«Астана Хаб» – бұл қазақстандық және шетелдік технологиялық компанияларды дамытуға арналған экожүйе. Ол 2018 жылғы қарашада «Цифрлық Қазақстан» мемлекеттік бағдарламасының бесінші бағытын іске асыру аясында ашылды. IT-стартаптарға арналған технопарк Астана қаласында орналасқан. IT саласындағы сарапшылар, стартаптар мен компаниялар, менторлар, трекерлер және венчурлік инвесторлар оған қатыса алады.
«Астана Хаб»-тың функциялары
Олар ҚР Цифрлық даму, инновациялар және аэроғарыш өнеркәсібі министрінің міндетін атқарушының 2022 жылғы 23 тамыздағы №292/НК бұйрығымен бекітілген және «Aстана Хаб» халықаралық технологиялық паркі қызметінің қағидаларын бекіту туралы» Қазақстан Республикасы Ақпарат және коммуникациялар министрінің 2018 жылғы 26 қыркүйектегі №415 бұйрығына енгізілген өзгерістерде көрсетілген:
- Технопаркке ҚР резиденттерін/бейрезиденттерді тарту;
- Акселерацияға қатысатын тұлғаларды тұрғын үймен қамтамасыз ету және тұруға жағдай жасау;
- IT саласындағы инновациялық-өнеркәсіптік жобаларды іске асыру үшін әлеуетті инвесторларды іздеу;
- Технопарк резиденттеріне маркетингтік және басқа да іс-шараларды ұйымдастыру, сондай-ақ технологиялық бизнес-инкубация және акселерация қызметтерін көрсету;
- Қаржылық, білім беру және ақпараттық ресурстарды тарту арқылы «Астана Хаб» қатысушыларының дамуын ынталандыру мақсатында халықаралық компаниялармен әріптестікті ұйымдастыру.
Бизнеске арналған шотты онлайн ашу
Бірнеше батырма арқылы қолжетімді мүмкіндіктерді пайдаланыңыз
Бағдарламалар
«Астана Хаб» білім беру және бизнес сияқты екі негізгі бағыт бойынша жұмыс істейді. Білім беру бағдарламалары IT-кәсіпкерлік жолын енді бастағандарға қажет дағдылар мен білім алуға көмектеседі. Қазіргі кәсіпкерлерге арналған бизнес-бағдарламалар олардың көрсеткіштерін жақсартуға бағытталған.
Кім қатыса алады?
Astana Hub қатарына ҚР резиденттері/бейрезиденттер қабылдана алады, оның ішінде Астанада тұрмайтын немесе тіркелген бизнесі жоқ тұлғалар да кіреді. Қатысушы мәртебесін алу талаптары ҚР Цифрлық даму, инновациялар және аэроғарыш өнеркәсібі министрінің м.а. 2022 жылғы 23 тамыздағы №292/НК бұйрығында көрсетілген.
Қажетті құжаттар пакетін ұсыну арқылы қатысушыларды тіркеу онлайн түрде Astana Hub сайтында жүзеге асырылады. Өтінішті қарау мерзімі – 15 жұмыс күні.