Құрметті СЭҚ қатысушылары!

«Банк ЦентрКредит» АҚ сіздерге 2025 жылғы 1 қаңтардан бастап күшіне енетін 2019 жылғы 30 наурыздағы №40 Қазақстан Республикасында валюталық операцияларды жүзеге асыру ережелеріне:

Резидент-заңды тұлғалардың валюталық операциялары бойынша ақша аударымдарын жүргізу тәртібіне; 

Резидент-заңды тұлғалардың ұлттық валютаға қолма-қол ақшасыз шетел валютасын сатып алу тәртібіне енгізілген өзгерістерді хабарлайды.

Осыған байланысты сізден көрсетілген операцияларды жоспарлайтын кезде осы маңызды ақпаратты ескеруді өтінеміз.

Шетел валютасын сатып алуға қатысты:

• Резидент-заңды тұлға бір жұмыс күні теңгемен баламасы 50 000 АҚШ долларынан асатын жалпы сомаға қолма-қол ақшасыз шетел валютасын сатып алатын кезде валютаны сатып алу мақсатын көрсетеді және Банкке валюталық шартты, сондай-ақ баламасы 50 000 АҚШ долларынан асатын соманы құрайтын алдыңғы өтінімдерді ескере отырып, өтінімдердің сол бөлігіндегі пайдаланылмаған валютаны кері сатуға нұсқауды ұсынады.
• Бұл кезде шетел валютасын сатып алатын жалпы сома сатып алу мақсатына қарамастан клиенттің бір операциялық күні валютаны сатып алу туралы берген барлық өтінімдері бойынша есептеледі. Клиент растайтын құжаттарды және валютаны кері сатуға нұсқауды ұсынбай-ақ бір операциялық күні кез келген мақсатқа баламасы 50 000 АҚШ долларынан аспайтын сомада бір банктен валюта сатып ала алады.
• Осы талапты орындау мақсатында валюталық шарт бойынша міндеттемелерді орындау үшін Банкке валютаны сатып алатын сомаға қарамай валюталық шартты ұсыну қажет. 

Валюталық операциялар бойынша ақша аударымдарына қатысты:

«Банк ЦентрКредит» АҚ-та бұрын сатып алынған шетел валютасын басқа уәкілетті банкке аударған жағдайда, өз қаражатын аудару туралы өтініште шетел валютасын сатып алатын күні, сондай-ақ орындау үшін шетел валютасы сатып алынған валюталық шарттың нөмірі мен күні туралы ақпаратты міндетті түрде көрсету қажет.

Осы ақпарат ақша аудару туралы өтініште болмаған жағдайда, Банк клиенттің операция жүргізуінен бас тартуға мәжбүр болады.