Алматыда TURAQTY JOL экокампаниясы аясында байқау жеңімпаздарын марапаттау рәсімі өтті
ЦентрКредит Банкінің ESG дирекциясының басшысы Арнур Ибраев банктің осындай жобаларға қатысуының маңыздылығын атап өтті: «Біз байқауға планетамызға қамқорлық танытатын көптеген талантты адамдардың жиналғанына қуаныштымыз. Сіздердің жұмыстарыңыз маңызды экологиялық мәселелерге назар аударады және біз үшін осындай жобаларды іске асыруда UNESCO-ның серіктесі болу үлкен мәртебе». ЦентрКредит Банкінің қоршаған ортаны қорғауға бағытталған бастамаларды белсенді қолдайтынын айта кеткен жөн.
Жеңімпаздар үш номинация бойынша марапатталды: бейнелеу өнері, қолданбалы өнер және фотосурет. Финалистердің жұмыстары қазіргі заманның экологиялық қатерлеріне креативті көзқарасты көрсетеді.
«TURAQTY JOL ұлттық әлеуметтік экокампаниясы аясындағы шығармашылық байқауды ұйымдастырушыларға алғыс айтамын. Барлығы жоғары деңгейде өтті және бұл жоба бізге өз идеямызды кенепте бейнелеп, экологиялық мәдениетті ілгерілетуге өз үлесімізді қосуға мүмкіндік берді. Мен маңызды бастаманың бір бөлігі болғаныма өте қуаныштымын», – деп ойымен бөлісті «Қоғам таңдауы» номинациясының жеңімпазы Ермахан Әсемай.
TURAQTY JOL – жастарды туған жерін құрметтеуге және экологиялық құндылықтарға тәрбиелеуге бағытталған білім беру бағдарламасы. Биыл бұл жобаны ЦентрКредит Банкінің, «Шеврон» компаниясының және «Шымбұлақ» тау курортының қолдауымен ЮНЕСКО клубтарының Қазақстан Ұлттық Федерациясы іске асырды.