Банк ЦентрКредит кеңейтілген ESG деректерімен тұрақты даму жөніндегі екінші есебін жариялады
Банк ЦентрКредит өзінің екінші қаржылық емес есебін жариялады. Құжат АРРФР ұсынымдарына және халықаралық стандарттарға — GRI, SASB, IFRS S1 және S2 сәйкес дайындалған. Есепте тұрақты дамудың негізгі бағыттары қамтылған: мүдделі тараптармен өзара іс-қимыл, қызметкерлерді дамыту, адам құқықтарын сақтау, қоршаған ортаға әсерді азайту және экономикалық дамуға қосқан үлес. 2024 жылға арналған есепте ақпаратты жариялау ауқымы мен тереңдігі едәуір кеңейтілді – құжат банк қызметімен қатар, оның еншілес ұйымдарына қатысты деректерді де қамтып, ESG тәсілдерінің бүкіл Топ деңгейінде іске асырылып жатқанын көрсетеді.
2024 жылдың басты жетістіктерінің қатарында 2030 жылға дейінгі жаңартылған ESG стратегиясының қабылдануы, Орталық Азия банктері арасында алғашқы болып Климаттық стратегияның әзірленуі, парниктік газдар шығарындыларын азайту бойынша мақсаттар мен «жасыл» қаржыландыру көлемін арттыру жоспарлары бар. 2024 жылы өткізілген халықаралық S&P Global Corporate Sustainability Assessment бағалау нәтижесінде банк тұрақты даму саласындағы басқару жетілдіру деңгейі жоғары банктердің әлемдік топ 10%-на енді.
Есепте банктің стратегиялық ESG бастамалары мен БҰҰ-ның Тұрақты даму мақсаттарына қол жеткізуге қосқан үлесі туралы ақпарат берілген. Негізгі бағыттардың қатарында экологиялық және мәдени жобалар, білім беру қолдауы, цифрлық инклюзия және гендерлік теңдік бар. Бұл жобалардың көпшілігі банк қызметкерлерінің белсенді қатысуымен және ЮНЕСКО сияқты серіктестермен бірлесе жүзеге асырылады. Әлеуметтік және қайырымдылық бастамаларға 6,6 миллиард теңгеден астам қаражат бөлінді. Сонымен қатар, банк халықаралық ұйымдармен әріптестікті дамыту мен ЕҚДБ-ның GEFF II сияқты «жасыл» қаржыландыру бағдарламаларына қатысуды жалғастыруда.
«Жасыл офис» бағдарламасы аясында экологиялық бастамалар жүзеге асырылуда: энергия және ресурстарды үнемдеу шаралары енгізіліп, ел бойынша кеңселерде қалдықтарды бөлек жинау тәжірибесі кеңейтілді. Алғаш рет жаңартылатын энергия көздерін пайдалануды растайтын IREC сертификаттары сатып алынды.
Адами капиталды дамытуға ерекше назар аударылды. 2024 жылғы жағдай бойынша банкте 7 692 қызметкер жұмыс істейді, олардың 66,3%-ын әйелдер құрайды. Есепті кезеңде BCC Academy және Көшбасшылық мектебі сияқты білім беру жобалары іске қосылып, 200-ден астам оқу бағдарламасы өткізілді.
Өткен жылы сияқты, есеп халықаралық KPMG аудиторлық компаниясымен ISAE 3000 стандартына сәйкес шектеулі растаудан өтті, бұл ұсынылған ақпараттың шынайылығы мен ашықтығын растайды.
2024 жылға арналған тұрақты даму есебінің толық нұсқасы мен ESG Databook құжатын Банк ЦентрКредиттің ресми сайтынан табуға болады.
*ISAE3000 халықаралық аудит стандартының талаптарына сәйкес шектеулі сенімділік
ҚНРДА 03.02.2020 ж. берген №1.2.25/195/34 лицензиясы.