Әдетте жұмыскер өз еңбегі үшін сыйақыны аванс және жалақы түрінде екі бөлікке бөліп алады.
Аванс дегеніміз не?
Аванс – бұл жұмыс берушінің жұмыскерге оның жалақысының белгілі бір бөлігін алдын ала төлеуі. Сондай-ақ аванстық төлемге іссапарға жіберілетін маманға іссапар алдында төленетін қаражат та жатады.
Алайда бұл ұғымды кең мағынада да қарастыруға болады. Осы тұрғыдан алғанда аванс – бұл тапсырыс беруші орындаушыға тауарлар, қызметтер немесе жұмыстар үшін алдын ала аударатын төлем. Аванстық төлемдердің мақсаты – орындаушының қызығушылығын арттыру, оған тапсырыс берушіден ақша алуына кепілдік беру, сондай-ақ орындалатын жұмыстармен байланысты шығындарын өтеу.
Шарт бұзылған жағдайда, орындаушы тапсырыс берушіге барлық аванстық қаражатты қайтаруға міндетті болатынына назар аударыңыз. Қайтару толық немесе ішінара болуы мүмкін.
Бизнеске арналған шотты онлайн ашу
Бірнеше батырма арқылы қолжетімді мүмкіндіктерді пайдаланыңыз
Аванс қанша пайызды құрайды?
Аванстық төлем жалпы соманың 50%-ынан аспауы тиіс. Көптеген компанияда ол 30%-дан 50%-ға дейінгі мөлшерде белгіленеді. Бұл ретте жұмыскерге жалақы алдымен аванс, содан кейін қалған төлем ретінде айына екі рет төленеді.
Жалақы бойынша авансты есептеу, оны төлеу мерзімін белгілеу үшін еңбек шартына, ұжымдық шартқа немесе жұмыс берушінің басқа да құжаттарына (мысалы, «Еңбекақы төлеу туралы ереже») сүйену қажет. Егер аванстық төлем туралы ақпарат ешбір актіде көрсетілмесе, оны басшы қол қоюы тиіс жұмыскердің өтініші негізінде жүзеге асырады.