HTML:"Банк ЦентрКредит" АҚ-тың Үшінші облигациялық бағдарламасының аясында облигациялардың екінші шығарылымын орналастыру туралы хабарлама

HTML:"Банк ЦентрКредит" АҚ-тың Директорлар кеңесі бастапқыда "Банк ЦентрКредит" АҚ-тың акционерлері – жай акцияларын ұстаушыларға (бұдан кейін – Акционерлер) басымдықпен сатып алу құқығын іске асыруды ұсына отырып, облигацияларды келесі талаптармен бағалы қағаздардың ұйымдастырылған нарығында орналастыру туралы шешім қабылдады:

Облигациялар туралы мәліметтер

"Банк ЦентрКредит" АҚ "Акционерлік қоғамдар туралы" Қазақстан Республикасы заңының 16-бабының 2-тармағына сәйкес акционерлерге орналастыру туралы осы хабарлама жіберілген күннен бастап 5 (бес) жұмыс күні ішінде олардың қолындағы жай акциялардың мөлшерімен бірдей мөлшерде, тең талаптармен бір Облигация үшін 1 000 теңге бағасымен облигацияларды сатып алуды ұсынады.

Акционерлер орналастыру туралы осы хабарлама жарияланған күннен бастап 5 (бес) жұмыс күні ішінде "Қазақстан қор биржасы" АҚ-тың ішкі ережесіне сәйкес өтініш жіберу арқылы басымдықпен сатып алу құқығын іске асырады.

Акционерлер басымдықпен сатып алу құқығы бойынша сатып алатын облигацияларға оларды сатып алу туралы өтініш берген күннен бастап 5 (бес) жұмыс күні ішінде төлем жасайды.

Өтінім бермеген немесе төлем жасамаған акционерлер осы ұсыныстан бас тартқан деп есептеледі.

Әрбір акционер Облигацияларды (Облигацияларды есептен шығару және есепке алу үшін талап етілетін құжаттарды және деректерді "Бағалы қағаздардың бірыңғай тіркеушісі" АҚ-қа және (немесе) номиналды ұстаушыларға ұсынуды қосқанда) сатып алуға қажетті рұқсатты, мақұлдауды уақытылы алу және өзге іс-әрекеттерді жасау үшін, сондай-ақ "Бағалы қағаздардың бірыңғай тіркеушісі" АҚ-тың және (немесе) номиналды ұстаушылардың қызметіне төлем жасауды қосқанда кез келген комиссияларды, алымдарды және салықтарды төлеу үшін өз бетінше жауап береді.

Осы хабарламаға байланысты сұрақтар пайда болған жағдайда немесе хабарламада көрсетілген қосымша ақпаратты немесе құжаттарды алу қажет болған кезде Алматы қаласы, әл-Фараби даңғылы, 38 мекенжайы бойынша (+7 727) 2-598-598, ішкі 12100, 12191 телефон нөмірлері арқылы Қазынашылық департаментіне, осы бөлімшені бағыттайтын директор Т.Р. Габасовқа хабарласуды өтінеміз.

"Қазақстан қор биржасы" АҚ-тың орналасқан мекенжайы: Алматы қаласы, Байзақов көшесі, 280, "Almaty Towers" көпфункционалды кешенінің солтүстік мұнарасы, 8-қабат, телефоны (+7 727) 237 53 00, (+7 727) 237 53 11, ресми сайты - www.kase.kz.