2025 жылға арналған Қазақстандағы декреттік төлем калькуляторы

Бала дүниеге келген кезде ҚР-дағы әйелдерге декреттік төлем (бұл жүктілікке дейін жұмыс істеген әйелдер үшін де, еңбек қызметін жүзеге асырмаған әйелдер үшін де берілетін жәрдемақы) тағайындалады. Мемлекеттік жәрдемақы есептеледі, ал жұмыс істейтін әйелдер бұған қоса табысын жоғалтуға байланысты әлеуметтік төлемді ала алады. Сондай-ақ аналарға бала бір жарым жасқа толғанға дейін есептелетін ай сайынғы жәрдемақы тағайындалады.

Сіздің назарыңызды аударамыз: бұл калькулятор тек таныстыру мақсатында ұсынылады және декреттік төлемдерді есептеудің ресми құралы болып табылмайды. ЦентрКредит Банкі қосымша консультациялар бермейді

2025 жылы Қазақстанда декреттік төлемді есептеу үшін ыңғайлы онлайн-сервис — калькуляторды пайдалануға болады. Сондай-ақ жүктілік пен босануына байланысты табысынан айырылған жағдайда жұмыс істейтін әйелдерге әлеуметтік төлемді есептеуге мүмкіндік беретін арнайы формуланы қолдануға болады: (Орташа айлық табыс × Еңбекке жарамсыздық күндерінің коэффициенті) − 10% міндетті зейнетақы жарналары (МЗЖ) = Төлем сомасы

Мысалы, 12 айдағы табыс: 1 944 000 теңге

Орташа айлық табыс = 1 944 000 ÷ 12 = 162 000 теңге

Уақытша еңбекке жарамсыздық парағы 126 күнге берілген. Еңбекке жарамсыздық күндерінің коэффициентін есептеу үшін еңбекке жарамсыздық күндерінің саны 30-ға бөлінеді. Демек, коэффициент = 4,2

162 000 × 4,2 = 680 400 теңге

680 400 − 68 040 = 612 360 теңге — еңбекке жарамсыздық парағы бойынша біржолғы төлем.

Егер жалақы жоғары болса, онда 12 айдағы ең жоғары табыс есепке алынады: 7 140 000 теңге

Орташа айлық табыс = 7 140 000 ÷ 12 = 595 000 теңге

595 000 × 4,2 = 2 499 000 теңге

2 499 000 − 10% (249 900) = 2 249 100 теңге

2025 жылы Қазақстанда декреттік төлемді онлайн-калькулятордың көмегімен қалай есептеуге болады? Ол үшін бірнеше блокты толтыру керек. Оларды толығырақ қарастырайық.

Әйелді жұмыспен қамту

Блокта жұмысқа тұру және ЖК ретінде тіркелу сияқты екі тармақ бар.

Декреттік демалысқа дейін жұмыс істеген әйелдер келесідей үш түрлі төлем ал алады: бала тууға байланысты біржолғы түрде тағайындалатын жәрдемақыға және ай сайын берілетін төлемге табысынан айрылуына байланысты біржолғы төлем қосылады.

Сондай-ақ 2025 жылы Қазақстанда бала туған әйел ЖК ретінде ресімделген болса, декреттік калькулятор мұны да ескереді. Жеке кәсіпкер әйелдер де екі жәрдемақы алады: табысынан айрылуына байланысты төлем (біржолғы) және бала 1,5 жасқа толғанға дейін оның күтіміне байланысты төлем (ай сайын).

Бала санына байланысты

Бағанда 1-ден 6-ға дейінгі және одан да көп балалардың санын көрсетуге болады. Бұл біржолғы мемлекеттік жәрдемақы мөлшеріне әсер ететін факторлардың бірі. Осылайша, бірінші, сондай-ақ екінші немесе үшінші бала туылған кезде төлем 38 АЕК-ке тең болады (бұл 2025 жылы 149 416 теңгені құрады). Әйел төртінші және одан кейінгі уақытта тағы ана атанса, төлем 63 АЕК-ке дейін не 247 716 теңгеге дейін ұлғаяды.

Әлеуметтік тәуекел күні

Бұл термин баланың туған күнін білдіреді. Қалқымалы күнтізбеде белгілі бір күн мен ай таңдалады.

Босану жағдайы, жеңілдіктер

Жәрдемақы мөлшеріне босану барысы мен әйелдің өмір сүру жағдайлары да әсер етеді. Сондықтан декреттік калькулятор міндетті түрде осындай блокты қамтиды.

Блок мынадай тармақтардан тұрады:

1. 1. Босану: 
   • Қалыпты. Егер босану асқынусыз және қауіп-қатерсіз болса, онда әйелге науқас парағы 126 күн беріледі.
   • Асқынған, 2 не одан да көп балану туу. Мұндай жағдайда аурухана 140 күнге дейін ұзартылады.  
2. 2. Ядролық сынақтар жүргізілген аумақтарда тұру кезінде берілетін жеңілдіктер.

Мұндай жағдайда қалыпты босану кезінде науқас парағының ұзақтығы — 170 күн, асқынған босану кезінде 2 аптаға ұзағырақ — 184 күн.

Декрет күндерінің саны

Декреттік демалыс калькуляторы алдыңғы бөлімде қажетті элемент таңдалғаннан кейін күнді автоматты түрде енгізеді.

Табысты кеңейтілген түрде есептеу

Сонымен қатар 2025 жылға арналған декреттік төлем калькуляторы табысты әр ай үшін бөлек есептеуге мүмкіндік береді. Осының арқасында есептеу барынша толық әрі егжей-тегжейлі болады.

2025 жылы декреттік төлемді калькулятормен қалай есептеуге болады:

Әлдебір әйел төлемді есептеу үшін келесі деректерді енгізеді:

1. 1. Жұмыспен қамту — жұмысқа тұрған.
2. 2. Бала  санына байланысты — бірінші.  
3. 3. Әлеуметтік тәуекел күні — 28.03.2025.
4. 4. Жағдайы, жеңілдіктер — қалыпты босану, жеңілдіктер жоқ. 
5. 5. Декрет — 126 күн.

Барлық деректі енгізгеннен кейін «Санау» батырмасын басу ғана қалады. Нәтижесінде сервис келесі мәліметтерді береді:

• Бала тууға байланысты біржолғы жәрдемақы— 149 416 теңге. Бала туғаннан кейін бірден төленеді.  
• Ай сайынғы төлем (бір жарым жасқа дейін) — 33 510 теңге.

Бұл ақшаны әйел өз қалауы бойынша жұмсай алады: киім-кешек пен тамақ сатып алуға, қажетті жиһаз немесе техника сатып алуға, балаға кәмелетке толғаннан кейін (оқуға, саяхаттауға, үй сатып алуға) қомақты соманы алу үшін банктегі салымға салуға болады.