Банктің «жасыл» қаржыландыру саясатына тәуелсіз бағалау (Second Party Opinion, SPO)
Банк ЦентрКредит «жасыл» қаржыландыру саласындағы саясатына тәуелсіз бағалаудан (Second Party Opinion, SPO) сәтті өтіп, Халықаралық капитал нарығы қауымдастығының (ICMA) «жасыл» облигациялар қағидаттарына (GBP) ең жоғары сәйкестік деңгейін алды.
Астана халықаралық қаржы орталығының Жасыл қаржы орталығы (AIFC GFC) жүргізген бағалау АО «Банк ЦентрКредиттің» жобаларды іріктеу мен басқару бойынша рәсімдері мен тетіктерінің жоғары деңгейін, сондай-ақ экологиялық және/немесе әлеуметтік маңызы бар жобалар бойынша ақпарат ашудың және ашықтықтың жоғары деңгейін көрсеткенін растады.
AIFC GFC бағалауына сондай-ақ Банктің алғашқы «жасыл» облигациялар шығарылымынан түсетін қаражатты пайдаланудың болжамды шолуы да кірді. Бұл облигациялар 2025 жылдың екінші жартыжылдығында шығарылуы жоспарланған және олар Банктің «жасыл» қаржыландыру саясатына сәйкес іріктеу критерийлеріне жауап беретін экологиялық жобаларды қаржыландыруға және/немесе қайта қаржыландыруға бағытталады.
Қаржы нарығындағы ең үздік халықаралық тәжірибелерге сәйкес, Саясатта көрсетілген қабылдауға болатын жасыл жобалардың критерийлері Climate Bonds Initiative (CBI) ұйымының талаптарымен үйлестірілген.