Депозиттерге кепілдік беру

Сіздің депозитіңіз KDIF тарапынан сақтандырылған

Жиған-тергеніңіздің сақталатынына сенімді болыңыз

Банктік шот шартын және (немесе) банктік салым шартын жасаған жеке тұлға-клиентке хабарлама

«Банк ЦентрКредит» АҚ (бұдан әрі – Банк) депозиттерге міндетті кепілдік беру жүйесіне қатысатыны туралы сізге хабарлайды.
«Қазақстан Республикасының екінші деңгейдегі банктерінде орналастырылған депозиттерге міндетті кепілдік беру туралы» Қазақстан Республикасының заңына (бұдан әрі – Заң) сәйкес сіздің депозитіңіз (салымыңыз), яғни банктік шот шарты және (немесе) банктік салым шарты негізінде расталған банктік шоттарындағы ақшаңыз депозиттерге міндетті кепілдік беру объектісі болып табылады.

Заңға сәйкес кепілдіктің ең жоғарғы (шекті) мөлшері:
· ұлттық валютамен ашылған жинақ салымдары (депозиттері) бойынша – 20 миллион теңге;
· ұлттық валютамен ашылған басқа депозиттер (жинақ салымдарынан басқа) бойынша – 10 миллион теңге;
· шетел валютасымен ашылған депозиттер бойынша – 5 миллион теңге.
Егер Банкте түрлері мен валюталары әртүрлі бірнеше депозит (салым) орналастырылған болса, барлық депозит (салым) бойынша жиынтық қалдық кепілдендіріледі, бірақ әрбір депозит түрі бойынша белгіленген шектерді ескере отырып, кепілдік өтемнің ең жоғарғы сомасы – 20 миллион теңгеден аспайды.
Назар аударыңыз, төленетін кепілдік өтемнің мөлшері депозит (салым) бойынша қалдық сомасына қарай, есептелген сыйақы есепке алынып, Банк барлық операцияны жүзеге асыруға арналған банк лицензиясынан айырылған күнге (бұдан әрі – лицензия) есептеледі және мынадай нәтижелер негізінде айқындалады:

шетел валютасындағы депозит (салым) қалдығын валюта айырбастаудың нарықтық бағамы бойынша теңгемен қайта есептеу;
Банктегі түрлері мен валюталары әртүрлі басқа депозиттер (салымдар) бойынша қалдықтарды ескере отырып, кепілдік өтемнің жиынтық сомасын есептеу;
сіздің Банк алдындағы берешегіңізді (болған кезде), мысалы, кредит бойынша берешегіңізді есепке алу.
Депозитіңіз (салымыңыз) бойынша атауы, түрі, валютасы және өзге де талаптары, соның ішінде Заңда белгіленген кепілдік өтемнің ең жоғарғы (шекті) сомасы, Банк пен Сіздің араңызда жасалатын банктік шот шартына және (немесе) банктік салым шартына қол қойған кезде (соның ішінде электронды түрде) толтырылатын өтініште немесе өзге құжатта көрсетіледі.

Банк лицензиясынан айырылған жағдайда «Қазақстанның депозиттерге кепілдік беру қоры» АҚ (бұдан әрі – ҚДКБҚ) сіздің депозитіңіз (салымыңыз) бойынша кепілдік өтем төлеуді 20 жұмыс күні ішінде бастайды.
ҚДКБҚ кепілдік өтем төлеудің басталу күні, тәртібі және тәсілдері, сондай-ақ төлем жүргізетін агент банктердің тізбесі туралы хабарландыруды Банк лицензиясынан айырылған күннен бастап 15 жұмыс күні ішінде қазақ және орыс тілдерінде республиканың бүкіл аумағында таратылатын мерзімді баспасөз басылымдарында («Егемен Қазақстан», «Казахстанская правда»), сондай-ақ ҚДКБҚ интернет-ресурсында (www.kdif.kz) және өзге де бұқаралық ақпарат құралдарында жариялайды.
Кепілдік өтемді төлеу мерзімі төлем басталған күннен бастап 1 жылды құрайды. Кепілдік өтемді алу үшін сіз агент банкке (агент банктерге) қағаз жүзінде өтініш беруге құқылысыз.
Кепілдік өтем сіздің тарапыңыздан растайтын құжаттармен бірге өтініш ұсынылған күннен бастап 5 жұмыс күнінен кешіктірілмей төленеді. Кепілдік өтемді төлеуге арналған өтініш нысандары мен растайтын құжаттар тізбесімен ҚДКБҚ интернет-ресурсында (www.kdif.kz) танысуға болады.
ҚДКБҚ кепілдік өтем төлеу мерзімінің аяқталу күні туралы хабарландыруы төлем мерзімі аяқталуына 30 жұмыс күні қалғанда мерзімді баспасөз басылымдарында («Егемен Қазақстан», «Казахстанская правда»), сондай-ақ өзге БАҚ-та және ҚДКБҚ интернет-ресурсында (www.kdif.kz) жарияланады.
Кепілдік өтемді төлеу мерзімі аяқталғаннан кейін (төлем басталған күннен бастап 1 жыл өткен соң) сіз талап етпеген кепілдік өтем сомасы Қазақстан Республикасының әлеуметтік қорғау туралы заңнамасында белгіленген тәртіппен «Бірыңғай жинақтаушы зейнетақы қоры» АҚ-та (бұдан әрі – БЖЗҚ) ашылған ерікті зейнетақы жарналарын есепке алуға арналған жеке зейнетақы шотыңызға аударылады. Талап етілмеген кепілдік өтем сомасын БЖЗҚ-ға аудару шарттары Заңның 21-1-бабының 2-тармағында белгіленген.
Заңға сәйкес, төлем мерзімі ішінде өтініш беруге кедергі келтіретін дәлелді себеп болған жағдайда, Сіз растайтын құжаттарды қоса бере отырып (оның ішінде Сіз талап етпеген соманы ҚДКБҚ БЖЗҚ-ға аударған жағдайда), ҚДКБҚ-ға кепілдік өтемақыны төлеуге жазбаша өтініш беруге құқылысыз. Дәлелді себептердің тізбесі Заңның 21-1-бабының 4-тармағында айқындалған. Мұндай өтініш Банктің толық таратылуына дейін немесе Қазақстан Республикасының Әлеуметтік кодексіне сәйкес сізде ерікті зейнетақы жарналары есебінен зейнетақы төлемдерін алу құқығы туындағанға дейін (талап етілмеген өтем сомасы ерікті зейнетақы жарналарын есепке алуға арналған жеке зейнетақы шотыңызға аударылған жағдайда) берілуі мүмкін.

Қазақстандықтардың жинақ ақшалары қалай қорғалған?

Сізді қызықтыруы мүмкін

«Чемпион» депозиті

Пайыз ай сайын төленеді. Шектеусіз мөлшерде толықтыруға және ақша алуға болады. Жинақты бастау үшін қолжетімді сома

Толығырақ

«Рахмет» депозиті

Арзан қызыққа алданбай, көбірек ақша жинаңыз

Толығырақ