлттық Банкінде, сондай-ақ ING Bank N.V. Қазақстандағы өкілдігінде қызмет атқарып, кейіннен Өкілдік басшысы дәрежесіне дейін көтерілді.
Кембридж университетінің (Ұлыбритания) Executive MBA дәрежесіне, Ньюкасл университетінің (Ұлыбритания) халықаралық қаржы талдауы бойынша магистр дәрежесіне және Карлов университетінің (Чех Республикасы) қаржы математикасы бойынша бакалавр дәрежесіне ие. Сондай-ақ CFA беделді қаржы сертификатына және Institute of Directors (Ұлыбритания) тәуелсіз директор сертификатына (Certificate in Company Direction) ие.
Дарья Mastercard компаниясының Орталық Азия және Шығыс Еуропа елдеріндегі шағын және орта бизнес (ШОБ) сегментін дамытуға, соның ішінде бизнеске арналған шешімдерді әзірлеу мен локализациялауға, B2B бағытында цифрлық төлем шешімдерін ілгерілету мақсатында банктермен және финтех компанияларымен стратегиялық серіктестік орнатуға жауапты.
Дарьяның электрондық коммерция, банкинг және төлем жүйелері саласында, соның ішінде Kaspi.kz және UnionPay International компанияларында мол тәжірибесі бар.
Ол МГИМО мен Пекин бизнес және экономика университетінде экономика бойынша магистр дәрежесін, сондай-ақ Мәскеу мемлекеттік университетінде (ММУ) бакалавр дәрежесін алған.
Қайраттың банк саласында 22 жылдан астам тәжірибесі бар. Ол Шығыс Еуропа, Таяу Шығыс және Орталық Азия өңірлерінде консультациялық жобаларды іске асырып келеді. Негізгі сараптамалық бағыттары: инклюзивті және орнықты қаржыландыру, шағын және орта бизнесті дамыту, тәуекелдерді басқару, агроқаржыландыру, тұрғын үйді қаржыландыру, әйелдер банкингі және жасыл қаржыландыру.
Қазіргі уақытта ол ЕҚДБ-ның келесі жобаларын жүзеге асыруға жетекшілік етеді:
– «Қазақстандағы бизнестегі арулар»
– «Қырғызстан, Өзбекстан және Тәжікстан қаржы институттарының климаттық өтуді жоспарлауы»
– «GEFF Өзбекстан»
Ольга Донец 2004 жылы ЕҚДБ-ға келгеннен бері ЕҚДБ-ның энергетика, көлік және қаржы институттары секторларындағы жобаларының басшысы болды. Қазіргі уақытта Ольга Қазақстандағы, Моңғолиядағы және Орталық Азиядағы ірі банктермен ЕҚДБ-ның негізгі жобаларына жетекшілік етеді, сондай-ақ ол – ЕҚДБ-ның «Бизнестегі әйелдер» бағдарламасының операциялық көшбасшысы. Іскерлік әкімгерлік ету магистрі дәрежесіне ие.
Азим Гайбулин — Орталық Азия елдерінде, Моңғолияда және банктің басқа да қатысу елдерінде ЕҚДБ бағдарламалары мен стратегиялық бастамаларын басқаруда он жылдан астам тәжірибесі бар шағын және орта бизнесті дамыту саласындағы сарапшы. Ол елдік және өңірлік деңгейлерде, сондай-ақ ЕҚДБ-ның бас кеңсесінде жұмыс тәжірибесіне ие.
ЕҚДБ-ға дейін USAID-тің Қырғызстандағы микро-кәсіпорындарды қолдауға және экспорттық әлеуетті арттыруға бағытталған жобаларын басқарған.
2025 жылдан бастап Қазақстандағы ЕҚДБ шағын және орта бизнесті қолдау бағдарламасын басқарады.
Байқауды ұйымдастырушы
ЦентрКредит Банкі – елдің банк жүйесіндегі көшбасшылардың бірі, 1988 жылдан бері Қазақстанның барлық өңірінде қарапайым әрі ыңғайлы өнімдер мен қызметтерді ұсынып келеді.
Серіктес
Mastercard әлемнің 200-ден астам елінде жергілікті экономиканы дамытып, адамдарға шабыт береді. Компания клиенттермен бірге әр адамның өркендеуіне мүмкіндік беретін тұрақты экономикалық орта қалыптастырады. Цифрлық төлем жүргізуге көптеген мүмкіндік жасаймыз, транзакцияларды қауіпсіз, қарапайым, оңтайлы әрі қолжетімді етеміз. Біздің технологияларымыз бен инновацияларымыз, серіктестіктеріміз бен байланыстарымыз адамдарға, компаниялар мен үкіметтерге өз әлеуетін толық жүзеге асыруға көмектеседі.
Қолдау көрсеткен
Еуропа қайта құру және даму банкі (ЕҚДБ, European Bank for Reconstruction and Development) – қызметі мен инвестициялары жеке секторды және кәсіпкерлік бастаманы дамытуға бағытталған көпжақты банк. Банктiң «Бизнестегі әйелдер» бағдарламасы 2015 жылдан бері Қазақстан Үкіметінің қолдауымен елімізде табысты жұмыс істеп келеді.
«Растау және қабылдау» батырмасын басу арқылы сіз cookies файлдарын біздің Конфиденциалдық саясатына сәйкес пайдалануға келісім бересіз.