Жаңа жыл – жаңа мүмкіндіктер

Төлем мерзімін кейінге жылжытуға өтінім беру жөніндегі жадынама (Жүктеу)

Төлемді өтеу күнін өзгерту (Жүктеу)

Бизнесті дамытуға бағытталған кредиттік бағдарламалар ЖК және ЖШС үшін әзірленген. ЖК-ге және ЖШС-ға арналған өнімдер кредиттің ең жоғары сомасы, мерзімі, сондай-ақ қолжетімді валюталары бойынша ерекшеленеді.

Кредит сомасы кәсіпкерлік қызметті жүргізу нысанына байланысты. ЖК-ге және ЖШС-ға белгіленген ең төменгі лимит – 150 000 теңге. Ең жоғары лимит – жеке кәсіпкерлерге 30 000 000 теңге, ал серіктестіктерге 100 000 000 теңге (кепілмен – 300 000 000 теңге).

Бизнесті дамытуға арналған кредит – бұл нысаналы бағдарлама. Сондықтан қаражатты нақты міндеттердің шешімін табуға бағыттауға болады. Ең кең таралған мақсаттардың қатарында айналым қаражатын толықтыру және бизнесті дамытуға инвестиция салу бар.

Иә, банктен кредитті кепілсіз алуға болады, бұл ресімдеу процесін жеңілдетеді. Алайда мұндай жағдайда кредит мөлшерлемесі жоғары, ал ең жоғары сома төмен болуы мүмкін.

ЖК өтінімін мақұлдау үшін банк бірнеше параметрді талдайды. Олардың ішінде кредит тарихы мен төлем қабілеттілігі, бизнестің жұмыс істеу мерзімі, қаржы көрсеткіштері, кепіл ұсыну мүмкіндігі, кей жағдайда қызмет саласы да ескеріледі.

ЖК және ЖШС үшін қажетті құжаттар тізімі әртүрлі. ЖК жеке тұлғаны куәландыратын құжатты, салық декларацияларын және банктен үзінді көшірмені ұсынуы қажет. ЖШС үшін құжаттар тізіміне құрылтайшының жеке тұлғасын куәландыратын құжат, директорды тағайындау туралы шешім мен бұйрық, кредит беру туралы шешім, мемлекеттік тіркеу туралы анықтама және қолтаңба үлгілері кіреді.

Кредиттеу мерзімі бизнесті жүргізу нысанына байланысты. ЖК қарыз қаражатын 6 айдан 48 айға дейін, ал ЖШС 6 айдан 36 айға дейін ала алады. Егер кәсіпкер кепіл ұсынуға дайын болса, инвестициялық кредит беру мерзімі 120 айға дейін ұзартылады.

Кемінде 6–12 ай бұрын тіркелген бизнестің өтінімді мақұлдату мүмкіндігі жоғары болады. Банк үшін компанияның қаржылық тұрақтылығына көз жеткізу маңызды, ал қысқа жұмыс мерзімінде оны бағалау қиын.

6 айдан астам уақыт жұмыс істеп келе жатқан кәсіпкерлердің мақұлдау алу ықтималдығы жоғарырақ және кредиттік бағдарламаларды таңдау мүмкіндігі кеңірек болады. Бизнесті дамытуға арналған кредиттердің көпшілігінде қызметті кемінде 6 ай жүргізу міндетті шарты белгіленген.

Көбінесе банк кредит тарихының нашар болуына немесе борыштық жүктеменің жоғары болуына байланысты қарыз қаражатын беруден бас тартады. Басқа себептердің қатарында жұмыс тәжірибесінің жеткіліксіздігі, айналымдардың тұрақсыз болуы, салық бойынша берешектің болуы және тәуекелі жоғары салада қызмет жүргізу бар.