ҚазҰПУ-да ЦКБ қолдауымен Нобель сыйлығының лауреаттарының еңбектері жиналған алғашқы кітапхана ашылды

Абай атындағы Қазақ ұлттық педагогикалық университетінде Орталық Азиядағы Нобель сыйлығының лауреаттарының еңбектері жинақталған алғашқы кітапхананың ашылу рәсімі өтті. Бұл ерекше жоба ЦентрКредит Банкінің, сондай-ақ Reinventing Bretton Woods Foundation және Корпоративтік Нобель фестивалінің қолдауымен жүзеге асырылды.

Кітапхананың қорында әлемнің жетекші ғалымдары ұсынған 2500 кітап, қолжазба және мұрағаттық материал бар. Жоба ғылым мен білімді дамытуға және білім мен идеяларды еркін алмасуға арналған кеңістік құруға бағытталған.

«Біздің кітапхана - қоғамның дамуына, оның мәдениетіне үлес қосатын Гарвард, Стэнфорд, Кембридж кітапханаларының үлгісі бойынша бүкіл Орталық Азияның ғалымдары, докторанттары үшін ұжымдық пайдаланудың зияткерлік, білім беру және зерттеу орталығына айналады.Мұнда біздің ғалымдар мен студенттер зерттеу жұмыстарын жүргізу үшін кең ғылыми қорды пайдалана алады" - деді Абай атындағы ҚазҰПУ ректоры Болат Тілеп.

«Абай атындағы Қазақ ұлттық педагогикалық университетінде Бреттон-Вуд қоры кітапханасының ашылуы – Қазақстан мен Орталық Азияда ғылым мен білімді дамыту жолындағы маңызды қадам. ЦентрКредит Банкі үшін мұндай маңызды жобаның бір бөлігі болу үлкен мәртебе. Біз кітапхана студенттер, оқытушылар және жас ғалымдар үшін шабыт көзі болып, әлемдік деңгейдегі еңбектерге жол ашып, білім мен идеялар алмасуға арналған кеңістік жасайтынына сенімдіміз», – деп атап өтті ЦентрКредит Банкінің Алматы қалалық филиалының директоры Нұрқанат Оңғаров.

Кітапхана Орталық Азиядағы Нобель сыйлығының лауреаттары, әлемдік деңгейдегі ғалымдар мен зерттеушілердің еңбектері ұсынылған алғашқы ағылшын-француз платформасына айналады.