ЦентрКредит Банкі Қазақстан қор биржасының (KASE) ұсынысы бойынша «Қаржы секторындағы үздік тұрақты даму есебі» номинациясында жеңімпаз болды. Бұл марапат банктің қаржы саласынан тыс есептілігінің ашықтығы мен сапасының жоғары деңгейін, сондай-ақ оның ESG және тұрақты даму принциптеріне адалдығын растайды.
Номинация кезінде Қазақстанның заңды тұлғалары арасында өткен жылдың тұрақты даму есептері мен жылдық есептері бағаланды. ЦентрКредит Банкі экологиялық, әлеуметтік және басқару аспектілері бойынша егжей-тегжейлі деректерді ұсына отырып, тұрақты даму саласындағы өз қызметі туралы ақпаратты ашудың кешенді тәсілін көрсетті.
«Бұл марапат – біздің бизнес-стратегиямызға тұрақты даму принциптерін енгізу жөніндегі күш-жігеріміздің маңызды мойындалуы. Біз ESG-күн тәртібін дамытып, клиенттеріміз бен серіктестеріміздің сенімін нығайтуды жалғастырамыз», – деп атап өтті «Банк ЦентрКредит» АҚ-тың Тұрақты даму департаментінің директоры (Chief Sustainability Officer) Арнұр Ыбыраев.
ЦентрКредит Банкі тұрақты дамудың инновациялық тәсілдерін енгізуді және корпоративтік ашықтық деңгейін арттыруды жалғастырады. Есепті банктің ресми сайтынан табуға болады.
