ЦентрКредит Банкі қауіпсіздік шараларын сақтауды ұсынады
Құрметті клиенттер!
Алаяқтық жағдайлар жөнінде ескерту және оның алдын алу мақсатында ЦентрКредит Банкі қауіпсіздік шараларын сақтауды және карта деректемелері мен SMS-кодтарды үшінші тұлғаларға (тіпті олар банк жұмыскері ретінде танысқан болса да) бермеуді табанды түрде ұсынады.
Қаскүнемдер жиі қолданатын алаяқтық схемаларға назар аударыңыздар:
-Банктің жалған жұмыскері;
-Мүлікті (пәтер, автокөлік және басқасы) сату туралы хабарламалар бойынша қоңыраулар;
-Сыйақы үшін сауалнамаларға қатысу туралы ұсыныстар;
-Жалған брокер.
Алаяқтар қоңырау шалған телефон нөмірі Банк сайтында/картасының қарсы бетінде көрсетілген телефон нөміріне ұқсас болуы мүмкін, алайда банктің телефон нөмірлері тек кіріс қоңыраулар үшін қолданылады, олардан шығыс қоңыраулар жүргізілмейді!