Құрметті акционерлер! Алматы қ., Медеу ауд., әл-Фараби даңғ., 38 мекенжайы бойынша орналасқан «Банк ЦентрКредит» акционерлік қоғамы Директорлар кеңесінің бастамасы бойынша 2022 жылғы 20 мамырда жергілікті уақытпен 10 сағат 00 минутта жеке қатысу арқылы акционерлердің жылдық жалпы жиналысының өткізілетінін хабарлайды.

HTML:Акционерлердің жылдық жалпы жиналысына қатысушыларды тіркеу жергілікті уақытпен 9 сағат 30 минутта басталады.
«Банк ЦентрКредит» АҚ акционерлерінің жылдық жалпы жиналысына қатысуға құқығы бар акционерлердің тізімі «Бағалы қағаздар орталық депозитарийі» АҚ 2022 жылғы 10 мамырдағы жай-күйі бойынша ұсынған «Банк ЦентрКредит» АҚ-тың акцияларын ұстаушылардың тізіліміндегі деректердің негізінде жасалады.
Күн тәртібі:
1. Банктің 2021 жылғы қызметінің нәтижелері туралы есеп.
2. «Банк ЦентрКредит» АҚ-тың 2021 жыл бойынша шоғырландырылған және жеке жылдық қаржылық есептілігін бекіту.
3. «Банк ЦентрКредит» АҚ-тың 2021 жылғы таза табысын бөлу тәртібін бекіту.
4. Директорлар кеңесінің мүшелерін сайлау.

Акционерлер жылдық жалпы жиналыстың күн тәртібіндегі мәселелер бойынша материалдармен 2022 жылғы 10 мамырдан бастап сағат 9:00-ден 18:00-ге дейін Алматы қ., Медеу ауд., әл-Фараби даңғ., 38 мекенжайы бойынша орналасқан «Банк ЦентрКредит» АҚ-та таныса алады. Жеке тұлғаны куәландыратын құжатты ұсыну қажет. Акционер сұрау жасаған жағдайда, материалдар сұрау алынған күннен бастап үш жұмыс күні ішінде жіберіледі, бірақ жоғарыда көрсетілген күннен ерте жіберілмейді.

Кворум болмаған жағдайда, акционерлердің қайта өтетін жылдық жалпы жиналысы 2022 жылғы 21 мамырда жергілікті уақытпен 10 сағат 00 минутта аудио-бейне конференция (ZOOM) режимінде өткізіледі.
«Акционерлік қоғамдар туралы» Қазақстан Республикасының 2003 жылғы 13 мамырдағы № 415-II заңының (бұдан кейін – Акционерлік қоғамдар туралы заң) 52-бабының 1-тармағына сәйкес акционерлердің жалпы жиналысының хаттамасы жиналыс жабылғаннан кейінгі үш жұмыс күні ішінде құрылуы және оған қол қойылуы тиіс.

Акционерлердің жалпы жиналысы Акционерлік қоғамдар туралы заңның 35-37, 39-48, 50-52-баптарына, сонымен қатар «Банк ЦентрКредит» АҚ-тың қолданыстағы Жарғысының нормаларына сәйкес өткізіледі.

Сұрақтарыңыз болса, 7 (727) 259 85 18 телефон нөміріне хабарласуды өтінеміз.