ЦентрКредит Банкі бизнесті кредиттеу үшін ЕҚДБ-дан жаңа транш алды

Еуропа қайта құру және даму банкі «Даму» қорымен бірге ШОБ кредиттеу жобасын іске қосты. Жобаға қатысушы ретінде жеке кәсіпкерлік субъектілерін қаржыландыратын белсенді банктердің бірі болып табылатын ЦентрКредит Банкі таңдалды. 9 миллиард теңге мөлшеріндегі транш 21%-дан (СЖТМ) басталатын мөлшерлеме бойынша салалық шектеулерсіз шағын және орта бизнесті кредиттеуге бағытталатын болады.

Кредитті инвестиция жасау және айналым қаражатын толықтыру үшін алуға болады. Инвестиция – бұл модернизация, негізгі құралдарды (мысалы, жабдықтарды) сатып алу немесе қызметті кеңейту мақсатында жайлар салу. Айналым қаражатын толықтыру – бұл жеткізушілермен есеп айырысу, қажетті тауарды сатып алу, жалақы төлеу және т.б.

ЕҚДБ-мен келісім бойынша кредит теңгемен беріледі, бір қарыз алушыға лимиттің ең жоғары жиынтық сомасы 3 000 000 АҚШ долларына дейінгі соманы (ағымдағы айырбастау бағамы бойынша теңгемен) құрайды. 

Бұл жобаның артықшылықтарының бірі қарыз алушы 2021 – 2025 жылдарға арналған Кәсіпкерлікті дамыту жөніндегі ұлттық жобаның талаптарына сәйкес келген жағдайда, оның ішінде кәсіпкердің жүзеге асыратын қызметі бойынша сыйақы мөлшерлемесінің бір бөлігін субсидиялау мүмкіндігі болып табылады. Нәтижесінде кредит бойынша сыйақыны субсидиялау кезінде кәсіпкер үшін соңғы мөлшерлеме жылдық 7-8%-ды құрайды. Толығырақ сілтеме бойынша.

ЦентрКредит Банкі Қазақстандағы табысты ынтымақтастық тарихы бар ЕҚДБ стратегиялық серіктестерінің бірі болып табылады. Банк ЕҚДБ-мен бірлесіп кәсіпкер әйелдерді, ШОБ сегментінің клиенттерін кредиттеу бағдарламаларын және «GEFF» жасыл технологияларды дамыту бағдарламасын іске асыруда.

ҚР ҚНРДА 03.02.2020 жылы берген № 1.2.25/195/34 лицензия.