«Банк ЦентрКредит» АҚ акционерлерінің жылдық жалпы жиналысы

Құрметті «Банк ЦентрКредит» АҚ-тың акционерлері!

A25D5G0, Алматы қаласы, Медеу ауданы, әл-Фараби даңғылы, 38 мекенжайы бойынша орналасқан «Банк ЦентрКредит» акционерлік қоғамы АҚ Директорлар кеңесінің бастамасымен (Директорлар кеңесі мәжілісінің 2025 жылғы 28 ақпандағы хаттамасы) 2025 жылғы 04 сәуірде сағат 10:00-де жеке қатысу нысанында, Zoom конференция арқылы акционерлердің жалпы жылдық жиналысының өтетіні туралы хабарлайды.

Акционерлердің жалпы жылдық жиналысына қатысушыларды тіркеу жергілікті уақыт бойынша сағат 9:30-да басталады.

«Банк ЦентрКредит» АҚ акционерлерінің жалпы жылдық жиналысына қатысуға құқылы акционерлердің тізімі 2025 жылғы 11 наурыздағы жай-күйі бойынша «Бағалы қағаздардың орталық депозитарийі» АҚ ұсынған «Банк ЦентрКредит» АҚ акцияларын ұстаушылар тізілімінің деректері негізінде құрылады.

Күн тәртібі:

1. Банктің 2024 жылғы қызметінің нәтижелері туралы есеп.

2. «Банк ЦентрКредит» АҚ-тың 2024 жылға арналған шоғырландырылған және жеке жылдық қаржылық есептілігін бекіту.

3. «Банк ЦентрКредит» АҚ-тың 2024 жылғы таза кірісін бөлу тәртібін айқындау.

4. 2025 жылы Банктің және еншілес ұйымдардың қаржылық есептілігіне аудит жүргізетін аудиторлық ұйымды анықтау туралы.

5. «Банк ЦентрКредит» АҚ Директорлар кеңесінің мүшелерін сайлау туралы.

6. «Банк ЦентрКредит» АҚ-тың үшінші облигациялық бағдарламасы шегінде облигациялардың екінші шығарылымының проспектісіне (Мемлекеттік тіркеу туралы 09.10.2017 жылғы №Е99-2 куәлік) өзгерістер және (немесе) толықтырулар енгізу туралы.

Акционерлер жалпы жылдық жиналыстың күн тәртібіне қатысты мәселелер бойынша материалдармен 2025 жылғы 20 наурыздан бастап Алматы қаласы, Медеу ауданы, әл-Фараби даңғылы, 38 мекенжайы бойынша «Банк ЦентрКредит» АҚ-та сағат 9:00-ден бастап 18:00-ге дейін таныса алады. Өзімен бірге жеке тұлғасын куәландыратын құжат болуы тиіс. Акционердің сауалы болған кезде, материалдар сауал алынған күннен бастап үш жұмыс күні ішінде, бірақ жоғарыда көрсетілген мерзімнен кейін жолданады.

Кворум болмаған жағдайда, Акционерлердің жалпы жылдық жиналысы 2025 жылғы 5 сәуірде сағат 10:00-де жеке қатысу нысанында, Zoom конференция арқылы қайта өткізіледі.

«Акционерлік қоғамдар туралы» Қазақстан Республикасының 2003 жылғы 13 мамырдағы    №415-II заңының (бұдан кейін – Акционерлік қоғамдар туралы заң) 52-бабының 1-тармағына сәйкес акционерлердің жалпы жылдық жиналысының хаттамасы жиналыс жабылғаннан кейін үш жұмыс күні ішінде жасалып, қол қойылуы тиіс.

Акционерлердің жалпы жылдық жиналысы «Акционерлік қоғамдар туралы» заңның 35-37, 39-48, 50-52-баптарына, сонымен қатар «Банк ЦентрКредит» АҚ Жарғысының қолданыстағы нормаларына сәйкес өткізіледі.

Туындаған барлық сұрақтар бойынша келесі телефон нөмірі арқылы хабарласуға болады:    
7 (727) 259 85 18