ҚР 2003 жылғы 13 мамырдағы №415 заңының 14-бабына сәйкес акционер – бұл акция иесі болып табылатын тұлға.  

Акционердің құқықтары 

Бұл құжатта акция иесіне тиесілі құқықтар көрсетілген:  

• Жарғыда немесе заңда белгіленген тәртіпке сәйкес қоғамды басқаруға қатысу. 

• Егер акционер жеке өзі немесе басқа акционерлермен бірге дауыс беру құқығы бар акциялардың 5%-ы немесе одан көп бөлігіне иелік етсе, жиналысқа қосымша мәселелерді енгізу туралы қоғамның директорына ұсыныс жасау. 

• Дивиденд алу.  

• Қоғамның қызметі, қаржылық есептілігі және бағалы қағаздарға меншік құқығын растайтын үзінді көшірмелермен танысу.

• Қоғам қабылдаған шешімдерге дау айту;
• Директорлар кеңесіне сайлану үшін кандидатура ұсыну;
• Қоғам таратылған жағдайда, оның мүлкінің бір бөлігін алу;
• Қоғам қызметі мен активтері туралы жазбаша сұрау салу және 30 күнтізбелік күн ішінде уәжделген жауап алу;
• Қоғам шығарған немесе акцияларға айырбасталатын бағалы қағаздарды басым тәртіппен сатып алу. ҚР заңнамалық актілерінде өзгеше көзделген жағдайларды қосылмайды;
• Акциялардың түрі мен санына өзгеріс енгізу мәселесін шешу үшін жиналысқа қатысу.

Егер акционер жеке өзі немесе басқа акционерлермен бірлесіп 5% және одан көп акцияларға иелік етсе, олар:

• ҚР 2003 жылғы 13 мамырдағы №415 заңының 63 және 74-баптарына сәйкес сот органдарына жүгінуге;
• Жыл қорытындысы бойынша қоғамның атқарушы органының (директорлар кеңесінің жекелеген мүшесінің) алған сыйақысы туралы мәлімет алуға құқылы.

Акционерлердің міндеттері

Акция иелерінің міндеттері:

• Акциялар үшін төлем жасау;
• Егер акция иелері тізілімін жүргізуге қажетті мәліметтер өзгерсе, бұл туралы 10 жұмыс күні ішінде орталық депозитарийге хабарлау;
• Қоғамға және оның қызметіне қатысты заңмен қорғалатын коммерциялық немесе қызметтік құпияға жататын мәліметтердің конфиденциалдығын сақтау;
• ҚР заңнамалық актілерінде қарастырылған өзге де міндеттерді орындау.

Акционердің өзге де құқықтары мен міндеттері қоғамның жарғысында белгіленуі мүмкін.