💵 Теңге бағамы сенімді түрде нығайып келеді. Бүгін көрсеткіш 1,05%-ға төмендеп, 498,90 деңгейіне жетті. Сауда-саттық көлемі 311 млн доллар болды.
USD/KZT бағамының төмендеуі жаһандық нарықта АҚШ долларының әлсіреуімен де сәйкес келіп отыр.
АҚШ долларының алты негізгі валютаға қатысты динамикасын бақылайтын доллар индексі (DXY) 108,00 деңгейінен төмендеді.
Кеше қаңтар айындағы тұтыну бағалары индексі (CPI) бойынша деректер жарияланғаннан кейін DXY көрсеткіші өскен еді. Алайда АҚШ президенті Дональд Трамп пен Ресей президенті Владимир Путиннің Украинадағы соғыс бойынша ықтимал келіссөздерге қатысты телефон арқылы сөйлесуі доллар бағамының өзгеруіне әсер етті. 👨💼