Банк қызметі ұғымы ақша, бағалы металдар және бағалы қағаздармен жұмыс істеуді қамтиды. Басқаша айтқанда банк қызметі – бұл қаржы ұйымының жеке және заңды тұлғалар үшін жүзеге асыратын барлық операциялары.

Банктік операциялар тізімі 

Банктер келесі қызметтерді ұсынады: 

• Шоттар ашады (ағымдағы, жинақ, кредиттік және т.б.), оларды жүргізу және қызмет көрсету жұмыстарын жүзеге асырады. Шоттардың жеке санатына металл шоттары жатады, онда бағалы металдар (ең танымалы – алтын) ескеріледі. 

•  Депозиттер ресімдейді. Салымдар жеке тұлғалар мен бизнес үшін өзекті: олар жинақтарды сақтап қана қоймай, көбейтуге де мүмкіндік береді. 

• Кассалық операцияларды орындайды – қолма-қол ақшаны қабылдайды және береді, төлемдер мен аударымдарды жүргізеді. 

• Кредиттеу қызметін жүзеге асырады. Жеке тұлғалар арасында тұтынушылық кредиттер, ипотека және автокредиттеу көп қолданылады. Кәсіпкерлер әдетте айналым қаражатын толықтыру, жабдық сатып алу, өндірісті жаңғырту және инвестициялау үшін кредит ресімдейді

• Валютамен жұмыс жүргізеді – айырбастау, конвертациялау және есеп айырысу жұмыстарын орындайды.

• Банктік карточкалар шығарады. Карта классикалық немесе премиум санатында болуы мүмкін: премиум өнімдер стандартты функцияларға ие және қосымша мүмкіндіктер ұсынады. Сондай-ақ виртуалды карта немесе бөліп төлеу картасын ресімдеуге болады. 

Банктер кәсіпкерлерге бизнесті дамыту үшін көптеген мүмкіндік ұсынады. Бизнесмендер аккредитив немесе банктік кепілдік ресімдей алады, факторинг келісімін жасасуға, сондай-ақ көлік құралдары мен жабдықтарды лизингке ала алады. 

Банктер өз қызметін Қазақстан Республикасының заңдарына және операцияларды жүргізудің жалпы талаптарын реттейтін ережелерге сәйкес жүзеге асырады.