Премиум карта дегеніміз не?

Стандарт банктік картаға қарағанда, премиум санатындағы дебеттік карталар эксклюзивті мүмкіндіктерге жол ашады.

Премиум карта қандай мүмкіндіктер мен қызметтерді ұсынатынын анықтап көрейік.

Премиум карталар: бұл не?

Премиум карта – бұл стандарт функционалды премиум сервиспен және бірегей опциялармен үйлестіретін банк өнімі. Қазақстандағы ең танымал премиум карталар – Visa халықаралық төлем жүйесінің өнімдері.

Премиум карталардың қандай мүмкіндіктері бар?

Көмек және қолдау көрсету: @VisaConcierge

Дербес көмекші өміріңізді жеңілдетіп, отбасымен демалыс, ойын-сауық, іскерлік келіссөз сияқты маңызды істерге уақыт бөлу үшін бәрін жасайды.

Саяхаттағы артықшылықтары

Премиум картаның негізгі артықшылығы – әуе көлігі және басқа да көлік түрлеріне билет сатып алу мүмкіндігі. Бұл ретте сақтандыруды жеке ресімдеудің қажеті жоқ.

Әуежайдағы артықшылықтары

Багажды ақылы буып-түю, тіркеу орны мен тексеру аймағында күту – Visa премиум картаңыз болса, мұның бәрі сапарыңызды бұзбайды.

Багажды буып-түю

Багажды буып-түю бойынша тегін қызмет барлық Visa премиум картасын ұстаушылар үшін қолжетімді. Алматы және Астана қалаларының әуежайларында ұсынылады.

Lounge Key

Бұл – бүкіл әлем бойынша әуежайларда 1300-ден астам бизнес-залға (оларды VIP Lounge, VIP-зал деп те атайды) кіруге мүмкіндік беретін бағдарлама.

Priority Pass

Бизнес-класс санатындағы жайлы күту залдарына Priority Pass бағдарламасы бойынша да кіруге болады.

yQ Meet and Assist

Бағдарлама әуежай қызметкерінің сүйемелдеуімен ұшу алдындағы және ұшудан кейінгі барлық рәсімдерден тез өтуге мүмкіндік береді.

Fast Track

Fast Track рейске жедел тіркелуді, багажды тез тапсыруды және ұшу алдындағы бақылаудан кезексіз өтуді көздейді.

Қонақүйлердегі арнайы ұсыныстар

Visa Luxury Hotel Collection бағдарламасы эксклюзивті сервис пен әлемнің сәнді қонақүйлеріне кіруге кепілдік береді.

Сауда жасау

Шопинг әуесқойлары да тиімді ұсыныссыз қалмайды: Visa серіктестері сауда жасаған кезде елеулі жеңілдіктер ұсынады.

Мейрамханалар

Бүкіл Қазақстан бойынша мыңдаған мейрамханада эксклюзивті қызмет көрсету, шефтің тәтті сыйлары, негізгі мәзірге 15%-ға дейін жеңілдіктер.

Бос уақыт және ойын-сауық

Премиум картаны ұстаушылар сыйлық ретінде танымал MEGOGO сервисіне жазылып, қазіргі заманғы Tselinny өнер орталығына 20%-ға дейін жеңілдікпен бара алады, сондай-ақ Gorky Tennis Park Club элиталық клубында теннис ойнай алады.

Премиум карталар – жайлылықты ұнатып, уақытын бағалайтын және әрбір сәттен ләззат алуға ұмтылатын адамдар үшін тамаша нұсқа. Ыңғайлы сервис, эксклюзивті ұсыныстар және жағымды бонустар – өнімнің негізгі артықшылықтары.

Артықшылықтардың салыстырмалы кестесі

	Platinum	Signature	Infinite
Консьерж-сервис	+	+	+
Fast Track	-	+	+
Әуежайлардың бизнес-залдарына тегін кіру	-	жылына 10 рет	лимитсіз
Тегін буып-түюге болатын багаж бірліктерінің саны	жылына 2 бірлік	жылына 10 бірлікке дейін	шектеусіз
Саяхатты сақтандыру	20 000$ дейін	750 000$ дейін	2 500 000$ дейін
Рейстің кешігуі	+	+	+
Рейсті өткізіп алу	+	+	+
Сатып алушыны қорғау	+	+	+
Рейстің ұшпауы немесе кешігуі	-	+	+
Ауруханаға жатқызу	-	+	+

Жиі қойылатын сұрақтар

Сұрақтарыңыз болса, қайда хабарласуға болады?

Адам шетелде ғана емес, сондай-ақ үйде де танымал мейрамханада үстел брондаудан немесе медициналық көмекке мұқтаждықтан бастап, валюта бағамын нақтылауға дейін көптеген міндетпен бетпе-бет келеді. Бұл мәселелерді шешуге Visa премиум карталарының иелеріне @VisaConcierge чат-боты көмектеседі. Бұл – Telegram мессенджерінде 24/7 жұмыс істейтін сіздің дербес көмекшіңіз. Консьерж-сервис қызметі +7 717 269 62 52 телефоны арқылы да көрсетіледі.

Visa Concierge Bot сұрауын қалай жасауға болады?

ВИП-карта иесі Telegram мессенджерін ашып, @VisaConciergeBot табуы керек. Бұдан әрі бәрі оп-оңай: сұрауыңызды мәтінмен жазыңыз немесе дауыстық хабарлама жазыңыз. Енді Visa консьерж-сервис қызметі мамандарының жауабын күту ғана қалады. Айтпақшы, Visa Concierge Bot тәулік бойы қолжетімді, демек өзекті мәселелерді кез келген уақытта шешуге болады.

Саяхат кезінде премиум карта қандай артықшылықтар ұсынады?

Карточка ұстаушылар мынадай артықшылықтарға ие болады:Карточка ұстаушылар мынадай артықшылықтарға ие болады:

• Сақтандыруды жеке ресімдеудің қажеті жоқ. Ол премиум картаны ұстаушыға және оның отбасына қолданылады, ал сақтандыру өтелімі 2,5 миллион долларға жетеді.
• Авиабилеттер мен басқа көлік түрлеріне билеттерді жақсы жеңілдікпен сатып алуға болады.
• Бүкіл әлем бойынша автокөлік жалдаған кезде үлкен жеңілдіктер қарастырылған. Мысалы, SIXT компаниясында автокөлік жалдаған кезде жеңілдік 15%-ға, ал AVIS компаниясында – рекордтық 35%-ға жетеді.
• Көптеген жағдайларда премиум карточкаларды ұстаушылар бүкіл әлем бойынша банкоматтардан комиссиясыз қолма-қол ақша ала алады.
• Мұндай карта 3 ГБ дейін интернет-роумингті тегін ұсынады. Роуминг консьерж-сервистің чат-боты арқылы қосылады және тіпті мыңдаған шақырым қашықтықта орналасқан туыстармен байланыста болуға мүмкіндік береді.
• Кейбір елдер оларға кірген кезде, әлі күнге дейін COVID-19-ға теріс ПТР тестін ұсынуды талап етеді. Visa премиум карталары бұл тестті тегін жасауға мүмкіндік береді.

Халықаралық әуежайдың ВИП-залына премиум картамен қалай өтуге болады?

Әуежайда VIP-күту аймағына өту үшін зал қызметкеріне Lounge Key бағдарламасының қатысушысы екеніңізді хабарлап, картаңызды, отырғызу талоны мен төлқұжатыңызды ұсынуыңыз қажет. Карточкада, талонда және төлқұжатта көрсетілген есімдер сәйкес келуі тиіс екеніне назар аударыңыз.

Lounge Key бағдарламасына қатысушыларға ВИП-карта не ұсынады?

VIP-күту залында Signature және Infinite деңгейіндегі премиум карточкаларды ұстаушыларға тек Wi-Fi және ыңғайлы күту орындары ғана ұсынылмайды. VIP-зал қонақтарына сондай-ақ сусындар мен тағамдар ұсынылады. Бұл жерде душ қабылдауға болады, оны әсіресе ұзақ трансфер жасайтын туристер бағалайды. Залда кондиционер орнатылған, демек сіздің жайлылығыңыз ауа райына байланысты болмайды, телефон мен теледидар да бар. Ал үлкен мониторларда ұшаққа отырғызуды жіберіп алмауыңыз үшін өзекті рейстер туралы ақпарат көрсетіледі.

Сонымен қатар бизнес-залдарда мүмкіндігі шектеулі жандардың кіруін қамтамасыз ету үшін барлық қажетті жабдық бар.

Priority Pass клубына мүшелік қандай артықшылықтар ұсынады?

Бизнес-класс санатындағы күту залдарына Visa-ның Lounge Key бағдарламасы бойынша ғана кіруге болмайды. Бұл мүмкіндікті тағы бір танымал Priority Pass бағдарламасы ұсынады.

Priority Pass клубына мүшелікті банкте премиум картаны ресімдеген кезде сатып ала аласыз. Priority Pass бағдарламасы Lounge Key сияқты мүмкіндіктерге ие, бірақ бір айырмашылығы бар. Клубтың барлық мүшесі Priority Pass жеке картасын алады, ол банктік картаға ұқсайды және оның иесі, қолданыс мерзімі туралы ақпаратты қамтиды. Алайда карточканы VIP-аймаққа кіру үшін ғана пайдалануға болады, онымен есеп айырысуға болмайды. Айтпақшы, Priority Pass бағдарламасы Lounge Key-ге қарағанда әлдеқайда көп бизнес-залға қолданылады.

ВИП-картаны ұстаушылар үшін сақтандыру: бұл не?

Visa премиум карточкаларын ұстаушылар үшін сақтандыру шетелге шыққан кезде ұсынылатын медициналық полиспен ғана шектелмейді. Сондай-ақ сақтандыру бағдарламасы рейстің ұшпауынан, кешігуінен, рейсті жіберіп алудан немесе багаждың кешігуінен сақтандыруды қамтиды. Мысалы, егер багаж 4 немесе одан да көп сағатқа кешіктірілсе, егер сіз тіркелген рейс 4 немесе одан да көп сағатқа кешіктірілсе, өтемақы аласыз.

Кеңейтілген полистердің шетелде белсенді спорт түрлерімен айналысуды жоспарлап отырған адамдарға ұсынылатынына назар аударыңыз.

Visa сақтандыруын мүлікті сақтандыру және жауапкершілікті сақтандыру саласында әлемдік көшбасшы болып табылатын американдық CHUBB компаниясы ұсынады.

Сауда жасаған кезде премиум карта қандай артықшылықтар береді?

Карточка жақсы жеңілдіктерге, сондай-ақ келесіге ие болуға мүмкіндік береді:

• Эксклюзивті сыйлықтар. Мысалы, танымал ALLOFF қосымшасы арқылы киім сатып алған кезде, бонус ретінде лимиттелген топтамадан парфюм ұсынылады.
• Ұлғайтылған Tax Free. Мәселен, Global Blue жүйесі ұсынатын Tax Free серіктестерде сауда жасаған кезде 20%-ға ұлғаяды.

Бағдарлама сатып алынған заттың ұрлануынан, оның жоғалуынан және тіпті зақымдануынан сақтандырады. Бұған қоса Visa премиум карточкаларын ұстаушылар тауарларды ұзартылған кепілдікпен (өндірушінің кепілдігі + 24 ай) сатып алады.