WeChat Pay Қазақстанда: бизнес заманмен қатар жүретін уақыт

2024 жылы Қазақстанға Қытайдан 655 мыңнан астам турист келді. Ал 2025 жыл ҚР-да Қытай туризмінің жылы деп жарияланды. Екі ел арасындағы туризм саласындағы ынтымақтастық мемлекетаралық мәдени және экономикалық байланысты нығайтып, бизнестің тиімді дамуына жол ашады.

WeChat Pay қалай жұмыс істейді? Бұл сервис сатып алушылар мен сатушыларға қандай артықшылықтар береді? Қазақстанда тауар мен қызмет ақысын бұл сервис арқылы қалай төлеуге болады?

WeChat Pay дегеніміз не?

Төлем сервисі Қытайдағы ең танымал мессенджерлердің бірі — WeChat негізінде жұмыс істейді. Қолданбаны 2011 жылы қытайлық Tencent компаниясы әзірленген. 2024 жылы мессенджердің ай сайынғы белсенді пайдаланушыларының саны рекордтық көрсеткішке – 1,34 млрд адамға жеткен.

WeChat артықшылығы – WeChat Pay-дің ішкі төлем жүйесінің болуы. Қазіргі уақытта бұл жүйеге ЦентрКредит Банкінің бизнес-клиенттері де қосыла алады. Оған қоса Қытайда WeChat Pay жүйесі PayPal-дан да жиі қолданылады.

WeChat Pay арқылы төлем қалай жүргізіледі?

• Сервис WeChat қолданбасының көмегімен ЦентрКредит Банкінің терминалындағы QR-кодты сканерлеу арқылы тауар мен қызмет ақысын төлеуге болады.
• өлем қабылдау үшін ЦКБ POS-терминалының экранында төлем жасау тәсілі – WeChat Pay арқылы төлеу көрсетіледі, әрі қарай терминал экранында QR-код генерацияланады.
• Сатып алушы транзакцияны WeChat мобильді қолданбасында растайды. Қаражат сатушының шотына келесі күні түседі. Бүкіл процесс бірнеше секунд ішінде және бірнеше қимылмен жүзеге асады.

WeChat Pay-дің сатып алушы мен сатушыға әкелетін пайдасы қандай?

Қытайлық туристер өз елінде WeChat мессенджерін белсенді түрде қолданады және төлем операцияларының барлығын дерлік WeChat Pay арқылы жүргізеді, осыған орай Қазақстанда сапар барысында үйреншікті әдіспен төлем жасау олар үшін қолайлы болары анық. Туристке есеп айырысу үшін валюта айырбастаудың немесе қолма-қол ақша алып жүрудің қажеті жоқ: бұл уақытты үнемдеп, қолайсыз жағдайларға (қайтарымды күту, қағаз ақша мен тиынды санау) жол бермейді.

Қазақстандағы дәмханалар, мейрамханалар, туристік компаниялар мен дүкендер бұл сервисті неге белсенді түрде қосып жатыр? Өйткені WeChat Pay-ді қолдану кәсіпкерлер үшін де тиімді:

• Орташа чек артады. Демек табыс өседі.
• Клиенттік база ұлғаяды: жүйені тек Қытайда ғана емес, шетелде жүрген саяхатшылар да қолданады, яғни сіз басқа елден келген саяхатшылардан да төлем қабылдай аласыз.
• Сатып алушыға да, сатушыға да транзакцияның барынша қауіпсіз өтуі маңызды. Деректердің жоғары деңгейде қорғалуына екі факторлы аутентификация арқылы да кепілдік беріледі.

Қазақстанда WeChat Pay-ді қалай пайдаланады?

WeChat Pay арқылы жұмыс істеуі үшін кәсіпкердің ЦентрКредит Банкінде есеп айырысу шоты мен PAX POS-терминалы болуы қажет. Шотты bcc.kz мобильді қолданбасы арқылы небәрі 5 минутта ашуға болады. Тарифтердің кең желісі бизнесіңіздің ерекшелігін ескеріп, сізге қолайлы қызмет көрсету пакетін таңдауға мүмкіндік береді. Шотты тегін ашу және оған қызмет көрсету, сондай-ақ ақысы 0 теңгені құрайтын онлайн-бухгалтерия қаржылық жүктемені азайтуға көмектеседі.

Қосымша ақпарат пен кеңес алу үшін 605 нөміріне хабарласуға болады (ұялы телефоннан қоңырау шалу тегін). WeChat Pay-ге қосылып, бизнесіңіздің географиясын кеңейтіңіз!