«Қазақстан Республикасындағы банктер және банк қызметі туралы» Қазақстан Республикасы заңының 60-бабының 5-тармағының талаптарын орындау мақсатында, осы арқылы «Банк ЦентрКредит» акционерлік қоғамы Қазақстан Республикасының қаржы нарығын реттеу және дамыту агенттігінен «Eco Center Bank» акционерлік қоғамының («Банк ЦентрКредит» АҚ Еншілес банкі) «Банк ЦентрКредит» акционерлік қоғамына қосылуы нысанында «Банк ЦентрКредит» акционерлік қоғамын ерікті түрде қайта ұйымдастыруға рұқсат алғаны туралы хабарлайды. Осыған байланысты Қазақстан Республикасының заңнамасында белгіленген бірқатар іс-шараларды жүзеге асыру қажет, соның ішінде, бірақ мұнымен шектелмей: «Банк ЦентрКредит» акционерлік қоғамы мен «Eco Center Bank» акционерлік қоғамы («Банк ЦентрКредит» АҚ Еншілес банкі) акционерлерінің ортақ жалпы жиналысында Өткізу актісін бекіту, оған сәйкес «Eco Center Bank» акционерлік қоғамының («Банк ЦентрКредит» АҚ Еншілес банкі) барлық мүлкі (құқықтары мен міндеттері) «Банк ЦентрКредит» акционерлік қоғамына өтеді және «Банк ЦентрКредит» акционерлік қоғамы «Eco Center Bank» акционерлік қоғамының («Банк ЦентрКредит» АҚ Еншілес банкі) барлық кредиторларына және борышкерлеріне қатысты барлық құқықтары мен міндеттері, оған қоса тараптар даулайтын міндеттемелері бойынша құқықтық мирасқоры атанады; құрылтай құжаттарына өзгерістер енгізу және оларды мемлекеттік тіркеу.