Ипотекалық қарыздарды өтеген кезде зейнетақы төлемдерін пайдалану талаптары өзгерді
Қазақстан Республикасы Өнеркәсіп және құрылыс министрінің 19.03.2026 жылғы №116 бұйрығы негізінде 17.04.2026 жылдан бастап Бірыңғай зейнетақы төлемдерін (БЗТ) пайдалану қағидаларына енгізілген өзгерістер күшіне енеді.
Енгізілген өзгерістерге сәйкес енді БЗТ қаражаты тек ипотекалық тұрғын үй қарызы бойынша негізгі борышты ішінара немесе толық көлемде өтеуге ғана жұмсала алады. Кредит бойынша пайызды, өсімпұлды, айыппұлды және басқа да берешекті төлеу үшін зейнетақы жинақтарын пайдалануға бұдан былай рұқсат берілмейді.
Қағидалардың бұрынғы нұсқасында БЗТ есебінен тек негізгі борышты ғана емес, сонымен қатар қарыз бойынша ілеспе міндеттемелерді де өтеу мүмкіндігі қарастырылған болатын. Жаңа нұсқада бұл мүмкіндік алынып тасталды.
Клиенттеріміз үшін процесс қалай өзгереді:
• Банктің сайтында негізгі борышты БЗТ қаражатынан өтеу үшін клиент алдымен өз қаражаты есебінен пайызды төлеуі қажет.
• Клиент пайызды, өсімпұлды, айыппұлды өз қаражаты есебінен төлеген бойда БЗТ қаражаты негізгі борышты өтеуге есептеледі.
• Пайыз 10 күн ішінде төленбесе, БЗТ қаражаты Зейнетақы қорына қайтарылады.
Жүйені жаңартылған заңнама талаптарына сәйкестендіруге, сондай-ақ Банктің теңшеуге қатысты қажетті техникалық жұмыстарды жүргізуіне байланысты 17.04.2026 жылдан бастап БЗТ қаражаты есебінен берешекті ішінара мерзімінен бұрын өтеу (ІМБӨ) / толық мерзімінен бұрын өтеу (ТМБӨ) мақсатына төлем жасау уақытша мүмкін емес.
Зейнетақы қаражатын тұрғын үй жағдайын жақсартуға пайдаланудың басқа мақсаты өзгеріссіз қалады.
«Растау және қабылдау» батырмасын басу арқылы сіз cookies файлдарын біздің Конфиденциалдық саясатына сәйкес пайдалануға келісім бересіз.