ЦКБ басшысы Руслан Владимиров Kazakhstan Growth Forum нұсқасы бойынша 2024 жылдың ең үздік CEO-сы атанды
Биыл 19 қыркүйекте Алматы қаласында жыл сайынғы Kazakhstan Growth Forum аясында үздік басшыларды марапаттау рәсімі өтті.
Сарапшылар кеңесінің талқылауы нәтижесінде «Жылдың ең үздік CEO-сы» атағы ЦентрКредит Банкі Президенті Руслан Владимировқа берілді.
“Сарапшылар кеңесіне және үздік басшыларды таңдауға қатысқан барша жандарға алғысымды білдіремін. Бұл ЦКБ командасының бірлескен жемісті жұмысының нәтижесі. Біз әр клиентпен серіктестік қатынастарымызды мақтан тұтамыз және өзара тиімді ынтымақтастық үшін жаңа жетістіктерге сенімді қадам басудамыз. Барлық клиенттерімізге сенім білдіргендері үшін алғыс айтамын”, — деп атап өтті ЦентрКредит Банкі Президенті Руслан Владимиров.
Номинанттарды іріктеу және жеңімпаздарды анықтау барысында Kazakhstan Growth Forum сарапшылар кеңесінің мүшелері қатысты. Атап айтсақ: Елдар Абдразаков (Kazakhstan Growth Forum), Маржан Меланич (Kazakhstan Growth Forum), Сәкен Жұмашев (KPMG), Елена Бахмутова (Қазақстан қаржыгерлер қауымдастығының кеңесі), Ерлан Досымбеков (EY), Екатерина Бенджамин (IFC), Дана Инкарбекова (PwC), Дина Урастаева (Qazaq Independent Directors), Дулатбек Икбаев (McKinsey&Company), Ораз Жандосов (РАКУРС), Ержан Досымбеков (Grant Thornton), Алина Алдамберген (KASE), Андрей Беклемишев (IDC).