2024 жылғы 24 қыркүйекте Орталық Азия Экологиялық Зерттеу Институты (CAIER) және Халықаралық Қаржы Корпорациясы (IFC) бірлесе отырып, Қазақстан Республикасының Қаржы нарығын реттеу және дамыту агенттігімен (Агенттік) ұйымдастырылған дөңгелек үстел өтті. Кездесудің тақырыбы «Қаржы секторында тұрақты даму күн тәртібін дамыту. Әлеуметтік және экологиялық тәуекелдерді басқару нұсқаулығы» болды.

   Жиынды Агенттік төрайымы Мадина Әбілқасымова ашып, ESG (экологиялық, әлеуметтік және корпоративтік басқару) күн тәртібінің қаржы секторы үшін маңыздылығын атап өтті. IFC сарапшылары ESG тәуекелдерін басқарудағы әлемдік трендтер туралы баяндама жасап, IFC стандарттарын Қазақстан қаржы нарығында қолдану бойынша өз көзқарастарымен бөлісті. АРРФР өкілдері ESG қағидаттарын енгізудің жаңартылған жол картасын таныстырып, ESG тәуекелдерін басқару жүйесін қаржы ұйымдарының қызметіне енгізу жоспарын ұсынды.

   Банк ЦентрКредит АҚ атынан CFO, вице-президент, Басқарма мүшесі А.С. Овсянникова және CSO, Тұрақты даму департаментінің директоры А.Т. Ибраев қатысып, банктің ESG трансформациясының негізгі нәтижелерін, жауапты қаржыландыру саясатын енгізудегі тәжірибесін және банктің климаттық стратегиясы бойынша алдағы жоспарларын талқылады.

   Дөңгелек үстел қатысушылары Банк ЦентрКредиттің ESG бағытында қол жеткізген жетістіктерін, әсіресе оның S&P Global Corporate Sustainability Assessment бағалауы аясындағы жоғары ESG бағасын атап өтті. Сарапшылар бұл жетістік банктің экологиялық және әлеуметтік жауапкершілік стандарттарына жоғары бейілділігін тағы бір рет растады.

Ескертпе:

Агентство – Қазақстан Республикасының Қаржы нарығын реттеу және дамыту агенттігі;

CAIER – Орталық Азия Экологиялық Зерттеу Институты;

IFC – Халықаралық Қаржы Корпорациясы.