17 маусым демалыс күні болмайды. Құрбан айт мерекесі 16 маусымда басталады
Еңбек және халықты әлеуметтік қорғау министрлігі 2024 жылғы 17 маусымда демалмайтынымызды растады.
«Еңбек кодексінің 84-бабына сәйкес, мұсылман күнтізбесі бойынша атап өтілетін Құрбан айттың бірінші күні демалыс күні болып табылады. 2024 жылға арналған өндірістік күнтізбені қалыптастырған кезде, Қазақстан мұсылмандары діни басқармасы (ҚМДБ) 2023 жылғы 17 қазанда ресми хат жолдаған болатын, онда 2024 жылы Құрбан айттың бірінші күні 17 маусымға түсетіні, бірақ айдың фазаларына байланысты ауысуы мүмкін екені хабарланған. Ағымдағы жылдың 7 маусымында ҚМДБ 2024 жылы Құрбан айттың бірінші күні 16 маусымға түсетінін жариялады. Бұл күннің жексенбі екенін ескере отырып, дүйсенбі күні, 17 маусымда қосымша демалыс күні болмайды», – деп мәлімдеді министрлікте.
Қазақстанда демалыс күндеріне түсетін діни мерекелерді ауыстыруға болмайтынын естеріңізге саламыз. Осыған байланысты 17 маусым – жұмыс күні.
ЦентрКредит Банкінің бөлімшелері қалыпты режимде жұмыс істейді.