Сәуір айында банк өкілдері Тбилисиге барды, онда Грузияның жетекші қаржы-несие мекемелерінің басшылығымен — TBC Банк, ProCredit Bank және Basis Bank келіссөздерге қатысты. Басты талқылау тақырыптары қаржы ұйымдарының жұмысына ESG принциптерін енгізу әдістері, жауапты қаржыландыру, әлеуметтік және экологиялық қауіпті басқару, экологиялық жауапкершілік мәселелерін басқару және жауапты корпоративтік саясат болды.
Банк делегациясының құрамына Вице-президент, Кеңес мүшесі Овсянникова А.С., Тұрақты даму Дирекциясының жетекшісі (ESG), CSO Ибраев А.Т. және Климаттық стратегияны жүзеге асыруға қатысушы банк бөлімшелерінің өкілдері кірді. Екі күндік жұмыс бағдарламасы кезінде делегация қатысушылары Грузияның жетекші банктерінің жасыл қаржыландыру саласындағы алдыңғы қатарлы тәжірибесін зерттеді. «Ұзақ мерзімді климаттық стратегиясының шеңберінде банк парниктік газдардың шығарылуын азайту және „жасыл“ несиеленудің көлемін ұлғайтуға амбициозды мақсаттарды қояды. Бұл мақсаттарды жүзеге асыру үшін халықаралық банктердің ESG жобаларын жүзеге асыруда және халықаралық қаржы институттарынан ұзақ мерзімді қаржыландыруды тартуда жеткен жетістіктерін зерттеу маңызды. Бұл банкке аналогиялық шешімдерді тезірек енгізуге және климаттық міндеттемелерді орындау шараларының тиімділігін арттыруға мүмкіндік береді», — деп Тұрақты даму Дирекциясының жетекшісі (ESG), CSO Арнур Ибраев келіссөздер нәтижелерін түсіндірді.
Келіссөздер нәтижесінде қаржы секторында ұзақ мерзімді дамудың оң тәжірибесін алмасу және ынтымақтастықты жалғастыру туралы келісімдер бекітілді.
