ЦентрКредит Банкі «Қазақстан халқына» қорына 500 млн теңге аударды

ЦентрКредит Банкі «Қазақстан халқына» қорына 500 млн теңге аударды

ЦентрКредит Банкі Қазақстан Республикасының азаматтарына қайырымдылық көмек және қолдау көрсету үшін «Қазақстан халқына» қорына 500 миллион теңге аударды.

2022 жылғы қаңтарда Мемлекет басшысының тапсырмасы бойынша «Қазақстан халқына» әлеуметтік қоры құрылып, ол келесі міндеттерді орындайтын болды: ҚР халқына денсаулық сақтау, білім беру, мәдениет және спорт салалары бойынша; төтенше жағдайлар кезінде зардап шеккендерге; халықтың әлеуметтік осал топтарына, сонымен қатар қызметтік міндеттерін орындау кезінде қаза тапқан құқық қорғау органдары қызметкерлерінің отбасыларына қайырымдылық көмек көрсету.

«ЦентрКредит Банкі азаматтардың игілігі мен еліміздің гүлденуі үшін мемлекет басшысының бастауларын қолдауға дайын», - дейді ЦентрКредит Банкінің Басқарма төрағасы Ғалым Хұсаинов. «Біз қазақстандық екінші деңгейдегі банктер мен компаниялардың белсенді ұстанымының қоғамға қажетті сәтте нағыз қолдау болатынына әрі халқымыздың өмір сапасын жақсартуға итермелейтініне сенеміз».

Тағы бір айта кетерлігі, ЦентрКредит Банкі Қазақстан Республикасының азаматтарына қайырымдылық көмек көрсетуге белсенді қатысады. Елімізде болған қаңтар оқиғаларына байланысты Банк төтенше жағдай кезінде қаза тапқан әскери қызметшілердің отбасыларына 1 миллион теңге мөлшерінде көмек беруді жалғастырып келеді.

ЦентрКредит Банкі туралы

«Банк ЦентрКредит» акционерлік қоғамы 1988 жылғы 19 қыркүйекте құрылған және әмбебап бизнес-модельге негізделген Қазақстанның ең алғашқы әрі ең ірі банктерінің бірі болып табылады. Банктің кең тараған ауқымды филиалдық желісі бар, 125 құрылымдық бөлімшесі арқылы заңды және жеке тұлғаларға қызмет көрсетеді. Банктің корреспонденттік желісіне шетелдік 40 банк кіреді.  Толық ақпаратты банктің www.bcc.kz ресми сайтынан алуға болады.

Өнімдер желісі бойынша келесі телефон нөмірлеріне хабарласыңыздар:

505 – жеке тұлғалар үшін мобильді телефоннан қоңырау шалу тегін.

605 – заңды тұлғалар үшін мобильді телефоннан қоңырау шалу тегін.