Акционерлердің жалпы жылдық жиналысының өтетіні туралы хабарлама

HTML:Құрметті акционерлер!

A25D5G0, Алматы қ., Медеу ауданы, әл-Фараби даңғ., 38 мекенжайы бойынша орналасқан «Банк ЦентрКредит» акционерлік қоғамы АҚ Директорлар кеңесінің бастамасымен 2023 жылғы 12 мамырда жергілікті уақыт бойынша сағат 10:00-де жеке қатысу нысанында, Zoom конференция арқылы акционерлердің жалпы жылдық жиналысының өтетіні туралы хабарлайды.
Акционерлердің жалпы жылдық жиналысына қатысушыларды тіркеу жергілікті уақыт бойынша 9:30-да басталады.
«Банк ЦентрКредит» АҚ акционерлерінің жалпы жылдық жиналысына қатысуға құқылы акционерлердің тізімі 2023 жылғы 28 сәуірдегі жай-күйі бойынша «Бағалы қағаздардың орталық депозитарийі» АҚ ұсынған «Банк ЦентрКредит» АҚ акцияларын ұстаушылар тізілімінің деректері негізінде құрылады.

Күн тәртібі:
1. Банктің 2022 жылғы қызметінің нәтижелері туралы есеп.
2. «Банк ЦентрКредит» АҚ-тың 2022 жылға арналған шоғырландырылған және жеке жылдық қаржылық есептілігін бекіту.
3. «Банк ЦентрКредит» АҚ-тың 2022 жылғы таза кірісін бөлу тәртібін бекіту.
4. Банктің Жарғысына өзгерістер мен толықтырулар енгізу туралы, Банктің Корпоративтік басқару кодексінің жаңа нұсқасын бекіту және «Банк ЦентрКредит» АҚ акционерлерінің жалпы жылдық жиналысының 05.06.2020 жылғы хаттамасымен бекітілген «Банк ЦентрКредит» АҚ-тың Корпоративтік басқару кодексінің күші жойылған деп тану туралы.
5. «Банк ЦентрКредит» АҚ Директорлар кеңесінің мүшелерін сайлау туралы.

Акционерлер жалпы жылдық жиналыстың күн тәртібіне қатысты мәселелер бойынша материалдармен 2023 жылғы 02 мамырдан бастап келесі мекенжай бойынша «Банк ЦентрКредит» АҚ-та сағат 9:00-ден бастап 18:00-ге дейін таныса алады: Алматы қ., Медеу ауданы, әл-Фараби даңғылы, 38. Өзімен бірге жеке тұлғасын куәландыратын құжат болуы тиіс. Акционердің сауалы болған кезде, материалдар сауал алынған күннен бастап үш жұмыс күні ішінде, бірақ жоғарыда көрсетілген мерзімнен кейін жолданады.

Кворум болмаған жағдайда, Акционерлердің жалпы жылдық жиналысы 2023 жылғы 13 мамырда жергілікті уақыт бойынша сағат 10:00-де аудио-бейнеконференция (ZOOM) режимінде қайта өткізіледі.
«Акционерлік қоғамдар туралы» Қазақстан Республикасы 2003 жылғы 13 мамырдағы № 415-II заңының (бұдан әрі – Акционерлік қоғамдар туралы заң) 52-бабының 1-тармағына сәйкес акционерлердің жалпы жылдық жиналысының хаттамасы жиналыс жабылғаннан кейін үш жұмыс күні ішінде жасалып, қол қойылуы тиіс.

Акционерлердің жалпы жылдық жиналысы «Акционерлік қоғамдар туралы» заңның 35-37, 35-37, 39-48, 50-52-баптарына, сонымен қатар «Банк ЦентрКредит» АҚ Жарғысының қағидаларына сәйкес өткізіледі

Туындаған барлық сұрақтар бойынша келесі телефон нөмірі арқылы хабарласуға болады: 7 (727) 259 85 18